26 желтоқсан күні «SARYARQA» телеарнасында «Жетістік формуласы»  бенефис-шоу бағдарламасының кезекті түсірілімі өтті.

Ашық сұхбат алаңында қазақ елінің қайсар да талантты әншісі, Қазақстанның еңбек сіңірген қайраткері Тамара Асар және Қарағанды қаласы мамандандырылған музыка мектеп-интернатының, №86 және №17 ЖОББМ, №102 мектеп-гимназиясының, С.Сейфуллин атындағы №92 гимназияның оқушылары кездесті. Бағдарлама 30 желтоқсанда эфирге шықты.

Тамара Асар оқушылар тарапынан қойылған түрлі сұрақтарға жауап беріп, өзінің қызықты да күрделі өнер жолы жайында кеңінен ой бөлісті. Өнер әлеміне келуі жайында әнші: «Мен Ж.Елебеков атындағы республикалық эстрада және цирк колледжіне ата-анамның рұқсатынсыз түстім. Себебі ата-анам қыз балаға өнер жолы ауыр деп ойласа керек, менің өнер адамы емес, музыка пәнінің мұғалімі болғанымды қалады. Алайда, мен өз арманымнан, бойымдағы талантымнан бас тарта алмадым»,- дейді.

Тамара ханым 3 жасында «Қошақаным қайда екен?!» әнімен балалар байқауына қатысқанын, репертуарындағы халыққа кеңінен танымал «Ренжімеші» әнін 18 жасында досы сыйға тартқанын атап өтті.

«Өмірімде ерекше есімде қалған ән кешім 2006 жылы Алматы қаласында өткен «Бұл ән бұрынғы әннен өзгерек» атты концертім. 3000 адамға аншлагпен өткен бұл кешті небәрі 3 адам ұйымдастырған едік»,- деп еске алады әнші.

Бүгінгі таңда Тамара Асар тек қазақ эстрадасының жұлдызы ғана емес өз кезегінде білікті психолог. 21 жасында психология саласына ден қойып, өз білімін жалғастырған. Одан бөлек би билеу, домбырада ойнау, сурет салу, киім тігу сынды түрлі хоббилерімен айналысады. Түрлі өнерді серік еткен Тамара оқушыларға жан-жақты болуды, тұрақты дамуға, тұлға ретінде жетілуге талпыну керектігін сөз етті.

«Балалық шағыңызда кітап оқуға қызығушылығыңыз болды ма» деген оқушылар сауалына әнші өзінің балалық шақта кітапқа ерекше құмар болғанын атап өтті. Интернет пен телефон жоқ заманда достарымен бірге кітапты таласа оқып, бір-біріне қызыға баяндап беретінін есіне алды. Сондай-ақ өзінің балалық шақта ерекше әсермен оқыған кітаптары Б.Соқпақбаевтың «Аяжан», «Менің атым Қожа» шығармаларын және Б.Майлиннің «Түйебай» туындысын оқушыларға да  оқуға кеңес берді.

Тамара қазақ эстрадасында Мейрамбек Беспаев, Димаш Құдайберген сынды ерекше дауыс иелерін сүйіп тыңдайтынын және үнемі ізденісте жүретін Ғаділбек Жанай, Кәмшат Жолдыбева сынды өз шәкірттерімен мақтанатынын тілге тиек етіп, өнер жолын таңдағысы келетін оқушыларға өз кеңесін берді. «Әнші боламын десең ең алдымен жасыңа сай ән таңдай білу және таңдаған әніңді толық түсініп, қабылдап, өзіңе сай шеберлікпен орындай білу керек» деп  ән өнерін серік еткен балаларға жол сілтеді.

Сұхбат барысында әнші оқушылардың сұрауымен қонақ кәде ретінде №102 мектеп-гимназиясының оқушысы Есенкелді Шахназбен қосылып «Ренжімеші» әнін шырқады.

«Жетістік формуласы – әркім өзі жүрек қалауымен іздеп табатын жетістік. Ол үшін тек табандылық пен тағаттылық таныту керек. Армандарыңызға асығыңыздар. Өз бойларыңыздағы таланттарыңызды шыңдап, сүйікті істеріңізге айналдырыңыздар»,- деп сөзін түйіндеді әнші.

Бағдарлама соңында әнші Тамара Асар кездесу барысында ерекше сұрақ қойған Қарағанды қаласы мамандандырылған музыкалық мектеп-интернатының 7-сынып оқушысы Кариполла Айгерімге және 11-сынып оқушысы Есетов Абылайға өзінің арнайы сыйын табыс етті.

Бағдарлама ұйымдастырушылары әнші Тамара Асарға табыстылық пен танымалдықтың символы – «Жетістік формуласы» кәдесыйы мен А. Құнанбаевтың «Қара сөздері» мен «Қазақстанның қызғалдақтары» кітаптарын сыйға тартты.

20 желтоқсан күні  «Free Style» арт-шеберханасының  биылғы жылға арналған қорытынды сабағы өткізілді.

Кітапхананың кіреберісіне жыл бойы үйірмеге  белсенді болып қатысқан біздің тұрақты оқырмандармыз №81 ЖББОМ-тің 5-сынып оқушысы Ясмина және №97 гимназияның 5-сынып  оқушысы Диляра Ахылбековлардың, №58 ЖББОМ-тің 3-сынып  оқушысы Негина Рашанбекованың, №93 гимназияның 4-сынып оқушысы Ясмина Каримованың  әр түрлі жіптерді пайдалана отырып кестелеп тіккен   «Қошқар мүйіз оюы», «Сиқырлы жұлдыз», «Бейбітшілік құсы», «Қазақ ұлттық аспабы-домбыра»,  «Төртқұлақ ою», «Кестелеп тігілген гүл», «Түрлі-түсті жұлдыз» шығармашылық жұмыстарының вернисаж-көрмесі ұйымдастырылды.

Алдағы уақытта жаңа кездесулер мен  қызықты сабақтарда күтеміз.

Барлықтарынызды көрмені тамашалауға шақырамыз!

14 желтоқсан күні Қазақстан Республикасының Тәуелсіздік күнінен орай орта және жоғары сынып оқушыларына қызмет көрсету бөлімінің қызметкерлері «Елімнің бақытын тербеткен Тәуелсіздік» атты  тарихына экскурсия дайындап әлеуметтік желілерді пайдаланушылар  үшін кітапхана парақшаларына қойылды.

Презентация хронологиялық тәртіппен орналастырылып жас тәуелсіз Қазақстанның тарихи қалыптасуымен даму барысымен таныстырды. Жиналған ақпаратта елдің 30 жылдық тарихында болған жеңістер мен жетістіктерді, реформалар мен жаңалықтарды, өзгерістерді еске түсіруге арналған.

Сондай-ақ 15 желтоқсан күні ашық онлайн сабақ «Құлыншақ»  балалар үйінің тәрбиеленушілері үшін ZOOM платформасы арқылы (10 адам) – ға арналып өткізілді және  Қарағанды қаласы Қазыбек би  атындағы ауданының үйде әлеуметтік көмек көрсету бөлімінің мүмкіндіктері шектеулі адамдары мен әлеуметтік қызметкерлері үшін «Тәуелсіздік Хроникасы» атты (20 адам) – ға танымдық сағаты өтті.

«Кел, қазақша сөйлейік!» үйірмесінің жылдық қортынды сабағы  «Гвоздичка» балабақшасының тәрбиеленушілерінің  қатысуымен өткізілді.
Іс-шара Қазақстан  Республикасының Тәуелсіздігі күніне орай  «Менің Отаным – Қазақстан» атты тақырыбында болды.

Шараның мақсаты: Балалардың  өз елінің тарихын білуге, отанын сүюге,  Тәуелсіздік күні туралы түсініктерін молайту. Бүлдіршіндерге  туған елін, жерін қорғау әрбір азаматтың міндеті екенін білгізу, балаларға патриотизм сезімін қалыптастыру.

Іс-шара барысында бүлдіршіндер «Отан», «Қазақстан», «Тәуелсіздік» жайлы тақпақтарды мәнерлеп оқып, викториналық сұрақтарға белсене жауап берді.

9 желтоқсан күні «Жетістік формуласы» кітапханалық жобасы аясында «SARYARQA» телеарнасының студиясында №48, №52 ЖББОМ, №45 гимназиясының оқушылары, Қарағанды облысының көңілді тапқырлар клубтарының мүшелері жиналды. Бұл күні балалар «Қазақ», «Спарта» КТК мүшесі, әнші, әртіс Гүлнар Сильбаевамен кездесті. Бағдарлама 18 желтоқсанда эфирге шықты.

Гүлнар Сильбаеваның жан-жақты, «сегіз қырлы, бір сырлы» екендігі көңілді тапқырлар клубына (КТК) мүше болған кезінде анық байқалды. КТК Гүлнарға жаңа жетістіктерге жетуге, жаңа адамдармен танысуға мүмкіндік берді. болды. 2010 жылы Нұрлан Қоянбаев «Казахи» командасын ұйымдастырып, оған Гүлнар Сильбаеваны шақырады. Жас бойжеткен қазақстандық КТК командасындағы жалғыз қыз болды. Гүлнардың айтуынша, КТК ойнау үлкен қуаныш болды. «КТК – бұл үлкен отбасы. КТК тапқырлықты, эрудицияны дамытатын жақсы мектеп», – дейді Қонағымыз. Осы командада өнер көрсету талантты бойжеткеннің дарындылығын аша түсіп.

Гүлнар Сильбаева – әзілдің, ашықтықтың, даналықтың және ширақтықтың үйлесімі. Балалармен диалог кезінде актриса өзінің балалық шағы мен жастық шағы, экстремалды жобаларға қатысу, жан-жақты қызығушылықтары мен армандары туралы айтты.

2017 жылы ол «Спарта» командасында ойнаған кезде, команда КТК Жоғары лигасының чемпионы атанады. Сол жыл Гүлнар үшін шығармашылық тұрғыдан берекелі болды: үш сценарий жазады, бірнеше картиналар салады, сонымен қатар ол еш жерде орындалмаған ән жазады. Бенефис-шоу қатысушыларының алдында Гүлнар 2021 жылы әнді жариялауы туралы уәде берді, бұл уәдесін ол Instagram-дағы жазылушылар үшін тікелей эфирде бейнехабарлама арқылы жазды. Бүгінде Гүлнар жаңа бағытқа – актерлікке, бет бұрған.

Гүлнара өзінің тұлға ретінде қалыптасуы туралы айт келе балаларға: «Біз бәріміз жан-жақты тұлғамыз. Мен, әрине, өзгеріп отырамын, өзіме сенімді бола бастадым, дамимын және үйренемін. Мен сіздерге әрқашан өзіңізге сенімді болуға, өзіндік тұлғаңызды жоғалтпауға және өзіңізге ұнайтын іспен айналысуға кеңес беремін», – деген кеңестер берді.

Балалар кеш қонағына кітап оқу туралы сұрақтар қойды. Кейіпкер кітап оқығанды ұнататынын және балаларға Р.Брэдберидің ғылыми фантастикасы, Г.Маркестің «Сто лет одиночества», М.Адлердің «Как читать книги?» және т.б. кітаптарды оқуға кеңес берді.

Бенефис-шоу шарты бойынша мейман ең белсенді қатысушы ретінде №38 гимназиясының 9 «Б» сынып оқушысы Данил Владининге естелік сыйлыққа «Философские теории за 30 секунд» кітабын тарту етті. Өз кезегінде жоба ұйымдастырушылары Г. Сильбаеваға табыстылық пен танымалдықтың символы – «Жетістік формуласы» кәдесыйын, сондай-ақ Абай Құнанбаевтың «Қара сөздері» кітабы мен «Қазақстан қызғалдақтары» энциклопедиясын табыс етті.

Кітапхананың ұйымдастырумен 03 желтоқсан күні жазушы Меруерт Алонсоның қатысуымен Instagram-да тікелей эфир өткізілді.  Қарағандылық біздің жерлесіміз Меруерт қазіргі уақытта Ұлыбританияның Лондон қаласында тұрады. Жас автордың екі әңгімелер жинағы бар: «Короткое лето Шантеклеры» және «Приключения девочки Клоэ». Қазіргі таңда жазушы жаңа кітаппен жұмыс істеуде, сюжеті бойынша кино түсіріледі.

Қызықты әңгіме барысында оқырмандар Меруерттің бірнеше шығармашылық құпияларын білді. Шығармашылық үшін жазушыға «Ішкі тыныштық» қажет.  Кітап жазу үшін  жазушыға үйдегі жайлылық көмектеседі. М.Алонсо саяхат жасауды ұнатады. Жазушыға әлем елдерінің таңғажайып жерлерімен танысу- көңіліне қуаныш сыйлайды.

Әңгіме соңында М.Алонсо бірінші кезекте  қазақстандық оқырмандар үшін  өзінің келесі кітабы Қазақстанда шығарылатынына уәде берді. Ал, біз автордың жаңа кітаптарын күтеміз!

2- желтоқсан  күні  «Шуақ»  балалар  шығармашылық студиясының кезекті сабағы өткізілді. Бүгінгі сабақта балалар  Майя Лунденің «Снежная сестренка» ертегісімен танысып, мақталы таяқшалармен қысқы үйдің макетін құрастырды.

Макетті жасауға таяқшалар, желім, ақ қағаз және жаңа жылдық ойыншық  пайдаланылды.  Кезекті сабағымызға кітапханамыздың тұрақты оқырмандары Шкундина Мия, Абду Ясмина, Абду Жұлдыз және Ғазизқызы Зере қатысты.

12 қараша күні кітапханада қазақ әдебиетінің қабырғалы қаламгері Жұмекен Нәжімеденовтің туғанына 85 жыл толуына орай «Жұмекеннің  баға жетпес таланты» атты бейнедәріс  автордың шығармашылығын зерттеуші Марат Азбанбаевтың қатысуымен өткізілді.

Іс-шара қонағы Ж.Нәжімеденовтің өмірбаяны мен шығармашылық мұрасын зерттеуге 10 жылдан астам уақыт арнаған ақынның №33 Қарағанды шахтасындағы («Майқұдық» шахтасы) жұмысына байланысты өмірінің ерте кезеңіне ерекше назар аударады.

Шахтаның қиын жағдайына, барлық күш-жігерін еңбекке жұмсай отырып, ақынның мінезі шыңдалды, оның азаматтық жауапкершілік пен патриотизм туралы идеялары қалыптасты.

Жұмекеннің есімі, Марат Ақторғайұлы айтқандай, Қазақстанның Шахтер астанасының қалыптасу тарихына алтын әріптермен жазылды. Қарағандының басқа да даңқты есімдерінің арасында бұл есімді мәңгі есте қалдыру  бүгінгі ұрпақтарының парызы. Зерттеуші М. Азбанбаев көзі тірісінде  Ж. Нәжімеденовтің жары – Нәсіп апаймен таныс болып ақынның шығармашылығы туралы көптеген мәліметтер алғаны туралы айтып өтті.

Бір күні газеттердің бірінде оның сұхбатын көрген Марат Ақторғайұлы облыстық архивке сауал жолдауға шешім қабылдады.

Жергілікті архивтегі материалдарың аздығынан, зерттеуші президенттік мұрағат қорларына жүгінуге мәжбүр болды. Жеке тұлғаның өмірбаянымен айналыса отырып, М. Азбанбаев Ұлы соғыстың қыспағына тап болған адамдардың шынайы жағдайын қатал және адал көрсететін көптеген құжаттарды аша алды.

Оқырмандар кітапхананың қорынан  автордың көзі тірісінде жарық көрген сирек кездесетін басылымдарды да, әдемі қатты мұқабадағы заманауи жинақтарды да таба алады. Олардың кейбіреулері бейнедәріске дайындалған «Жыр да жазған, кен де қазған – Жұмекен» атты кітап көрмесіне қойылды.

60-70 жылдардағы бірнеше шағын форматтағы кітаптар ерекше қызығушылық тудырады. Бұл кітаптар автордың өзі жұмыс істеген әйгілі «Жазушы» баспасы дайындады. Мысал ретінде «Жарық пен жылу» (Алматы: Жазушы, 1966), «Мезгіл әуендері» (Алматы: Жазушы, 1968) және т. б.

Жұмекен Нәжімеденов қысқа ғұмырында көптеген жоспарлары орындалмай қалды. Бірақ автордың жазбалары халқымыздың рухани қазынасынан лайықты орын алды.

12 қараша күні «Saryarqa» телеарнасында «Жетістік формуласы»  бенефис-шоу бағдарламасының түсірілімі өтті.

Бағдарламаның кезекті түсірілімі   «Асар Қарағанды» қоғамдық қорының атқарушы директоры, қоғам белсендісі Көбентаев Санжар мен   А.Байтұрсынов атындағы №41 мектеп-гимназиясы, Н.Нұрмақов атындағы №58  мамандандырылған мектеп-интернаты  оқушыларының арасындағы диалог-сұхбатқа арналды. Бағдарлама 27 қарашада эфирге шықты.

Түсірілім барысында Санжар  оқушылар тарапынан қойылған түрлі қызықты сұрақтарға жауап беріп, волонтерлық қызметтің ерекшеліктері мен қызықты тұстарын атап өтті. Ол волонтерлық қызметін 2016 жылы университет қабырғасында оқып жүрген кезінен бастаған. Өзінің волонтерлық жолға келуі жайында: «Мұқтаж жандарға қол ұшын созуды мен бала күнімнен арман еттім. Себебі жасы үлкен ағаларымның халықтың игілігі үшін жасаған ізгі істерін көріп өстім. Өзгелерді қуанту, оларға қол ұшын беру үлкен бақыт. Екінші себеп болған фактор: менің университет қабырғасында бірге оқыған достарым, ортам. Сол үшін қашан да жүрген орталарыңа мән беріңдер»,- дейді Санжар Көбентаев.

Бүгінде «Асар Қарағанды» қоғамдық қоры 5 бағыт бойынша жұмыс жасап жатыр. Оның ішінде «Береке» бағыты бойынша  көмекке мұқтаж жандарға азық-түлік үлестірілетін болса,  «Мектепке жол» бағыты бойынша оқу жылы басталғанда есепке алынған отбасылардың балаларына  мектеп формалары мен оқу-құралдары таратылады.

Санжар Көбентаев оқушыларды қызықтырған барлық сұрақтарға жауап берді. Өзіңді дамыту үшін ешқашан кеш емес екенін, уақытты тиімді пайдаланып, тіл үйренуге, түрлі курстарға барып, жан-жақты дамуға кеңес берді. Бүгінде өзінің домбыра курсына жазылып, дауыс қойып жаттығып жүргенін, болашақта өзін дәстүрлі әнші ретінде көргісі келетінін атап өтті.

Жетістікке жетудің бірден-бір жолы кітап оқу екенін баса айтқан Санжар оқушыларға күніне кем дегенде 10 минут уақыттарын кітап оқуға арнауға, Е.Тұрсыновтың «Мәмлүк»,  Ч.Хуперттің «Искусство харизмы» кітаптарын оқуға кеңес берді.

«Волонтер деген сөзді естігенде бәріміздің көз алдымызға студенттер мен мектеп оқушылары елестейді. Жоқ, қоғамға жақсылық жасау бәріміздің қолымыздан келеді. Ол үшін ең алдымен ниет керек. Мен мұқтаж жандарға көмектесуді өзімнің адамдық, азаматтық парызым деп білемін», -дейді Санжар Көбентаев.

Түсірілім барысында  ең қызықты сұрақтар қойып, белсенділік танытқан №58 мектептің 8 «А» сынып оқушысы Ораз Аружанға бағдарлама қонағы арнайы «Асар Қарағанды» қоғамдық қорының атынан дайындалған сыйлығын ұсынды.

Бағдарлама соңында Санжар Көбентаевқа ұйымдастырушылар «Жетістік формуласы» естелік кәдесыйы мен «Абайдың қара сөздері», «Қазақстанның қызғалдақтары» кітаптарын сыйға тартты.

22 қазан күні «Жетістік формуласы» бенефис-шоу  кітапханалық жобасы аясында «SARYARQA» телеарнасының студиясында  №21НОМ,  Ғ.Мұстафин атындағы №83 ЖББОМ, №97 гимназияның жоғары сынып оқушылары (24 адам) жиналды. Бұл күні балалар Қазақстандық спортшы, ҚР еңбек сіңірген спорт шебері, еркін стильдегі балуан, 2016 жылғы жазғы Олимпиада ойындарының қола жүлдегері Эльмира Сыздықовамен кездесті. Бағдарлама 6 қарашада эфирге шықты.

Спортшының өмірі ешқашан бірқалыпты болмайды. Жеңіс үлкен күш пен тәжірибе арқылы келеді. Алғашқы маңызды сәтті жарыстардан кейін Эльмираның жүрегінде жеңіске деген құштарлық пайда болады, ата-анасының қолдауы да спортшы үшін маңызды екенін айта келе, күрес секциясына ағасы Райымбектің алып келгенін есіне алды.

Күнделікті өмірде Эльмира Сыздықова – қарапайым қыз, тамақ дайындағанды, тоқуды ұнатады, бос уақытында кітап оқиды.

Телетүсірілім қонағы қазіргі түрік авторы, бірнеше ұлттық және халықаралық әдеби сыйлықтардың, соның ішінде әдебиет саласындағы Нобель сыйлығының лауреаты Орхан Памукты ерекше атап өтті.

Эльмира-спорттық жетістіктің үлгісі, оның жетістікке жетуіне «қажырлы еңбек пен тәртіп, сонымен қатар жүйелі  жаттығулар әсер етті» дейді спортшы қыз.

Студиядағы қонақ пен балалар арасындағы сұхбат өте мазмұнды болды. Оқушыларды Эльмираның балалық шағы, оның хоббиі, армандары, болашаққа жоспарлары, отбасылық құндылықтары сынды түрлі тақырыптағы сұрақтар қызықтырды. Спортшы сәттіллікке жетудің жолы  «Ең бастысы – мақсат пен жеңіске деген сенім» деп жауап берді.

Бенефис-шоу шарты бойынша мейман ең белсенді қатысушы ретінде №21 НОМ 9 «Б» сынып оқушысы Мадина Хажимаматованы атап өтіп, оған өзінің арнайы сыйлығын сыйлады.

Өз кезегінде жоба ұйымдастырушылары талантты спортшыға табыстылық пен танымалдықтың символы – «Жетістік формуласы» кәдесыйын, сондай-ақ Абай Құнанбаевтың «Қара сөзі» мен Ахмет Тоқтабайдың «Қазақ жылқысының тарихы» кітабтарын табыс етті.