Абайтану әліппесі : сөйлейтін қалам / М. Мырзахметұлы. – Астана : Interactiv Kazakhstan, 2011. – 4 кітап. «Абайтану әліппесі» оқу-әдістемелік кешені интеллектуалды интерактивті оқыту технологиялары негізінде жалпы білім беретін мектептің 5-9-сыныптарына арналған. «Абайтану әліппесі» интелектуалдық әдістемелік оқу тәрбие кешені «Жақсы бала», «Жақсы ұстаз», «Жақсы ата ана», «Жақсы құрбы құрдас» атты төрт кітаптан тұрады. Бұл басылымдарда Абайдың өлеңдері мен қара сөздерін, оқыту тәсілдері көрсетілген. Кешендегі оқу материалдары сөйлейтін қаламның көмегімен дыбысталады. «Жақсы бала» тест тапсырмаларынан, «Жақсы құрбы-құрдас» оқу құралында Абай шығармалары хрестоматия түрінде әзірленіп ал, «Жақсы ұстаз» оқу құралы мұғалімге әдістемелік нұсқаулық ретінде және «Жақсы ата-ана» оқу құралы ата-аналарға кеңес ретінде дайындалған. Құнанбайұлы, Абай. Шығармаларының екі томдық толық жинағы : Өлеңдер мен аудармалар. Т.1 / Абай Құнанбайұлы.- Алматы : Жазушы, 2003. – 296 б. Қазақ халқының ұлы ақыны Абай Құнанбайұлының екі томдық толық жинағын баспаға дайындау үстінде бұрынғы басылымдарда айтылып жүрген ескертпелер ескерілді, жаңадан текстологиялық тексерулер жүргізілді, ғылыми түсініктер толықтырылып қайтадан жазылды. Абай шығармаларының екі томдық толық жинағының бірінші томыны ақынның 1855 жылан 1896 жылға дейінгі өлеңдері мен аудармалары енгізілді. Құнанбайұлы, Абай. Шығармаларының екі томдық толық жинағы : өлеңдер мен аудармалар, поэмалар, қара сөздер. Т.2 / Абай Құнанбайұлы. – Алматы : Жазушы, 2002. – 336 б. Қазақ халқының ұлы ақыны Абай Құнанбайұлының шығармаларының екі томдық толық жинағының екінші томына ақынның 1896 жылдан кейінгі өлеңдері мен поэмалары, қара сөздері, сондай-ақ «Үкімет билігіндегі сенатқа» атты шағым пікір еніп отыр. Абай жаққан бір сәуле… : Абай ауданының ақын-қаламгерлерінің таңдамалы шығармалар жинағы / ред. Э. Ахметжанова. – Қарағанды : Арко, 2020. – 244 б. Абай ауданының әкімінің қолдауымен 2020 жылы А. Құнанабаевтың 175 жылдық мерейтойына орай Абай ауданы аумағында тұратын ақындардың өлең-жырлары топтастырылған антологияны құрастыру мақсаты – өскелең ұрпаққа ақындардың жауһар жырларын басылымға енгізіп, өнегелі сый қалдыру көзделген. Жинақта поэзияның алтын қорына қосылған жергілікті арқалы ақындар, жыр сәйгүліктің жалына енді жармасқан жас дарындарды қамтыды. Өңіріміз үшін құнды болып табылатын анталогияның рухани маңызы зор. Құнанбайұлы, Абай. Қара сөз = Книга слов / А. Құнанбайұлы. – Алматы : Атамұра, 2016. – 200 б. Абайдың сыншылдық, ойшылдық және адамгершілік туралы ұлағатты қара сөздерінің бұл басылымы көркем безендіріліп, екі тілде шығарылып отыр.
