Кітапхана 31 мамыр саяси қуғын-сүргін және ашаршылық құрбандарын еске алу күніне орай «Бір музейдің тарихы» атты тікелей эфир өткізді.

Біздің облыстың тарихи парақшаларында қайғылы жайттар туралы парақтардың бар екені баршамызға мәлім.

Қарағанды облысында Карлаг тарихи ескерткіштерін зерттеу және сақтау және Қазақстан аумағында орналасқан еңбекпен түзеу лагерлерінің жазықсыз құрбандарын мәңгі есте сақтау мақсатында Долинка кентінің саяси қуғын-сүргін құрбандарын еске алу музейі (Карлаг музейі) құрылды.

Instagram жазылушылары тікелей эфирде музейдің бас қор сақтаушысы Марина  Ивановна Клышникова  музейдің құрылу тарихы, қызықты экспонаттар, Карлагта жазасын өтеген белгілі ғалымдар мен қамауда болған тұтқындардың өмірі туралы әңгімесін тыңдады.