«Балалар, Сіздер үшін жазамыз!» кітапханалық жоба аясында 22-23 қараша күндері балалар жазушысы Наталья Инжевская Саран қаласы және Осакаровка ауылының оқырмандарымен кездесті.
Балалар үшін автормен жүздесу, оқыған кітаптары туралы өз әсерлерімен бөлісу, жазушының шығармашылық жоспарлары туралы білу қызықты болды.
Оқырман балалар Н. Инжевскаяның әңгімелерінен үзінді көрсетіп, өлеңдер оқыды. Жазушымен өткен шығармашылық кездесу балаларға өте қызықты болды.

23 қарашада Абай атындағы мектеп-гимназиясының 8-9 сынып оқушыларына Е.А.Бөкетов атындағы Қарағанды университетінің, тарих факультетінің, археология, этнология және Отан тарихы кафедрасының профессоры, т.ғ.к. Жулдыз Карсыбаева Халық қаһарманы, аты аңызға айналған партизан Қасым Қайсеновтың өмірі мен шығармашылығы бойынша дәріс оқыды.
Балаларға «Қасым Қайсенов Естеліктер», «Қ.Қайсенов өмірі мен шығармашылығы» бейнеролигінен үзінді көрсетіліп, кітап көрмесіне шолу жасалынды.

23 қарашада кітапханасында Қазақстанның халық жазушысы, ҚР Мемлекеттік сыйлықтың лауреаты, Ә. Нұршайықовтың туғанына 100 жыл толуына орай «Ерлік пен махаббат жыршысы» атты әдеби кеш өткізілді.
Іс-шараға жазушы-этнограф, журналист Т. Әкежанов және Ахмет Байтұрсынұлы атындағы мектеп-гимназиясының 10-11 сынып оқушылары қатысты.
Төрехан Майбасұлы жазушының шығармашылығы жайлы құнды, қызықты деректермен ой бөлісті. Шара барысында жазушының өмірі мен шығармашылығын баяндайтын «Өмір жолы» атты бейнеролик көрсетіліп, жазушының кітаптары жинақталған «Ерлік пен махаббат жыршысы» атты кітап көрмесіне библиогафиялық шолу жасалды.

«Балалар, Сіздер үшін жазамыз!» кітапханалық жобасы оқырмандарды заманауи қазақстандық балалар жазушыларының шығармашылығымен таныстыруды жалғастыруда.
Бұл жолғы қонағымыз кітапханамыздың досы және серіктесі Наталья Инжевская. Автор балаларға «Волшебные сказки Сарыарки» сериясымен жарық көрген «Тюльпан счастья», «Приключения Ослика Жайдара» атты жаңа кітаптарын ұсынды.
Кездесу барысында Қаражал қаласының оқырмандары арасында осы кітаптар желісі бойынша салынған балалар иллюстрациялары байқауының қорытындысы шығарылды.
Іс-шараға Қаражал қаласының ОКЖ директоры Т.Байшукенова қатысып, Қаражал қаласының оқырман балаларына Н. Инжевская кітаптарын және байқауға қатысқан балаларға сыйлықтарын табыстады.
Биылғы жылы оқырман мен жазушы арасында алтын көпір болған «Балалар, Сіздер үшін жазамыз!» кітапханалық жобасы өз жұмысын қорытындылап, жоба алдағы жылы да өз жалғасын табады. Барлық өткен кездесулерден балалар жақсы әсер алып, өздеріне керекті құнды дүниелерді сіңіре білді деген үміттеміз.

«Қауырсын қалам» әдеби клубы өз жұмысын жалғастыруда.
Шығармашылықты сүйетін балалар бір-бірімен араласып, өз жетістіктерімен бөлісіп, ақындық шығармаларын талқылап, замануи ақын-жазушылардың шығармалары туралы пікір алмасты.
Шығармашылық алаңда жас дарындар өздерінің жаңа өлеңдерін оқыды.

«Кел, қазақша сөйлейік!» үйірмесінің кезекті сабағы «Қыс қызығы» тақырыбында өткізілді. Балалар сабақта қысқы табиғат ерекшеліктерімен танысып, сурет салды. Өз жұмыстары туралы әңгімелеп береді.

«Шуақ»  студиясының қатысушылары «Черепаха и остров» ертегісін оқығаннан кейін қолда бар заттармен тасбақа қолөнерін жасады.

Балалар жылы аясында «Балалар, Сіздер үшін жазамыз!» жобасын жүзеге асыру мақсатында 16 қараша күні белгілі қазақ жазушысы, Қазақстан Жазушылар одағының мүшесі, мемлекет қайраткері Мәди Айымбетовпен (Астана қ.) шығармашылық кездесу өтті. Жазушы Шет ауданы, Ақсу Аюлы кентінің және Абай атындағы облыстық балалар кітапханасының оқырман балаларымен кездесті.
Іс-шараға Қазтұтынуодағы Қарағанды экономикалық университетінің филология ғылымдарының кандидаты Тапашев Мейіржан Әбдіқадырұлы қатысты.
Шара барысында қаламгердің туындыларын насихаттауға бағытталған бейнеролик көрсетіліп, автордың «Бар болғаны он төрт жас» повесінен үзінді көрсетілді. Балалар жазушыдан қолтаңба алып, керемет әсермен тарқасты.

Балалар мен ата-аналарды 9 желтоқсан, сағат 17.00-де өтетін ӘДЕБИ КОСПЛЕЙ ФЕСТИВАЛІНЕ қатысуға шақырамыз. Өтінімдер 5 желтоқсанға дейін odb_abai@mail.ru электрондық поштасына қабылданады. Қатысушылардың жасы 7 жастан 15 жасқа дейін.
Фестиваль бағдарламасында:
– Косплей дефилесі;
– Әдеби образдың театрландырылған қойылымы;
– Әдеби викторина;
– Косплей дискотекасы;
Жүлделі номинациялар:
-Үздік көркем бейне (образды дәлме-дәл жеткізу, костюмнің
өзін көрсету және оның өзіндік ерекшелігі);
-Үздік балалар косплейі (7-10 жас аралығындағы балалар);
-Үздік отбасылық косплей (бір тақырыпты біріктірген костюмдер
киген ата-аналар мен олардың 15 жасқа дейінгі балалары);
-Үздік MAKEUP – бет әлпетті әрлеуі;
– Original – косплей (қатысушы өзі ойлап тапқан образ, өз қолымен
жасаған костюм).
КЕЛІҢІЗДЕР! ҚАТЫСЫҢЫЗДАР! ҰНАҒАН КОСПЛЕЙ ҚАТЫСУШЫСЫНА ДАУЫС БЕРІҢІЗДЕР!

Барлық сұрақтар бойынша +7(7212) 41-23-25 байланыс телефоны арқылы хабарласуға болады. КОСПЛЕЙ ФЕСТИВАЛІНІҢ тұжырымдамасымен сайтта https://odb-abai.kz/wp-content/uploads/2022/11/Kontseptsiya-o-Literaturnom-kosplee-kaz.pdf таныса аласыз.

14 қараша күні Абай атындағы Қарағанды облыстық балалар кітапханасында «Ертегілер мен оқиғалар сағаты» жобасы аясында дауыстап оқу өткізілді.
Балаларға Қарағанды академиялық музыкалық комедия театрының актрисасы Дарья Пивень әйгілі балалар жазушы Энид Блайтонның «День рождения эльфа» ертегісін оқыды.
Мұндай кездесулер ертегілер арқылы балаларды адамгершілікке, мейірімділікке, еңбексүйгіштікке тәрбиелеу және мәнерлеп сөйлеуге баулу, шығармашылық қабілеттерін дамытуға мүмкіндік береді.