«Free Style» арт-шеберханасында мастер-класс өтті. Қыздар «Әже шаршысы» техникасында ыстыққа арналған төсеніш тоқыды. Бұл әдіс қарапайым әрі қызықты. Түрлі-түсті жіптерді біріктіріп тоқу арқылы төсенішті әдемі етіп безендіреді. Бұл әдіспен тек қана төсеніш емес, сонымен қатар кардиган, майлық, көрпені де тоқуға болады. Қыздар әдемі әрі пайдалы бұйым жасап, үлкен рахатқа бөленді.

Жексенбі күні кітапханада «Көңілді ағылшын» үйірмесінің кезекті сабағы «Көкөністер мен Жемістер. Vegetables and Fruits» тақырыбында өтті. Үйірмеге кітапхананың тұрақты оқырмандары қатысты. Балалар карточкалармен «Go around the flashcards» ойынын ойнап, өздерінің сүйікті жемісі мен көкөністері туралы ағылшын тілінде айтып үйренді.

«Шеге мен балға» үйірмесінің кезекті тақырыбы «Электр құралдары және олардың түрлері» болды. Үйірме қатысушылары электр бұрғының және шуруповерттің құрылғысымен және оларды қолдану кезіндегі қауіпсіздік техникасы қағидаларымен танысты.

18 қазанда кітапханада «Кітап құрылымы» библиографиялық сабағы өтті. №3 Гимназия 2 «Б» сыныбының оқушылары кітаптың қандай элементтерден тұратынын, оның қалай дұрыс өңделетіні туралы пайдалы ақпараттарды біліп, кітапхана қорындағы ерекше форматтағы түрлі кітаптармен танысты: миниатюралық, QR-кодтары бар интерактивті, пазлды кітаптар және тағы да басқа кітаптар.
Іс-шара соңында балаларға мектепке дейінгі балаларға және бастауыш сынып оқушыларына қызмет көрсету бөлімінде кітапқа байланысты викториналық ойын және экскурсия өткізілді.

«Кел, қазақша сөйлейік!» үйірмесінің кезекті сабағында «Ертөстік» балабақшасының «Айгөлек» тәрбиеленушілерінің қатысуымен баланы дамытуға арналған танымдық тапсырмалар жинақталған «Фолиант» баспасынан жарық көрген «Менің үйім» кітапшасынан сабақ өтті.
Үйірме жетекшісі балаларды өз үйлеріндегі бөлмелеріндегі жиһаздардың атын атап сурет бойынша әңгіме құрастырып үйренді. Сабақ сергіту сәтімен жалғасып, балалар әр түрлі тапсырмалар орындады.

«Ертегілер мен оқиғалар сағаты» жобасы аясында кезекті даауыстап оқулар өтті.
Қарағанды облысының бала құқықтары жөніндегі уәкілі Киселева Ирина Болеславовна балаларға кітап оқыды. Ол жас оқырмандарды Татьяна Русакованың өте қызықты «Фея Бориса Ларисовна» кітабымен таныстырды.
Әңгімедегі кейіпкерлердің, тынымсыз өнертапқыштардың, бұзақылардың, қиялшылдардың бастан кешкен шытырман оқиғаларын есту әрбір мектеп оқушысы үшін қызықты да күлкілі болды.

Үш бәйтерек, үш діңгек: Сәкен, Іляс, Бейімбет өмірлері қысқа, тағдырлары ауыр болғанымен шығармашылық ғұмырбаяндары ғибратты да мәнді болып табылады. Кітапханада қазақ халқының асыл перзенті, жазушы, Сәкен Сейфуллиннің туғанына 130 жыл толуына орай «Сәкеннің сыры» атты кітапханалық дәріс өткізілді.
Дәрісті Әбілқас Сағынов атындағы Қарағанды техникалық университетінің доценті, тарих ғылымдарының кандидаты, Сәуле Қасымова жүргізді.
Шараға Нұркен Әбдіров атындағы мектептің 9 «Б» сынып оқушылары қатысты. Шара барысында С. Сейфуллиннің еңбектері, атқарған қызметтері жайлы мағлұмат алып, ақынның өмірі мен шығармашылығы жайында бейнеролик тамашалады.
Дәріс соңында «Сәкен мұрасы – халық қазынасы» атты кітап көрмесіне шолу жасалды.

Бүгін «Ертөстік» балабақшасының дайындық тобының бүлдіршіндері кітапханамызда болды. Кітапхана қызметкерлері балаларды қарсы алып, кітап әлеміне қызықты саяхат жасады. Балалар «Қарағанды иллюстрацияларда» атты фотогалереямен танысып, содан кейін күзгі тақырыпқа арналған қолөнер бұйымдарын жасады.

Кітапхананың оқу залында «Сыбайлас жемқорлық – ғасыр дерті» атты кітап көрмесі ұйымдастырылды. Көрме қоғамның басты мәселесіне айналған осы ауқымды тақырыпты қозғау мақсатында құрылды. Сыбайлас жемқорлыққа қарсы күрес – әрбір азаматтың борышы. Сыбайлас жемқорлықты жеңу үшін қоғам болып белсенділік таныту қажет.
Көрмеге ұсынылған әдебиеттерде сыбайлас жемқорлықтың экономикаға тигізетін әсері туралы ғылыми еңбектер және көркем әдебиет сюжеттері арқылы сыбайлас жемқорлық әрекеттерінің жойқын салдары көрсетілген.

Бүгін кітапханаға № 2 арнайы мектеп-интернатының балалары келді. Оқушылар балалар жазушысы Бердібек Соқпақбаевтың шығармаларымен танысты. Жазушының мерейтойына аясында балалар кітапханашыларға бірнеше сұрақтар қойып сұхбат алды. Шара барысында балалар кітаптың адам өміріндегі рөлі туралы білді.