70 жылдық мерейтойға арналған «Балалар кітапханасы: идеялар кеңістігі» атты халықаралық форумның аясында өткізіліп жатқан іс-шаралар бүгін өз жалғасын жазушылармен кездесуден бастағалы отыр. Кездесуге Қазақстанның еңбек сіңірген қайраткері, жазушылар одағының балалар жазушылар секциясының төрағасы Н. Ақыш пен республикалық «Мұнара» газеті мен «Иман» журналының бас редакторы С.Хасан сонымен қоса ақын, қоғам қайраткері Н.Инжевская мен А.Шипулина сынды балалар жазушылары қатысты.
Кездесу барысында жазушылар өздерінің сүбелі әңгімесімен қоса, қазіргі заман авторлары жайлы ойларымен бөлісті. Оқырмандар жазушылармен сырласу барысында түрлі көкейде жүрген сауалдарға жауап алды деген сенімдеміз.

Форум аясында шетелдік қонақтар, облыстық республикалық кітапханалардың басшылары, облыс және қала кітапханашылары «3D: Даму. Дағды. Демал» friends-акциясына қатысты.
Қонақтарға «Киіз үй» этноқұрастырғышын жинау, «Библиографиялық құралдар» көрмесі, «Кітапханадағы ойын алаңы», «Имиджіңді өзгерт» фото аймағы кітапханашының келбетің жасауға көмектесті, ал іс-шара лотерея ұтыс ойынымен аяқталды.

Форум ірі жобалармен таныстыруға бағытталған жетекші сарапшы-мамандардың шеберлік сыныптарына ұласты.
Ресей мемлекеттік балалар кітапханасының қызмет көрсету бөлімінің меңгерушісі, «Подари ребёнку книгу» жобасының үйлестірушісі М. А. Молчанова (Мәскеу қ., РФ) оқырмандарды кітап оқуға тарту және бәсекеге қабілеттілікті арттыру тәсілі ретінде балалар кітапханалары саласындағы инновациялық жобаларды ұсынды. Мария Александровна «Символы России», «Виртуальный музей диафильма», «Подари ребенку книгу» атты ірі жобалар туралы айтып берді. «Ы.Алтынсарин атындағы балалар мен жасөспірімдерге арналған облыстық кітапхана» КММ (Қостанай қ.) әріптестері Қостанай облысының кітапханаларында үйірме қызметін құру және жүргізу бойынша өз тәжірибелерімен бөлісті. 2-4 сынып оқушыларына арналған «Зиянды лайфхактар» цифрлық этикеті бойынша электрондық нұсқаулықтың тұсаукесерін өткізді.

Халықаралық Форум «Печа-куча» немесе «Бізбен бірге істе! Бізден асып түс!» атты үздік тәжірибелерге арналған кәсіби алаңның жұмыстарымен жалғасын табуда.
Қазақстан Республикасының облыстық балалар және жасөспірімдер кітапханаларының үздік тәжірибелерін бөлісуге арналған алаңда әрқайсысы балалардың кітапханаға келіп, кітап оқуға деген қызығушылығын арттыруда атқарып жатқан ауқымды жобаларын ұсынып, тәжірибе алмасты.

Пленарлық алаңда: «Балам ақылды болсын десеңіз… Және бұл миссиядағы кітапхана ролі» Абай атындағы Қарағанды облыстық балалар кітапханасының басшысы Б.Қ.Уатаева., «Кітапханананың жобалық қызметі: кітапхана тәжірибесінен» К.Баялинов атындағы Республикалық балалар мен жасөспірімдер кітапханасының директоры (Бішкек қ., Қырғыз Республикасы) Р.К. Султангазиева және «ҚазҰЭК жаңғыртудың жол картасы» тақырыбында ҚР Ұлттық академиялық кітапханасы басшысының ақпараттық ресурстар бойынша орынбасары (Астана қ., ҚР) Н. Н. Жолдыбалинов баяндама жасады.

Бүгін Қарағанды облысының мәдениет, архивтер және құжаттама басқармасының қолдауымен ұйымдастырылған «Балалар кітапханасы: идеялар кеңістігі»халықаралық форумының алғашқы күні. Форумға Қырғызстан, Ресей елдері балалар кітапханаларының басшылары, балалар жазушылары, Қазақстанның ұлттық және облыс кітапханаларының басшылары, қоғам қайраткерлері қатысуда.
Ашылу салтанатында: Қарағанды облысы әкімінің әлеуметтік сала, ішкі саясат және қоғамдық даму мәселелері жөніндегі орынбасары Е.Ш. Әліқұлов., Қазақстанның еңбек сіңірген қайраткері, жазушы, филология ғылымдарының докторы, Қазақстан Жазушылар одағының балалар жазушылары секциясының төрағасы Н.Б. Ақыш., ҚР еңбек сіңірген қайраткері, Қарағанды облысы, Қарағанды қаласы және Қарқаралы ауданының Құрметті азаматы Р.К. Омарбекова; және қазақстандық суретші, «Невада-Семей» ядролық қаруға қарсы қозғалысының белсендісі К. Т. Күйіков құттықтау сөз сөйлеп, ыстық ықыластарын білдірді.

Кітапхананың оқу залында Қазақстан халқы тілдерінің күніне орай «Тіл – достықтың алтын көпір» атты кітап көрмесі ұйымдастырылды.
Көрмеге кітапхана қорындағы барлық ұлттардың мәдениеті, тарихы, тұрмысы мен салт-дәстүрлері туралы материалдар және әртүрлі тілердегі басылымдар, грамматикалық сөздіктер, әдістемелік құралдар ұсынылған.

Бүгін ерекше күн – Білім күні. Кітапхана өз оқырмандарын қызықты жаңа басылымдармен және жаңартылған кеңістікпен қарсы алады. Оқу жылының бірінші күні балалар мектепте өткен салттанаты жиынан кейін кітапханаға саяхат жасауға келді. Оқушылар кітапхана бөлімдерімен танысты.
Қымбатты достар! Кітапханаға жиі келіңіздер, бірге ізденіп, бірге кітап оқиық!

Кітапханада Конституция күніне арналған «Заң және біз» атты құқықтық әңгіме «Таңшолпан» балалар үйінің қатысуымен өтті. Балаларға ата заңның қысқаша тарихын баяндайтын бейнеролик көрсетіліп, «Заң бізге не үшін қажет?», «Баланың құқықтары қандай?» деген сынды сұрақтарына жауап алды.
Сондай-ақ, қатысушылар конституцияның баптары және бөлімдерімен танысып, «Ойлы болсаң озып көр» ойынына қатысты. Шара соңында кітапханашы «Ата заңым аялайды елімді» атты кітап көрмесіне библиографиялық шолу жасады.

23 тамыз кітапханамыздағы қызықты кітап көрмелерінің жалғасын «Аяулы хайуанаттар» атты қызыл кітапқа арнадық.
Кітап көрмесінің мақсаты балаларға табиғатты аялауды, оны қорғаудың маңызы туралы түсіндіру.
Көрмеге негіз болған К.Қайымовтың 1979 жылы жарық көрген «Аяулы хайуанаттар» кітабы. Көрме Қазақстанның «Қызыл кітап» беттерінен алынған «Ғажайып омыртқасыздар», «Қазақстанның өсімдіктер әлемі», «Қазақстанның жануарлар әлемі», «Қазақстан қызыл кітабы беттерінен» атты орысша-қазақша энциклопедия, «Қазақстан өсімдіктер әлемінің асыл қазынасы», «Табиғатқа қатысты мың сөз» және орыс тіліндегі «Красная книга мира», «Красная книга земли» атты кітаптармен толықты.