Сүйікті қаламыз Қарағандының 90 жылдық мерейтойына орай кітапхана мамандары «Либмоб» акциясын ұйымдастырып өткізді.
Кітапханашылар қала көшелерімен жүріп өтіп, жаяу жүргіншілерге «Балалар кітапханасына қалай баруға болады?», «Қарағанды қаласының құрылғанына неше жыл?» және т.б. сұрақтар қойып сауалнама алды. Дұрыс жауап берген ересектер мен балалар әртүрлі смайликтерге ие болды.
Кітапхананы білмейтін жүргіншілерге біздің мекенжайымыз жазылған открытка үлестірілді. Қызықты да көңілді акция-ойын кітапхананың имиджін арттыратыны сөзсіз.

Кітапханаға ақпан айының 6-7 күндері «Айым» балабақшасының тәрбиеленушілері экскурсияға келді. Кітапханашылар кішкентай қонақтарға кітап әлеміне саяхат ұйымдастырды.
Балаларға кітапхана ұнап кеткісі келмеді, олар кітапханаға ата-аналарымен бірге келуге уәде берді.

Кеңес әскерлерінің Ауғанстан жерінен шығарылғанына 35 жыл толуына орай жасөспірімдерді әскери-патриоттық сезімде тәрбиелеу мақсатында 6 ақпанда кітапханамызда ауған соғысына қатысқан ардагер-жауынгерлермен «Ауған соғысының қасіреті» атты кездесу өтті.
Кездесудің құрметті қонақтары ретінде Ауған соғысының ардагерілері С.Тоқтабеков, М.Жариков, Н.Маханов, Е.Айнабеков шақырылды.
Кездесу барысында оқушылар ардагерлердің ауған соғысы жайлы әңгімелерін ұйып тыңдады. Өз кезегінде ардагерлер қиындығы мен қасіреті мол ауған соғысы кезіндегі жауынгерлік тапсырмаларын қалай орындағандары, әртүрлі ұлттан құралған әскер қатарының мызғымас достығы мен көрсеткен ерліктері туралы, олардың әрқайсы интернационалдық борыштарын қаншалықты адал орындап шыққаны жайлы айтып берді.
Іс-шараға С.Сейфуллин атындағы гимназияның оқушылары арнайы шақырылды.

Бүгін Г.Потанин атындағы орта мектептің 5 сынып оқушылары үшін «Балалар кітапханасы: қала картасындағы нүкте» атты библиотур өтті.
Оқушыларға кітапхананың негізгі бөлімдері көрсетіліп, электронды қызмет көрсету және үйірмелер мен клубтардың қызметі туралы айтылды.
Экскурсия барысында балалар қазақ жазушыларының қолтаңбалары қойылған көрмені үлкен қызығушылықпен тамашалады, сонымен қатар кітапханашылар балаларды «Қарағанды облысының белгілі тұлғалары» атты өлкетану кітап көрмесімен таныстырды.

2024 жылдың 5 ақпанында кітапхана Г.Потанин атындағы орта мектептің 1 сынып оқушыларына есігін айқара ашты. Кітапханашы балаларға «Кітапханаға саяхат» атты қызықты экскурсия өткізді, балалар энциклопедияларымен, мерзімді басылымдармен, көркем әдебиетпен, білімнің түрлі салалары бойынша әдебиеттерімен танысты. Оқушылар «Ертегіні тап» викторинасында ертегі кейіпкерлері туралы қызықты сұрақтарға жауап берді. Кітапханаға экскурсия танымды және қызықты болды.

Бүгін кітапханамыздың белсенді оқырманы, Давлатияр Аружан, «Free Style» арт-шеберханасында кәдімгі түрлі-түсті қағаздан құлпынай пішініндегі сыйлық қорапшасын жасау идеясын үйірме қатысушыларымен бірлесе отырып жүзеге асырды.
Бұл әдетте қорапқа салатын сыйлықтың көлеміне сай әртүрі өлшемде жасалады.
Құрметті оқырман, бұл сіздің де қолыңыздан келеді! Сізді шеберлік сабағымыздың келесі сағатында асыға күтеміз!

«Пайдасы мол демалыс» әдеби бәйгесі өз мәресіне жетті! Қысқы демалыс кезінде «Ақпараттық технологиялар» ММЛИ және «Таңшолпан» БҚО 5-сынып оқушыларына Н.Домбайжының «Хакер әжей», «Одиссейдің басынан кешкендері», Х.Керманидің «Бала Мәжиттің хикаялары», М.Твеннің «Приключения Тома Сойера», В.Железниковтың «Чучело», Э.Поттердің «Полианна» сынды кітаптарын оқып, оқылған кітаптар жайлы пікірлерін жазып, иллюстрациялар салу және жазушылардың өміріне қатысты 5 дерек табу тапсырмасы берілді.
Оқырмандар берілген тапсырманы ойдағыдай орындап, 15 иллюстрация, 17 шолу, 15 өмірбаяндық зерттеулерін ұсынды.
Әдеби бәйге жеңімпаздары: «Ең үздік иллюстрация» номинациясымен Сирочдинов Роман, Тютнева Ева, «Кітап туралы үздік шолу» номинациясымен Джайлаубаев Али, Сур Михаил, «Жазушы туралы 5 дерек» номинациясымен Тілеужан Айзере, Тимофеева Софья. Оқырмандарымызды марапаттарымен құттықтаймыз, жаңа шығармашылық табыс тілейміз.

«Кел, қазақша сөйлейік!» үйірмесінің кезекті сабағы «Ерке төлдер» тақырыбында өткізілді.
Балалар жылқы, құлын, сиыр, бұзау, қой, қозы, ешкі, лақ т.б. үй жануарларының атауын қазақ тілінде айтып үйренді. Суретте жасырылған аңдардың суретін тауып, олар туралы айтып берді.

Кітапханада әр түрлі мамандық өкілдерімен кездесу циклі аясында «Барлық мамандықтар қажет, барлық мамандықтар маңызды» тақырыбында балалар орталық полиция бөлімінің жедел-криминалистикалық бөлімінің аға криминалисті подполковник Шушаев Сағынтай Күзембайұлы және Қарағанды қаласының ПБ патрульдік полиция полкінің рота командирінің орынбасары Мұрат Ерасыл Сәбитұлымен кездесті.
Балаларға полиция қызметкерлері қылмыспен және құқық бұзушылармен күресетіндіктерін және де қоғамдық тәртіпті қорғаумен, сондай-ақ азаматтардың жеке қауіпсіздігімен айналысатындары жайлы айтып берді.
Шараға қатысушылар полиция қызметкерлерімен бірге үйде, көшеде және жол қауіпсіздігі туралы яғни жүріс-тұрыс ережелерін, сондай-ақ қиын жағдай болған кезде жүгінуге болатын арнайы қызметтердің телефон нөмірлерін естеріне түсірді. Қол іздерін тексеретін сарапшының криминалистикалық чемоданы туралы да балаларға мәліметтер берілді.
Саусақ ізі туралы әңгіме мектеп оқушыларының ерекше қызығушылығын тудырды. Балалар криминалист-сарапшы рөліне еніп, оқиғаның шартты орнында іздерді табуға, әртүрлі жерлерден іздерді табуға тырысты.
Полиция қызметкерлерімен өткен қызықты кездесу балалардың есінде ұзақ уақыт бойы сақталып қалатын болды өйткені оқушылар өздері үшін көптеген пайдалы нәрселерді көзбен көріп қолмен ұстап көрді, құқық
қорғау органдарының жұмысының маңыздылығы мен қажеттілігін түсінді.

30 қаңтарда Абай атындағы Қарағанды облыстық балалар кітапханасында туған жердің мерейгер ақын – жазушыларының туындыларын дәріптеп насихаттауға арналған қарағандылық жерлесіміз Қазақстан журналистер одағының және Қазақстан жазушылар одағының мүшесі, ҚР Мәдениет қайраткері, Қазақстанның құрметті журналисі Жанысбай Сүйіндік Жұмабайұлына 75 жас толуына арналған «Жазуы ерен – ойы терең» атты кездесу өтті.
Кездесудің құрметті қонақтары ардагер журналистер А.Жанғожин, Ә.Тойжігітов және халықаралық журналист С.Батырханова және арнайы шақырылды.
Кездесу кеші техника-экономикалық колледжі студенттерінің және Ә.Ермеков атындағы мектеп – лицейі оқушыларының қатысуымен өтті.
Іс- шара барысында қаламынан туған әр шығармасында ұлттық рух пен елдік мүдде айқын көрініс тапқан, қазақ журналистикасының көрнекті өкілдерінің бірі, жазушы Сүйіндік Жанысбайдың қоғам ¬дамуына белсенді атсалысып, облыс тарихын зерттеп, өлкетануға қосқан үлесі жайлы көптеген мәліметтер айтылды. Кітаптарына шолу жасалды. Қаламгерге Қарағанды облысы мәдениет, архивтер және құжаттама басқарамасы басшысының алғыс хатымен марапатталып, естелік сыйлық табысталды.
Бастауыш сынып оқушылары автордың ертегісінен шағын қойылым қойып, бала жастан өлең жазуға құмар Сүйіндік атамыздың жырларынан үзінді оқыды.