Бүгін біздің кітапханамызда «Дарын» мамандандырылған мектеп-лицей-интернатының 6-сынып оқушылары О. Жанайдаровтың «Қазақстанның мифтері мен аңыздары» атты шығармасы бойынша интерактивті сабаққа қатысты. Балалар қазақ мифологиясымен және «Шәйтанкөл», «Баянауыл», «Балқаш көлі» т.б аңыздарымен танысып олардың сырын зерттеді. Сабақ соңында оқушылар Kahoot ойыны арқылы алған білімдерін тексеріп, мифтер мен аңыздарға қатысты сұрақтарға белсенді жауап берді.

Жаңа жылдық мерекелерден кейін кітапхана жұмысының алғашқы күнінде дәстүрлі түрде «Сен — біздің алғашқы оқырманымыз» акциясы өтеді. Бұл күні біз жылдың алғашқы оқырмандарын — белсенді, ізденімпаз әрі кітапты шын сүйетін жандарды ерекше ықыласпен құрметтейміз. Дәстүрлі түрде алғашқы оқырмандарға естелік медальдар мен сыйлықтар тарту етіледі. 2026 жылы алғашқы оқырман атанып, медаль иегерлері болғандар: Македонец Анастасия, Мұғыйын

Кітапханада 2026 жылы мерейтойлары атап өтілетін Қарағанды облысының тумаларына арналған «Қарағанды облысының белгілі мерейтой иелері» атты өлкетану бағытындағы кітап көрмесі ұйымдастырылды. Көрмеге қазақ және аймақ мәдениетінің дамуына елеулі үлес қосқан көрнекті қайраткерлердің еңбектері мен олар туралы зерттеу кітаптары қойылды. Көрменің негізгі тұлғаларының бірі — Алаш қозғалысының көсемі, мемлекет және қоғам қайраткері, публицист, ғалым Әлихан Бөкейханов.

Әр жексенбі күні кітапханада корей тілін үйрету сабақтары өтеді. Кейбір жасөспірімдер корей әндері мен телехикаяларына қызығып, сол арқылы тілді меңгеріп, елдің мәдениетін тереңірек түсінеді. Ал басқалары өз болашағын ойлап, Кореяның әлемдік экономикада жетекші орынға ие екенін ескеріп, тіл білудің халықаралық компанияларда жұмысқа орналасуда қосымша артықшылық беретініне назар аударады. Біздің сабақтарымызда зерігу мен біртектілікке орын жоқ.

«Ақпараттық технологиялар» мамандандырылған мектеп-лицей-интернатының оқушылары үшін кітапханада мазмұнды әрі қызықты экскурсия ұйымдастырылды. Шара барысында оқушыларға кітапхана қорындағы жаңа әдеби кітаптар таныстырылып, әртүрлі шығармаларға қысқаша шолу жасалды. Балалар таныстырылған кітаптар туралы пікір алмасып, өз әсерлерімен бөлісті. Ерекше назар жазушы Әзілхан Нұршайықовтың «Махаббат, қызық мол жылдар» атты кітабына аударылды. Шығарманың тақырыбы мен мазмұны туралы қысқаша мағлұмат беріліп,