Бүгін кітапханада «Жаз. Балалар. Кітап» бағдарламасы өз жұмысын бастады. Бағдарлама шеңберінде жас оқырмандар кітапханаға қызықты саяхат жасап, кітаптар және мерзімді басылымдармен танысты.

Кітапханада ҚР Мемлекеттік рәміздер күніне орай «Бірлік пен бейбітшілік рәміздері» атты интерактивті ойын өткізілді. Іс-шара Қазақстан Республикасының Гимін орындаумен басталды. Балаларға еліміздің рәміздері тарихы туралы виртуалды саяхатқа шығу ұсынылды. Барлық балалар өз елінің мәдениеті мен тарихы туралы викториналық сұрақтарға қуана жауап беріп, өзара бір-біріне сұрақтар қойып пікір алмасты.

Жадыраған жаз келді, кітапхана күн сайын мектеп жанындағы лагерьлер мен қосымша білім беру орталықтарында демалып жүрген балаларға толы. Бүгін кітапханашылар Е.А. Бөкетов атындағы мектептің балалары үшін әдеби викторина өткізіп, «Балалар әлемі» атты инсталляциялық көрмені таныстырды.

Кітапхана Халықаралық балаларды қорғау күнін орай «Балалық шаққа саяхат» атты кітапхана кеші өтті.
Шара ағымдағы жылы қазақ балалар әдебиетінің дамуына зор үлес қосқан балалар жазушысы Бердібек Соқпақбаевтың туғанына 100 жыл толуына орай ұйымдастырылды.
Мерекеге Алматы қаласынан арнайы қонаққа «Менің атым Қожа» фильмінде басты рөлді сомдаған актер, Қазақстанның еңбек сіңірген қайраткері, жазушы, сценарист Нұрлан Санжар шақырылды.
Келушілерді көптеген тосынсыйлар күтіп тұрды. Балалар ата-аналарымен бірге полимерлі шайырдан зергерлік бұйымдар жасау бойынша шеберлік сабақтарына қатысты, саз бұйымдарын бояуды үйренді, «пионер лагеріне» барды, актерлік студияда және иллюзионистер шоуында көңіл көтерді, вафли пісіруді үйренді, ұлттық ойындар ойнады, сонымен қатар болашаққа көз жүгірткісі келетіндер нумерологтың болжамын алды.
Әртүрлі алаңдардан балалар өздеріне қойылған сұрақтарға жауап беріп, олар жинаған жетондарын «кітапхана банкінде» сомға айырбастады және оларды «Бал бала» шайханасында ас мәзірімен танысып тәттілер, шырын, йогурт, баурсақ, бәліш сатып алуға жұмсады.
Іс-шарада қарағандылық өнерпаздар ішекті музыкалық аспаптарда ойнап танымал әндер шырқап мерекенің сәнін келтірді.
Кітапхана кеші ұтыссыз лотерея ойынымен аяқталды.
Мерекенің демеушілері: «Арт Фиеста» дүкені, «Балалар әлемі» дүкені (City Mall), «Атамұра» корпорациясы, «Планета игрушек», «Нәтиже» сүт фабрикасы, «Қасым» баспасы, балмұздақ зауыты «Аiza».

2024 жылы қазақ балалар әдебиетінің дамуына зор үлес қосқан балалар жазушысы Бердібек Соқпақбаевтың туғанына 100 жыл толып отыр, жазушының мерейтойы ЮНЕСКО көлемінде аталып өтуде.
30 мамырда С.Сейфуллин атындағы Қарағанды облыстық академиялық қазақ драма театрының кіші залында қазақстанның белігілі балалар жазушысы Бердібек Соқпақбаевтың повесі желісімен түсірілген «Менің атым Қожа» фильмінде басты рөлді сомдаған актер, Қазақстанның еңбек сіңірген қайраткері, жазушы, сценарист Нұрлан Санжармен шығармашылық кездесу өтті.
«Қазақфильм» киностудиясында түсіріліп, балалар киносының үздік туындысына айналған көркем фильм 1967 жылы Халықаралық Канн кинофестивалінде арнайы сыйлыққа ие болды. Бұл бүкіл қазақ киносының алғашқы халықаралық марапаты еді. Сонымен қатар, Нұрлан Санжардың «Періште», «Қызыл қар» повестері және «Нежданный гость – Джучи», «Бату-хан» романдары жарық көрген. Актердің «Ангелочек» повесінің желісімен түсірілген «Ангелочек» балалар телесериялы Ялта телевизиялық фильмдер фестивалінде арнайы сыйлықпен және Мәскеу телефорумының жүлдесімен марапатталды.
Бұл іс-шара балалар жазушысы Бердібек Соқпақбаевтың шығармашылығына қызығушылық танытатын үш ұрпақтың кездесуіне ықпал етті.
Кездесу барысында «Мен Қожадан аумайтын баламын» облыстық фестивалінің қорытындысы бойынша үздік болып «Қожаға ұқсас бала» атанған жеткіншектер шеруі өткізілді. Іс-шараға қатысушылар жазушыға сұрақтар қойып, қолтаңба алды.

Жексенбі күні «Қауырсың қалам» клубының мүшелері жаңа эмоциялар алу үшін Теміртау қаласындағы балалар мен жасөспірімдерге арналған Теміртау театрына экскурсия жасауға барды.
Театр басшысының орынбасары Павел Авдюков театр тарихы мен қызметтері туралы мәліметтер берді. Саяхат жасап болғаннан кейін балалар Мария Паррдың пьесасы бойынша «Вафельное сердце» спектаклін қызығушылықпен тамашалады.

31 мамыр – ХХ ғасырдың басында талайды сарсаңға салып, қасірет шектірген саяси қуғын-сүргін құрбандарын еске алу күні.
Айтулы күнге орай кітапхананың оқу залында «Қарлаг: адам және тағдыр» атты кітап көрмесі рәсімделді. Көрмеге Қарағандылық автор-зерттеуші В.Могильницкийдің «Великие узники Карлага», «Безымянные тюльраны», «В долинах слез» кітаптар және мерзімді басылымдарда жаряланған мақалалар қойылды. Оқырмандардың барлық тобына оқуға кеңес береміз. Басылымдарда қуғын-сүргін мен қиыншылықтардың ауыр жылдары, адамдардың қиын тағдырлары туралы баяндайды.

Кітапханада жаңадан бастаған қолөнершілерге арналған кезекті шеберлік сыныбы өтті. Қыздар бисерден білезік жасауды үйренді. Моншақтармен жұмыс істеу қарапайым және сонымен бірге белгілі бір дайындық пен дағдыларды қажет етеді. Қарапайым теория мен қызықты тәжірибенің көмегімен қыздар инелер мен жіпті қолдана отырып неше алуан білезіктер жасады.

Мәдениет және өнер қызметкерлері күніне орай құжаттарды толықтыру, өңдеу және негізгі қорды сақтау бөлімінің басшысы Кирина Людмила Васильевна Қазақстан Республикасы Мәдениет және ақпарат министрлігінің «Мәдениет саласының үздігі» төсбелгісімен марапатталды.
Людмила Васильевна! Еңбегіңіз жемісті болып, әрқашан мерейіңіз үстем, мәртебеңіз биік болсын!

Біз «Шуақ» шығармашылық студиясының кезекті отырысында түрлі-түсті ермексаздан сегізаяқ жасадық! Балалар әдемі және қызықты бұйымдар жасады!