Елімізде қыркүйек айының екінші жексенбісі – Отбасы күні. Мереке қарсаңында кітапхана мамандары Қарағанды қаласы Қазыбек би атындағы ауданының үйде әлеуметтік көмек көрсету бөлімшесімен бірлесіп, «Отан отбасынан басталады» атты әңгіме өткізді.
Шараға қатысқан балалар Қарағанды облыстық бейнелеу өнері музейінің қорынан «Отбасы бақыт – мекені» атты суреттер көрмесімен танысуға мүмкіндік алды.

Қазақстан халқы тілдері күні мерекесіне орай кітапханада Г. Потанин атындағы ЖББМ 2-сынып оқушыларының қатысыумен «Тіл – ең асыл құндылық» атты сұрақ-жауап ойыны өткізілді.
Кітапханашылар оқушыларға тілдердің пайда болу тарихы туралы әңгімелеп, қызықты тарихи деректерді келтірді. Балалар өз отбасыларында қандай тілдерді білетіні және қандай тілдерде сөйлейтіні туралы әңгімелерімен бөлісті. Ойын көптеген қызықты мәліметтер алу арқылы жақсы деңгейде өтті.

Жаңа оқу жылының алғашқы күндері кітапханаға Сәкен Сейфуллин атындағы гимназияның 5 – сынып оқушылары және №1 гимназияның 4 -сынып оқушылары экскурсияға келді. Балалар кітапхананың қызмет көрсету бөлімдерімен танысты. Кітапханашылар балаларға қалай оқырман болу керектігін және кітапханада олардың жасына қарай не қызықты болатынын айтып берді. Шараға қатысушылардың барлығы «Aiza» фирмасының балдай тәтті – балмұздағынан дәм татты.

Білім күні – салтанатты және нағыз күз мерекесі. Бұл күні, 1 қыркүйекте кітапхана жас оқырмандарды мерекелік түрде қарсы алды. Мұнда тақырыптық фотоаймақта естелік фотосурет түсіруге, көрмелер мен байқауларға қатысуға, кітаптармен танысуға, инсталляцияға баруға және тіпті “Айза”ЖШС демеушілері ұсынған балмұздақ жеуге болады.