Қазақ халқының ұлы ақыны Абай Құнанбайұлының шығармашылығына орай «Абай мұрасы – халық ұлағаты» тақырыбында кітапханалық дәріс өткізілді.
Дәрісті қала мектептерінің жоғарғы сынып оқушылары үшін, Қазақстан Республикасының білім беру ісінің үздігі, Қарағанды қаласы химия-биология бағытындағы Назарбаев Зияткерлік мектебінің қазақ тілі мен әдебиеті пәнінің мұғалімі Есенжолова Айтжамал Оралханқызы оқыды.
Дәріс барысында абайтанудың өзекті мәселелері, ақынның өмірбаяны, Абайдың ойшыл ақын ретінде қалыптасуы, «абайтанудың» философиялық, эстетикалық және қоғамдық көзқарастары, замандастардың ақын және композитордың шығармашылығына деген көзқарасы жайлы сөз болды.

Кітапханада көрнекті жазушы Мұхтар Әуезовтің 125 жылдығына арналған «Дәуірдің дара тұлғасы» атты пікір кеші өткізілді.
Балалар «Құпиялар. Тағдарлар. Есімдер. Мұхтар Әуезов» деректі фильмінен үзінділерді тамашалады. Кітапханашы қазақ әдебиеті классигінің өмірі мен шығармаларының беймәлім фактілері туралы әңгімеледі. №1 гимназияның 10, 11 «А» сынып оқушылары оқыған шығармаларының әсерімен бөлісті.
Алексей Лемко К.С.Станиславский атындағы Қарағанды мемлекеттік Халықтар достығы орденді орыс драма театрындағы Абайдың өмірі туралы «Знай, потомок, дорогу я для тебя стлал» спектаклінің қойылымына актер ретінде қалай қатысқаны туралы әңгімелеп берді. Кешке қатысқандардың әрқайсысы М.Әуезовтің шығармашылығы туралы өз пікірін білдірді.
М.Әуезов шығармашылығының қазіргі қазақ әдебиетіне әсері туралы педагогика ғылымдарының магистрі Г.Жұмаділованың баяндамасы қызықты болды.

23 қыркүйек күні ҚР Мәдениет және спорт министрлігінің қолдауымен Ұлттық академиялық кітапхананың бастамасымен Қарағанды академиялық музыкалық комедия театрының алаңында «KitapTime -2022» республикалық кітап фестивалі өтті.
«KitapTime -2022» кітап фестивалі аясында Абай атындағы балалар кітапханасы «Киіз үй» этноконструкторын жинау тренингін көрсетіп, «Дос болайық кітаппен» балаларға арналған ашық микрофон ұйымдастырылып, бүлдіршін балалар қазақ ақындарынның өлеңдерін мәнерлеп оқыды.

Кітапханада 23 қыркүйекте облыстың 35 балалар кітапханашысы үшін «Балалар кітапханасына арналған перспективтік цифрлық технологиялар» облыстық семинар-практикумы өтті.
Бүгінгі күні кітапханашы көп тапсырмалы, мобильді, заман талабына сай болуы керек. IT саласында құзыретті болуы керек.
Қазіргі балалардың өте ерте есейетіні, жаңа технологияларды тез меңгеретіні, бізге, кітапханашыларға оны меңгеруге көмектесетіні, ал біз сол үшін оларды кітапты сүюге үйрететініміз туралы мәселелер айтылды.
Семинар барысында конструктивті диалог өтті, шақырылған қонақтар – кәсіби мамандар Чиняев Сергей Андреевич (KIBEROne халықаралық бағдарламалау мектебінің тьютері), Полина Андреевна Ким (One SMM агенттігінің сату менеджері) балаларға ақпараттық қызмет көрсету; әлеуметтік желілердегі жоғары сапалы контент, балаларды кітап оқуға баулуда ұсынылатын цифрлық қызметтер; кітапханаларда ақпараттың сақталуы мен қолжетімділігі; құқықтық кеңістіктегі кітапханалардың электронды ресурстары және т.б. жөніндегі ұсыныстарын ортаға салды. Балалар арасына ең танымал және олардың өздігінен жасайтын қосымшалар мен бағдарламалар аталды.
Сіздер семинар жұмысы туралы толығырақ ақпаратпен кітапхана сайтының «Мамандар» бөлімінде таныса аласыздар.

Бүгін №3 гимназияның 3-сынып оқушылары үшін «Как Болейку перевоспитали» атты ойын сабағы өткізілді.
Балалар зиянды әдеттердің адам ағзасына кері әсері туралы мағлұмат алды, салауатты өмір салтын қалай ұстану керектігін және денсаулықты сақтау қағидаларымен танысты.
Олар әр түрлі қызықты жұмбақтар шешіп, мақал-мәтелдерді еске түсіріп, әдеби викторинаға қатысты.

«Қауырсын қалам» клубы аясында кітапханада 16 қыркүйекте қазақ ақыны, жазушы, публицист, аудармашы Сырбай Мәуленовтің 100 жылдығына арналған «Өмір жолы – өлең жолы» ауызша журналы өткізілді. Соғыс тақырыбы С.Мәуленов шығармашылығының негізгі болды, ол майдан даласынан қайтпаған жолдастары, соғыстың қасіреті, бейбіт өмір сүру қажеттігі туралы жазды.
Іс-шараға №15 ЖОББМ 10-сынып оқушылары қатысты. Балалар баяндамашыларды қызыға тыңдап, сұрақтарын қойды, алған әсерлерімен бөлісті. Кездесу өте жылы әрі рухани жағдайда өтті.

«Free Style» арт-шеберханасының кезекті сабағы «Зебра білезігін» жасау тақырыбында өткізілді. Біздің тұрақты оқырман қыздарымыз қарапайым және әдемі білезіктерді ашық әрі нәзік түсті майда моншақтардан жасап үйренді. Білезік дайындауға түрлі-түсті майда моншақ, қайшы, қыл жіп, ине пайдаланды.

«Кел, қазақша сөйлейік!» үйірмесінің кезекті сабағы «Ойыншықтар әлемі» тақырыбында өткізілді. Балалар ойыншықтардың атын, түсін және қандай заттан жасалғанын қазақ тілінде дұрыс айтып үйренді.

16 қыркүйекте біздің кітапханада «Қызықты ғылым» кітапханалық зертханада магниттердің күшін түсінуге көмектескен тәжірибе жасалды.
Әркім бұл тәжірибені өзі үйде жасай алады, оны жүзеге асыру үшін сендерге тек бір ғана шынашықтық батарея, магнит және аздаған мысты сым қажет. Осы элементтердің көмегімен электр мотрын қалай жасауға болатынын тәжірибе көрсетеді. Электр қозғалтқышы батареядан жұмыс істей бастайды, өйткені сымда пайда болған зарядталған бөлшектердің қозғалысы (электр заряды) олардың қозғалыс бағытын өзгертетін магнит өрісінің әсерінен болады. Бұл ауытқу физикада Лоренц күші деп аталады. Ток күшінің бағыты магнит өрісінің сызықтарының бағытына перпендикуляр болғанда, бөлшектер шеңбер бойымен қозғалады.

«Қауырсын қалам» клубы аясында кітапханада 16 қыркүйекте қазақ ақыны, жазушы, публицист, аудармашы Сырбай Мәуленовтің 100 жылдығына арналған «Өмір жолы-өлең жолы» ауызша журналы өткізілді. Соғыс тақырыбы С.Мәуленов шығармашылығының негізгі болды, ол майдан даласынан қайтпаған жолдастары, соғыстың қасіреті, бейбіт өмір сүру қажеттігі туралы жазды.
Іс-шараға қатысқандар жазушының өмірінен біраз деректер алып, жас ақын Яна Григоркевичпен танысты. Көптеген әдеби байқаулардың жеңімпазы өзінің соғыс туралы өлеңі оқыды.
Іс-шараға №15 ЖОББМ 10-сынып оқушылары қатысты. Балалар баяндамашыларды қызыға тыңдап, сұрақтарын қойды, алған әсерлерімен бөлісті. Кездесу өте жылы әрі рухани жағдайда өтті.