Кітапханада «Кітапкиномания» клубының жылдық қорытынды басқосуы өтті. Бұл жиын алда келе жатқан жаңа жыл мерекесі қарсаңында қатысушыларға көтеріңкі көңіл күй сыйлап, А. Борматовтың «Zолушка» атты заманауи кинокомедиясын тамашалауға мүмкіндік берді.
Фильм Шарль Перроның классикалық ертегісінің бүгінгі заманға лайық нұсқасы. Онда жақсы өмірді аңсаған, аймақтан шыққан жас қыздың тағдыры баяндалады. Дәстүрлі нұсқадан өзгешелігі – шығармада қазіргі өмір көріністері, әзіл мен оқиға желісінің шапшаң дамуы үйлесім тапқан. Бұл фильмді көрермен үшін тартымды әрі өзекті етеді.
Көрсетілімнен кейін қатысушылар фильмнің негізгі ойларын, кейіпкерлерін және классикалық ертегінің қазіргі заманғы баяндалуын талқылады. Балалардың айтуынша, фильм оларға ерекше әсер қалдырған. Көпшілік таныс оқиғаның жаңа қырынан ашылғанын атап өтіп, Ш. Перроның осы тамаша ертегісі бойынша түсірілген басқа да бейнежобаларды тамашалауға ынта білдірді.
