«Табысқа жету формуласы» бенефис-шоуы

probel

Людмила Мельниковамен «Жетістік формуласы» бенефис-шоуы

Республикалық «Рухани жаңғыру» іс-шаралар, жобалар тізбесіне енгізілген «Жетістік формуласы» бенефис-шоуы» жобасын жүзеге асырудың жалғасы ретінде  12 желтоқсанда композитор, білім үздігі, мәдениет қайраткері, халықаралық музыкалық байқаулардың лауреаты, Қарағанды облысы композиторларының халық клубының басшысы Людмила Евгеньевна Мельниковамен диалог өткізілді.

№95 гимназияның 7 сынып және №45 гимназияның 9 сынып оқушылары диалог алаңына қатысты.

Балалар журналисі, жазушы, композитор, «Веселый Там-Там» балаларға арналған музыкалық-танымдық жобаның жүргізушісі Людмила Евгеньевна балалардың қазақстандық балалар музыкасын кеңінен танымал етуге және Қазақстан балаларының мәдени өміріндегі аса қызықты оқиғалардың жариялануына ерекше мән береді.

Людмила Евгеньевна 2005 жылы ҚР мәдениет және ақпарат министрлігінің «Мәдениет қайраткері» құрмет белгісіне ие болды.

Людмила Евгеньевна біздің кітапханамыздың бұрынннан бергі досы және серіктесі болып табылады. Көптеген өлеңдерінің сөзіне әнін өзі жазған және қазақ, ағылшын, неміс тілдеріне аударылған. Балалар мен жеткіншектекрге арналған әндері, мюзиклдары жұртшылыққа кеңінен танымал.

Диалог алаңының қатысушылары балалар әндерінің авторы Л.Мельниковадан оның өзінің жетістік формуласынан білді. Құрметті қонақтың айтуы бойынша: «Табысқа жету адамның өз қолында, өзіңнің  сүйікті ісіңмен дарынды түрде айналысу керек, ал ерте ме, кеш пе адам көпшілікке танылады». Сонымен қатар, қонақ балаларға адамзаттың барлық даналығы сақталған мақал-мәтелдерді зерделеуді және солардың қағидаларына сәйкес өмір сүруді ұсынды. Людмила Евгеньевна үшін  «Капля камень точит», «Терпение и труд - все перетрут», «Тише едешь – дальше будешь» секілді мәтелдердің маңызы бар.

Заманауи, классикалық және балаларға арналған музыка туралы  әңгіме қозғалды. Людмила Евгеньевна өзінің «Фестиваль» авторлық әнін орындады, балаларды өзінің әндері мен өлеңдері жинағымен таныстырып,  оларды Абай атындағы кітапханаға сыйға тартты, көптеген марапаттары туралы айтып берді.

Кітапханашылардан қойылған «Сіздің дүниетанымыңызға қандай үш кітап әсер етті?» деген дәстүрлі сұрақ бойынша Қонақ балаларға М.Пришвиннің кітаптарын, В.Осееваның «Динка» повесін, «Жизнь замечательныхлюдей» кітаптар сериясын оқуға кеңес берді.

Іс-шара барысында балалардан қойылған 10 сұраққа Людмила Мельникова кеңінен және толық жауап берді. «Сіз заманауи музыкаға қалай қарайсыз?», «Тұлға ретінде Сізге кім көбірек әсер етті?», «Музанот жобасы қашан жасалды»?» және т.б. сұрақтар қойылды.

Кездесудің белсенді қатысушылары қойған ең қызықты сұрақтары үшін Қонақтан балалар әндерінің дискілері мен өлеңдер жинағын естелік сыйлыққа  алды.

«ЖҰЛДЫЗҒА теңескенше оқы!» кітап көрмесінде балаларға танысу үшін заманауи балалар кітаптары, «Балалық шағымның кітаптары» тақырыптық сөресінде Людмила Мельникова әуестене оқыған кітаптар ұсынылды.

Кездесу соңында Қонақ «Құрметті Қонақтар Кітабында», ал балалар «Оқырмандардың пікірі кітабында» бенефис-шоу туралы пікірлерін қалдырды.

 IMG 6108

 Қуандық Нүрпеисовтің қатысуымен «Жетістік формуласы» бенефис-шоуы

23 қазанда металл өңдеумен және машина жасаумен айналысатын «Іңкәр-1» ЖШС-нің негізін қалаушы, бизнесмен Қуандық Балтабайұлы Нүрпейісовтің және №3 гимназия мен № 64 мектеп оқушыларының, Қарағанды қаласының жоғары политехникалық колледжі студенттерінің қатысуымен кезекті «Жетістік формуласы» бенефис-шоуы өткізілді.

Өмірде өз ісін тапқан адаммен сұхбаттасу балалар үшін өте қызықты болды.

Мәскеу болат және қорытпалар институтын бітіргеннен кейін Қуандық Балтабайұлы құбырларды электр дәнекерлеу цехында жұмыс істеді. Ол қарапайым жұмыскерден өз зауытының басшылығына дейінгі еңбек жолынан өтті.

Қиындығы мол 90-шы жылдары Қуандық Балтабайұлы жұмыссыз қалып, отбасын асырау үшін бірдеңемен айналысуға мәжбүр болды.

1998 жылы «Іңкәр-1» серіктестігі – шағын металл өңдеу зауыты пайда болды, ал инженер-металлург 2008 жылдан бастап өзін сүйікті ісіне арнады. Бұл кәсіпорынның металлургия, тау-кен саласы мен цемент өндіруге арналған қосалқы бөлшектер шығаруда үлкен тәжірибесі бар. Фирма қызметкерлері, негізінен, «АрселорМиттал Теміртау», «Қазақмыс» сияқты және т.б. өнеркәсіптік алыптар үшін жабдықтар жасаумен және бөлшектердің механикалық өңдеуімен айналысады.

Қуандық Балтабайұлы «Қазақстанда жасалған» Тауар өндірушілерінің және кәсіпкерлер қауымдастығының мүшесі болып табылады. 2012 жылдан бастап Қарағанды облысының машина жасау консорциумының мүшесі. Оның бизнесі көптеген кіші және орта бизнесті қолдаудың мемлекеттік бағдарламаларында ұсынылды. 2013 жылы ол «Іскери байланыстар» бағдарламасына қатысып, Германияның машина жасау кәсіпорындарында бір айлық оқыту мен тәжірибеден өтті.

2013 жылы «Шағын қалалар» мемлекеттік бағдарламасы бойынша жапондық машина жасау зауыттары келді. «Іңкәр-1» ЖШС «Қазақстанның үздік тауары» (2018) көрме байқауының қатысушысы, «Алтын сапа» (2016 ж.) сыйлығының лауреаты.

Қонақ балалардың «Болашаққа қандай жоспарыңыз бар?», «Сізді әлемнің қай қаласы баурап алды?», «Жастарға қандай кеңес берер едіңіз?», «Сіз табысқа қалай жеттіңіз?», «Сіз алғашқы миллионды қалай таптыңыз? », «Адамдарды қалай басқарасыз?», «Сізді не ынталандырады?» және т.б. сұрақтарына ашық және тікелей жауап берді.

Қуандық Балтабайұлының айтуынша, бизнесте қиындықтар мен кедергілер әрқашанда болады, жақын адамдарыңның қолдауы, оның сөзіне деген сенімділік, жауапкершілік оның бизнесінің берік өркендеуіне және табысқа жетуіне әкелді.

Қуандық Балтабайұлы «Сіздің өмірлік ұраныңыз немесе ұстанымыңыз бар ма?» - деген сұраққа, «Толыққанды өмір сүру қажет!» - деп жауап берді.

Кітапханашылардың «Қандай үш кітап дүниетанымыңызға әсер етті?» - дәстүрлі сұрағына, Қонақ балаларға Ф.Купердің, Э.Ремарктің, Д.Лондонның кітаптарын оқуды ұсынды.

Іс-шара қорытындысы бойынша Қонақ аудиториядан қойылған 30 сұрақтың барлығына жауап берді.

Диалог алаңының соңында Құрметті қонақ Жайлан Құдайбергенді бенефис-шоудың ең белсенді қатысушы ретінде атап өтіп, оған Power bank (мобильді аккумулятор) естелік сыйлығын тапсырды.

«Іңкәр-1» ЖШС құрылтайшысымен кездесу жас ұрпақтың жеке кәсіпкерлікке деген зор қызығушылығын тудырды, балалар белсене сұрақ қойып, болашақта табысты кәсіпкердің қалай болатынына қызығушылық танытты.

IMG 4839

 Қайрат Кемаловпен «Жетістік формуласы» бенефис-шоуы

«Жетістік  формуласы» бенефис    шоуы. Сергей   Анмен  кездесу

«Жетістік формуласы» бенефис-шоуы. Ерлан Әшіммен сұхбат.

«Табысқа жету формуласы» бенефис-шоуы Қадиша Базарбайқызы Оспановамен кездесу.

«Табысқа жету формуласы» бенефис-шоу жобасы. Дмитрий Карповпен диалог

Лилия Павловна Мухутдинованың қатысуымен «Табысқа жету формуласы» бенефис-шоу

Еркебұлан Мүлікұлы Ағымбаевтың қатысуымен «Табысқа жету формуласы» бенефис-шоу

 


Всего просмотров: 27221

55

 alma  

qwerty

 65abay

kitaptn

anonse

240118kaz

100-kz

jemkor

Біз әлеуметтік желілердеміз:

large-4bb371ad446b9130e646679e875d9203 1758930-facebookicon1c clipart-bouton-3d-mail-message-web-free-gratuit-1560x1477 vk3-2

Жаңалықтар мұрағаты

Қаңтар 2019
MoTuWeThFrSaSu
 123456
78910111213
14151617181920
21222324252627
28293031   

logo ru

 

st2050kaz fgg kaz mink e02032018095416.gov.kz