18 қазан – Рухани келісім күніне орай «Рухани келісім күні – бірлік пен тұрақтылық кепілі» атты толеранттық сағат өткізілді. Шараның мақсаты: өскелең ұрпақтың бойына рухани адамгершілік құндылықтарын қалыптастыруға ықпал ету.

Кітапхана мамандары «Жамбыл атындағы мамандандырылған мектеп-лицей-интернатының» 5 сынып оқушыларына кітапхананың құрылу тарихымен, кітапхананы пайдалану ережелерімен, бөлімдерінің қызметімен таныстыру мақсатында экскурсия өткізді. Оқушылар жаңадан түскен әдебиеттер мен мерзімді басылымдарға шолу жасап, балаларға арналған клуб пен үйірмелердің сабақ кестесімен танысты.

Балалар «Шуақ» шығармашылық студиясының кезекті сабағында «Патша мен Бүркіт» шығармасымен танысқаннан кейін, «Бүркіт» қолөнерін жасады.

«Ертегілер мен оқиғалар сағаты» жобасы аясында логопед – дефектолог Гүлмира Рахимбаева кезекті дауыстап оқу өткізді. Қонақ балаларға түрік жазушысы Мерве Ергеноғлының (түрік тілінен аударған Ақтілек Бекзатқызы) «Қағаз ұшақ» атты әңгімесін таныстырды.

Кітапханада 13 қазан күні балаларға арналған «Перғауын жыландары» атты тәжірибе өткізілді. Балалар «Перғауын жыландарын» кальций глюканатын қолдану арқылы жасады.
Тәжірибе барысында перғауын жыландарына қатысты қызықты деректермен танысып, заттардың әрқайсысының өзіндік ерекшеліктері мен химиялық қасиеттерін білді. Перғауын жыландары түрінде алынған реакция – мөлшері, түсі, жану жылдамдығы бойынша өте ерекше болып шықты.
Балаларға барлық қауіпсіздік ережелерін сақтай отырып, үйде тәжірибе жүргізу ұсынылды.
«Қызықты ғылым» кітапханалық зертханасының соңында қызықты химия бойынша әдебиеттерге шолу жасалынды.

Кітапханада «Қауырсын қалам» әдеби клубының кезекті отырысы ұлттық әдебиетіміздегі ең үздік туындыларды оқу және насихаттау, оқу ісін ілгерілету мақсатында он жетінші мәрте ұйымдастырылып отырған республикалық «Бір ел – бір кітап 2023» акциясында оқуға ұсынылған жазушы, драматург, Қазақстанның еңбек сіңірген қайраткері Төлен Әбдіктің шығармаларын насихаттау мақсатында өтті. Отырыста Қарағанды жоғары гуманитарлық колледжінің «мектепке дейінгі тәрбие және оқыту» факултетінің 1 курс студенттерімен жазушының шығармалары бойынша «Quiz» ойыны ойнатылды.

Балалардың қауіпсіздігі жылдан жылға өзекті мәселе болып тұр. Негізгі себептердің бірі-балалардың қазіргі заманда болып жатқан қауіп-қатерді түсінбеушіліктері, қауіпсіз мінез-құлық дағдыларының болмауы. Осы мақсатта кітапханада «Өзіңді қалай қорғауға болады» атты қауіпсіздік сабағы өткізілді. Балаларға кәмелетке толмағандар істері жөніндегі инспектор және психолог Юсупова Ирина Владимировна ортаның қауіпті және зиянды факторларын қалай тануға және бағалауға, олардан қорғанудың тәсілдері туралы үйде, көшеде және табиғатта төтенше жағдайларда қауіпсіз мінез-құлық ережелерін еске түсіріп, қатысушыларға өз өмірі мен денсаулықтарын қорғау туралы айтып берді. Жас оқырмандар өмір қауіпсіздігі туралы кітаптармен қызығушылықпен танысты. Кездесу соңында барлық қатысушыларға ақпараттық парақшалар табысталды.

Бүгін Абай атындағы балалар кітапханасында «Қобыланды батыр» эпосынан үзіндіні мәнерлеп оқу бойынша қалалық байқаудың екінші кезеңі өтті.
Қазылар алқасының құрамында: ғалым, филология ғылымдарының докторы, профессор, әдебиеттанушы Ж.Жарылғап ҚазТұтынуодағы Қарағанды университетінің қазақ тілі және Қазақстан мәдениеті кафедрасының доценті, филология ғылымдарының кандидаты М.Тапашев; Н. Назарбаев зияткерлік мектебінің қазақ тілі мен әдебиеті мұғалімі А.Есенжолова жазушылар Одағының мүшесі, ақын журналист Ж.Шалқар.
«Қобыланды батыр» жырын мәнерлеп жатқа оқудан 16 үміткер сынға түсті.

Байқау қорытындысы бойынша жеңімпаздар:

I орын – Аманбаев Нұрбол, №53 мектеп-лецейі, 7 сынып (квадрокоптер);
II орын – Бекхали Айару, «Озат» ақпараттық технологиялар мамандандырылған мектеп-лицейі, 7 сынып (виртуалды шыны көзілдірік);
III орын – Құрмашев Нұртөре, Абай атындағы мектеп-гимназиясы, 7 сынып (портативті динамик);
III орын – Бөлегенова Айзере, №87 негізгі орта мектеп, 7 сынып (портативті динамик).

Номинациялар бойынша:
«Орындаушының шынайылығы» – Төлепбергенов Қуаныш, «Озат» ақпараттық технологиялар мамандандырылған мектеп-лицейі, 7 сынып;
«Әртістік шеберлік» – Серікбол Нұрсанар, №25 жалпы білім беретін мектеп, 9 сынып оқушысы;
«Жыр жүйрігі»– Жапар Ақшолпан, №25 жалпы білім беретін мектеп, 8 сынып;
«Жыршылық өнер» – Аманжол Балнұр, М.Жұмабаев атындағы №39 гимназия, 8 сынып;
«Қобыланды батыр» жыр білгірі– Даурбек Нұржан, С. Саттаров атындағы мектеп-лицейі, 7 сынып.
Сайысқа қатысқан барлық қатысушыларға сертификаттар табыс етілді. Кітапхана байқау жеңімпаздарын құттықтап, қатысқандары үшін барлығына алғысын білдіреді!

Сіздердің назарларыңызға «Әдеби кейіпкер» циклінің кезекті көрмесін ұсынамыз. Көрмеге орыс халық ертегісі «Бауырсақ» жайлы жазылған қазақ және орыс тілідерінде кітаптар қойылған.
Тентек «Бауырсақ» атасы мен әжесінен қашып үлгерді! Ол қояннан, қасқырдан, аюдан және түлкіден қашып құтыла ала ма?
Балалармен бірігіп ең танымал орыс халық ертегілерінің бірін оқыңыз.

3 қазанда Абай атындағы Қарағанды облыстық балалар кітапханасының басшысы Баян Уатаева Шыңғыс Айтматовтың 95 жылдығына арналған «Ыстықкөл – 2023: кітапханалар және қоғамды демократияландыру» XXI халықаралық конференциясы аясында өткен «Балам ақылды болсын десеңіз…
Және бұл миссиядағы кітапхана ролі» атты «Кітапхана-балалар мен жасөспірімдерді және ата-аналарды оқуға деген қызығушылығын дамыту провайдері» секциясында баяндама жасады.