«Табысқа жету формуласы» бенефис-шоуы

probel

«Жетістік  формуласы» бенефис    шоуы. Сергей   Анмен  кездесу

Жетістік формуласы» бенефис шоуы. «Рухани жаңғыру» бағдарламасының республикалық тізіліміне енгізілген «Жетістік формуласы» жобасының аясында НОМАД ММА аралас жекпе-жек өнерінің ұлттық стилінің негізін қалаушы, жаттықтырушы, «Қазақстандағы 100 жаңа есім» жобасының жеңімпазы, қалалық мәслихаттың депутаты Сергей Валентинович Анмен кездесу өтті.

№10, 27 ЖОББМ, №95 гимназияның балалары және Қарағанды «Болашақ» колледжінің балалары Қонақпен танысып, сөйлесуге мүмкіндік алды.

Балалармен диалог қызықты әрі мазмұнды болды, бенефис-шоуға қатысқандар: «Сіз үшін бақыт дегеніміз не?», «Сіздің өкінішіңіз бар ма, өз өміріңізде нені өзгерткіңіз келеді?», «Сіздің жетістікке жетуіңіздің сыры неде?, «Сіздің спорттағы алғашқы марапатыңыз қандай болды?», «Сіз дінге қалай қарайсыз?» және т.б. сұрақтар қойды.

Сергей Валентинович әңгімелесу барысында өзінің балалық және жасөспірім шағы туралы, Қонақ отбасын және өзінің жаттықтырушылық қызметі өз өмірінде маңызды орын алатыны туралы айтты. Балалар Қонақтың поэзия жазатын, гитарада ойнайтын, сурет салуға әуестенген, жарыстар өткізу әдістеріне арналған кітаптар шығаратын, қытайдың халықтың медицинасын зерделейтін жан-жақты тұлға екенін білді.

2008 жылдан бастап NOMAD MMA жекпе-жек күресінің ұлттық түрінің Дүниежүзілік федерациясысының вице-президенті болып табылады. 2010 жылдан - ҚР Республикалық одағы Жоғарғы Кеңесінің төрағасы.

Сергей Валентинович Ан «Қазақстан Республикасының еңбек сіңірген жаттықтырушысы», «Жауынгерлік өнерінің шебері», «Еңбек сіңірген тәлімгер», «Қазақстан Республикасының спорт шебері» төсбелгілерінің иегері, 30 жыл жаттықтырушылық қызметпен айналысады, оның өмірлік ұстанымы: «Ешқашанда берілме!».

Қонақ балаларға 15 жыл бойы бүгінгі күні әлемнің 15 елінде танылған аралас жекпе-жек өнерінен өз стилін дамытқанын әңгімелеп берді.

«Nomad MMA» әдісі - қазақ жауынгерлерінің ежелгі дәстүрлерін және заманауи әлемнің бейнесін біріктірген спортшыны жан-жақты дамытудың әдісі, бұл рухы және дене күші мықты жауынгерлерді, өз елінің шынайы патриоттарын тәрбиелеуге мүмкіндік беретін әдіс.

Қонақ «Қандай кітаптар Сіздің есіңізде қалды?» - деген сұраққа, балаларға Ж.Верннің шытырман оқиғалар романдарын оқуды ұсынды және Сергей Есениннің шығармасын атап өтті.

Кездесу барысында Қонақ қойылған 41 сұрақтың барлығына жауап берді.

Мадина Закирова мен Данил Леваштанов қойған сұрақтар Сергей Валентинович үшін ең ең үздік сұрақ болып табылды, оларға естелікке өзінің «NOMAD MMA Дүниежүзілік федерациясының ережелері» кітабын табыс етті.

"Жұлдызға теңескенше оқы" кітап көрмесінде балаларға танысу үшін қазіргі заманғы балалар кітаптары, ал "Балалық шағымның кітаптары" тақырыптық сөресінде Сергей Валентинович Ан әуестене оқыған кітаптар ұсынылды

Кездесу соңында Қонақ "Құрметті қонақтар кітабында", балалар "Оқырмандар пікірінің кітабында" бенефис-шоу туралы естелік пікірлерін қалдырды.

«Жетістік формуласы» бенефис-шоуы. Ерлан Әшіммен сұхбат.

«Бизнесте қалай табысқа жетуге болады?»- деген сұрақ кәсібін жаңа бастаған барлық кәсіпкерлерді мазалайды. Бұған таң қалуға болмайды. Бизнес өз ісіңде үздік болып, биік шыңдарға жету үшін құрылған.

Кітапхана оқырмандарына «Табысқа жету формуласы» бенефис-шоуы жобасының кейіпкері қарағандылық бизнесмен, «Нәтиже» компаниясының құрылтайшысы Ерлан Әшім «Табыс дегеніміз не және оған қалай жетуге болады?» -деген сұрақтың жауабын беруге тырысты.

10 қарашада №1 гимназияның, дарынды балаларға арналған «Мұрагер» мектеп-интернатының балалары және Қарағанды коммерциялық колледждің студенттері Ерлан Мұқатайұлына сүт зауытын құру арманын қалай жүзеге асырғаны, неге бизнесмен болғаны және табысты кәсіпкерліктің жолы қандай екені туралы сұрақ қоюға мүмкіндік алды.

Бенефис-шоудың қатысушылары қызу әңгіме барысында кәсіпкердің жеке өмірінен көп нәрсе білді. Ерлан Әшім 90 жылдары жұмыссыз қалып, бір нәрсемен айналысуы қажет болды, ол сауданы таңдады. Алғашында ұсақ тауарларды сатты, кейінірек нан пісірді, уақыт келе сүт өнімдерімен айналысуды шешті.

Бүгінде Ерлан Әшім - «Нәтиже» компаниясының құрылтайшысы, «Milkhouse» сүт өнімдері дәмхана-дүкенінің иесі. «Нәтиже» сауда – саттық желісі 12 сүт дүкенінен тұрады. Өңірдің барлық ірі сауда желілерін қамту туралы шарттар жасалған. Орталық Қазақстанның кезкелген өңірінен қарағандылық сүт фабрикасының өнімін табуға болады.

Бала кезінен өнегелі, адал адам болуды армандаған Ерлан Мұқатайұлының «Алдыңа мақсат қойып, жетістікке жет, уақытты босқа өткізбе, әрқашанда бірнәрсені үйренуге тырыс» өмірлік ұстанымы болды.

Ерлан Әшім бала кезінде оқыған Б.Момышұлының «Я помню их», Н.Чуковскийдің «Балтийское небо», З.Акишевтің «Жаяу Мұса» кітаптары туралы балаларға тартымды әңгімелеп берді. Кітапханашылар сол кездердегі және сол басылымдардағы бұл кітаптарды қордан тауып, таныстыру үшін «Менің балалық шағымның кітаптары» тақырыптық сөресінде балаларға ұсынды. Бенефис-шоу кейіпкері бұл кітаптарды 35 жыл өткен соң көріп, қатты қуанды.

Ерлан Мұқатайұлының өмірлік дүниетанымына әсер еткен кітаптар да болды, бұлар Александр Бектің повесі «Волоколамское шоссе», Шыңғыс Айтматовтың алғашқы романы «И дольше века длится день».

Ерлан Әшім «Бизнес үшін нені құрбан етер едіңіз?» - деген сұраққа, «Мен өзімнің үлкен балаларымның балалық шағын көрген жоқпын. Мен жұмысқа кеткенде, олар ұйықтап жататын, мен жұмыстан келгенде, тағы да ұйықтап жататын» - деп жауап берді.

Бенефис-шоудың қонағы дербес жетістік формуласы туралы сұраққа: «Егер сен өз жұмысыңды жақсы көрсең ғана, сен табысқа жете аласың»- деп жауап берді.

Диалог өте мазмұнды және қызықты болды. Балалар 27 сұрақ қойып, барлығына жауап алды.

Ерлан Әшім балалармен кездесуін «Мұндай кездесулерде мен біреулерге пайда әкелемін деп сезінемін. Бұл мені шабыттандырады» - деп қорытындылап, топтың әр қатысушысына «Milkhouse» дәмханасының таңғы асына шақыру билеттерін сыйлады.

42

«Табысқа жету формуласы» бенефис-шоуы Қадиша Базарбайқызы Оспановамен кездесу.

«Табысқа жету формуласы» жобасы аясында «Нұр Отан» партиясының облыстық филиалы төрағасының бірінші орынбасары Қадиша Базарбайқызы Оспанова мен гуманитарлық колледж студенттерінің, №101 лицей және М.Жұмабаев атындағы №39 гимназия оқушыларының арасында кезекті диалог өткізілді.

Қадиша Базарбайқызы іс-шараға қатысушыларға өзінің өмірі, саяси мансабы туралы әсерлене баяндап берді. Қарағанды мемлекеттік медицина университетінің бұрынғы педагогы ассистенттен үздіксіз кәсіби даму жөніндегі проректорға дейінгі кәсіби жолдан өтті. 2012 жылдан бастап «Нұр Отан» партиясының Қарағанды облыстық филиалы төрағасының бірінші орынбасары.

Қонақ бала кезінде оқыған кітаптары туралы өз әсерлерімен бөлісті. Қадиша Базарбайқызы жеткіншек шағында тарихи және шытырман жанрындағы шығармаларды қызыға оқыған. Ол Жюль Верннің «Капитан Гранттың балалары» романын, Шыңғысхан туралы романдарды әуестене оқыған, әртүрлі халықтардың ертегілерін өте жақсы көрген, Мұхтар Әуезовтің кітаптарын сүйіп оқыған. Жоғары сыныптарда және студенттік жылдары Ш.Бронтенің кітабы «Джейн Эйр» оған өте ұнаған, ал М.Митчелдің «Унесенные ветром» романының кейіпкері Скарлетт О Хара жас қыздың өмірінде ерекше әсер қалдырған.

Кездесу барысында «Депутат болу оңай ма? Қалай депутат болуға болады?», «Сіз бос уақытыңызда немен айналысасыз?», «Қаланың Октябрь ауданы Әлихан Бөкейханов атындағы ауданға өзгертіле ме?», «Жалқаулықты қалай жоюға болады?», «Адамдар Сіздің көмегіңізге жиі жүгіне ме?», «Сіз қандай кітаптың кейіпкеріне ұқсағыңыз келді?», «Сіз неліктен дәрігер мамандығын таңдадыңыз?» және т.б. сұрақтар балаларды аса қызықтырды. Әңгіме барысында балалар Қадиша Базарбайқызының бассейнге баруды ұнататыны, йогамен айналысатыны, адамдардың өмірі мен проблемалары туралы біліп, олармен көп кездесетіні жайында білді.
Қонақтың пікірінше, балалар тәрбиесі туралы сұрақ ең жақсы сұрақ болды. Қадиша Базарбайқызы өзінің балалық шағын, ата-анасын есіне алып, ата-ананың үлгісі және ата-ана мен балалар арасындағы сенімді қарым-қатынас тәрбиедегі ең басты нәрсе - деп атап өтті.

«Менің сүйіктіме, жақындарыма, мамандығыма деген махаббатым ұшан-теңіз. Ал өз мақсаттарына ұмтылған және арманы бар мықты адамдардың үлгісі табысты болуға көмектеседі. Кезкелген жұмысты соңына дейін жеткізіп, оны қызықты қылып көрсету - табыстылық принциптерінің бірі. Біздің елімізде, менің туыстарым мен жақындарыма қатысты болатын барлық процестерге белсене қатысу» - деп әңгімесін қорытындылады Қадиша Базарбайқызы.

Аудиторияның ең жақсы сұрағы үшін М.Жұмабаев атындағы №39 гимназияның 9 «ә» оқушысы Дильназ Құспекова бенефис-шоудың басты кейіпкердің қолынан «Қарағанды. Қарағанды облысы» энциклопедиясын сыйлыққа алды.

Балаларға «ЖҰЛДЫЗҒА теңескенше оқы» кітап көрмесінде заманауи балалар кітаптары танысу үшін, ал «Балалық шағымның кітабы» тақырыптық сөресінде

Қадиша Базарбайқызы Оспанованың әсерлене оқыған кітаптары ұсынылды.

Алаңда 21 сұрақ қойылды және олардың барлығына жауап берілді.

kadiwa

«Табысқа жету формуласы» бенефис-шоу жобасы. Дмитрий Карповпен диалог

 

Адамның, олимпиада чемпионының өмірі күнделікті қиындықтарды және өзін өзі жеңуінен тұрады. Танымал, табысты спортшы болу әркімнің қолынан келе бермейді, ал спорттық мансапта табысқа қол жеткізу оңай емес. Мұндай тұлғаның жетістікке жету формуласы қандай? Бұл туралы біздің оқырмандар қаладағы танымал және табысты адаммен кезекті кездесуде білді.

 

Қазақстандық жеңіл атлетші, 2004 жылғы жазғы Олимпиада ойындарының қола жүлдегері, Қазақстан Республикасының еңбек сіңірген спорт шебері Дмитрий Васильевич Карпов «Табысқа жету формуласы» жобасы аясындағы диалог алаңының кезекті қонағы болды.

 

№102 мектеп –гимназияның, №3 гимназияның, №63 ЖОМ 7-9 сынып оқушылары Қонақты мұқият және қызыға тыңдады. Балалар тарапынан әртүрлі тақырыптағы: балалық шағы, отбасы, спорттық мансабы, қызығушылықтары мен құмарлығы туралы әртүлі сұрақтар қойылды.

 

Мұндай кездесулерде кітапқа және оқуға деген көзқарасы алғашқы және негізгі сұрақ болып табылады. Біздің Қонағымыз оқығанды жақсы көреді, бірақ толыққанды оқуға уақыты жоқ. «Қандай кітаптар Сіздің дүниетанымыңызға әсер етті? – деген сұраққа Дмитрий «Азбуканы», Николай Носовтың «Приключения Незнайки в Солнечном городе» кітабын, Борис Акуниннің шығармаларын атады.

 

Дмитрий Карпов балалармен әңгімелесу барысында бірнеше рет «жеңіл атлетика» тақырыбына тоқталып өтті. Қонақ жеңіл атлетшілер отбасында ержеткен, ата-анасы ерте жасынан оны осы спорт түріне деген қызығушылыққа баулыған. Қазір Дмитрий Карпов 2 баланың әкесі, өз ата-анасының үлгісі бойынша балаларын дене тәрбиесіне деген сүйіспеншілікте тәрбиелейді.

 

Қонақ бенефис-шоудың шарты бойынша ең қызықты немесе ерекше сұрақ үшін жоба қатысушысына өз атынан естелік сыйлық сыйлайды. Осы кездесуде «Сіз өз жұбайыңызды сүйесіз бе? –деген күтпеген сұрақ Қонаққа қатты әсер етіп, №102 мектеп-гимназияның оқушысы Ерасыл Серік сыйлық алды.

 

Балаларға танысу үшін қазіргі заманғы балалар кітаптары «ЖҰЛДЫЗҒА теңескенше оқы» кітап көрмесінде, ал Дмитрий Карпов бала кезінен әсерлене оқыған кітаптары «Балалық шағымның кітаптары» тақырыптық сөресінде ұсынылды.
Алаңда 35 сұрақ қойылып, барлық сұрақтарға жауап берілді.

 

Кездесу соңында Дмитрий Карпов «Құрметті Қонақта кітабында», ал балалар «Оқырмандар пікірі кітабында» бенефис-шоу туралы естелік пікірлерін қалдырды.

karpov

 

Лилия Павловна Мухутдинованың қатысуымен «Табысқа жету формуласы» бенефис-шоу

№97, 93, 1, 95,45 мектеп-гимназияларының 6-8 сынып оқушылары 16 мамырда сағат 15.00-де Кеншілердің мәдениет сарайының Ғұрыптық залында «Табысқа жету формуласы» бенефис-шоу жобасының аясындағы  диалог алаңында Қарағанды облыстық мәслихаттың депутаты, облыстық мәслихаттың тұрғындарды әлеуметтік-мәдени дамыту және әлеуметтік қорғау жөніндегі тұрақты комиссиясының мүшесі, «НұрОтан» партиясының мүшесі Лилия Павловна Мухутдиновамен кездесті.

Сонымен қатар, Лилия Павловна Абай қаласының № 10 мектеп-гимназиясының директоры болып табылады. Тәжірибелі педагог және дана басшы мазмұнды да тартымды әңгімесімен балалардың отбасы, мансап, балалық шақ, мектеп формасы,  отбасылық дәстүрлер туралы сұрақтарына жауап берді.  «Сіздің мектептің оқушыларына үш сөзбен сипаттама беріңізші» деген өтінішке Қонақ өз оқушыларын «ақылдылар, тентектер және спортшылар»  деп сипаттады.

Балалар Қонақтың орындауындағы Ұлы Отан соғысы кезеңіндегі қайғылы оқиғаларға арналған Андрей Дементьевтің «Хатынь қоңыраулары» өлеңін тыңдады.

Лилия Павловна «Қандай үш кітап Сіздің дүниетанымыңызға әсерін тигізді?» деген сұраққа балаларға Ким Костенконың «Бұл Краснодонда болды» деректі повесін, А.Фадеевтің «Жас гвардия» романын, В.Кавериннің «Екі капитан» шытырманға толы романын оқуды ұсынды.

«ЖҰЛДЫЗҒА теңескенше оқы» кітап көрмесінде балалардың танысуы үшін қазіргі заманғы балалар кітаптары, ал «Балалық шағымның кітаптары» тақырыптық сөресінде 50-60 жылдары басылып шыққан Қонақтың оқыған кітаптары ұсынылды.
Алаңда 29 сұрақ қойылып, барлық сұрақтарға жауап алынды. Мектеп кезіндегі алғашқы махаббат туралы сұрақ құрметті Қонақ үшін ең қызықты сұрақ болды. Осы сұрақ үшін депутаттың естелік сыйлығын - хрусталь қоңыраушаны  №95 гимназияның 7 «Б» сыныбының оқушысы Владислав Куковский алды.

Оқырмандар лебізі

лидия

Еркебұлан Мүлікұлы Ағымбаевтың қатысуымен «Табысқа жету формуласы» бенефис-шоу

2017 жылдың 30 сәуірінде №3, 1, 92 гимназиялардың 6-8 сынып оқушыларының және Құрметті Қонақ - Қарағанды облысының мәдениет, архивтер және құжаттама басқармасының басшысы Еркебұлан Мүлікұлы Ағымбаевтың қатысуымен «Табысқа жету формуласы» бенефис-шоу жобасының алғашқы кездесуі өткізілді. 

Іс-шара қонақтары біздің қаламыздағы дарынды, табысты және маңызы бар адаммен танысты. Балалар Қонақтың отбасы, балалық шағы және кәсіби қызметі туралы әңгімесін ықыласпен тыңдады. Әртүрлі тақырыпта: хоббиі, шетелдік гастрольдері, армандары, қызықты кітаптары, шығармашылық жоспарлары, табыстылығы және т.б. туралы сұрақтар қойылды.

Еркебұлан Мүлікұлы бенефис-шоуға қатысушыларға өзінің дүниетанымына әсерін тигізген Р.Киплингтің «Маугли», Тоқтар Бейсенбиновтың «Ақиқат» кітабын, Д.Досжановтың шығармаларын оқуды ұсынды. 

Диалогтық алаң құрылды. Балалар қойылған 31 сұрақтың барлығына жауап алды. Қонақ бенефис-шоу соңында хореограф мамандығы жайлы ең қызықты сұрақты қойған, Алина есімді оқырманға, өзінің сыйлығын табыстады. 

Қатысушылардың назарына «Жұлдызға теңескенше оқы» кітап көрмесі, «Балалық шағымның кітаптары» тақырыптық сөресі, «Табыс» кітап инсталляциясы ұсынылды.

Оқырмандар лебізі

10


Всего просмотров: 14318
Хочу продать квартиру. Ипотека можно ли продать квартиру быстро. Можно продать долю в квартире. В каком банке брать ипотеку. Стоит ли брать ипотеку сегодня. На какой срок брать ипотеку. Утепление стен своими руками. Быстрое утепление стен пенопластом своими руками. Технология утепления стен. Ремонт видеокарты ноутбука. Быстрый ремонт видеокарты своими руками. Сколько стоит ремонт видеокарты. В каком банке взять автокредит. Где выгоднее взять автокредит без проблем. Бесплатный сервер wow. Рейтинг серверов wow сайт. Сервера wow mangos. Чертежи самодельных станков. Скачать чертежи станков для холодной ковки. Сверлильный станок чертеж. Договор аренды квартиры. Стоимость аренды квартиры в Москве. Снять в аренду квартиру.

55

 alma  

qwerty

 

kazakshaaaa

kitaptn

anonse

240118kaz

100-kz

jemkor

Біз әлеуметтік желілердеміз:

large-4bb371ad446b9130e646679e875d9203 1758930-facebookicon1c clipart-bouton-3d-mail-message-web-free-gratuit-1560x1477 vk3-2

Жаңалықтар мұрағаты

Маусым 2018
MoTuWeThFrSaSu
    123
45678910
11121314151617
18192021222324
252627282930 

logo ru

 

st2050kaz fgg kaz mink e02032018095416.gov.kz