18 қазан Қазақстанда Рухани келісім күні болып жарияланды. Бұл күн әрбір қазақстандықтың өмірінде маңызды болып табылады. «Рухани келісім – бейбітшілік кепілі» кітап көрмесін көрсету арқылы кітапханашылар оқушыларға «Ел бірлігі», «қоғамды шоғырландыру», «діни толеранттылық» сияқты ұғымдарды түсіндіреді.
Көрмеде Қазақстан қоғамының негізгі принциптері – тәуелсіздік алған сәттен бастап дінаралық және этносаралық келісімді ашатын кітаптар мен мерзімді басылымдар ұсынылған.
Кітап көрмесі толеранттылықты, қоғамдық келісімді тәрбиелеуге, өскелең ұрпақтың әртүрлі ұлттар мен діндердегі адамдарға құрметпен қарауын қалыптастыруға, адамның қадір-қасиеті мен даралығын құрметтеуге бағытталған.
Кітапхананың оқу залында 17-26 қазан аралығында көрме өтеді.