Біріккен Ұлттар Ұйымының Бас Ассамблеясының шешімімен 1972 жылыдың 5 маусым – Дүниежүзілік қоршаған ортаны қорғау күні болып бекітілген.
Атаулы күнге орай кітапханада Қарағанды қаласының мектеп жанындағы лагерьлерінің балаларына арналған «Флора мен фауна білгірлері» атты квиз ойыны өтті. Балалар топқа бөлініп, жануарлар мен өсімдіктер туралы сұрақтарға жауап берді. Ойынға қатысушылары эмоцияға толы көтеріңкі көңіл- күймен шараға белсене қатысты. Жеңімпаз топ тәтті сыйлықтарға ие болды.

Кеш бойы мереке қонақтарына М.Бекішевтің жетекшілігімен №2 балалар музыкалық мектебінің «Юность» вокалдық тобы және рок, поп-рок жанрларында авторлық әндерді орындайтын «Чай с котом» тобы өнер көрсетті.
Робототехника бойынша шеберлік сабағын «Dignatera» орталығының жетекшісі П.Инкарбаева өткізді.
Балалар «Lego Educatoin» конструкторы негізінде роботтарды құрастыру процесімен танысты.

Ғарыштық тәжірибе зертханасы «Библиоғарыштық аймақ» акциясына келген барлық қатысушылардың назарын аударды.
Балалар үшін біз қызықты химиялық тәжірибе өткіздік! Бұл тәжірибе үшін сода, сірке суы, шарлар мен пластикалық бөтелкелер қолданылды!
Тәжірибе өте қарапайым, бірақ оны үйде тек ересектердің бақылауымен жасауға болады!
Эксперименттен басқа, балаларға кітапхана қорындағы түрлі тәжірибелер мен әдістерге арналған кітаптар көрсетілді.

«Жұлдыздар не дейді?» атты ғарыштық болжамдар мекеніне келген оқырмандарымыздың көңіл- күйін, алған әсерін суреттеу мүмкін емес.
Біз бірқатар білімге ие болып, ешқандай бақсы-балгердің көмегінсіз болашаққа ғарыштық болжамдар жасап, психология ғылымының астрология, нумерология және кокология сынды салаларымен таныстырдық. Сонымен қоса туған күніне қарап, аптаның қай күнінде дүниеге келгенін анықтау арқылы адамның мінез құлқын сипаттадық.
Өзімізді тану пайдалы және қызықты, өйткені әрқайсымыздың кокоро – ішкі әлемімізді жақсы түсіну үшін ашқымыз келетін таңғажайып құпиялар өте көп. Ал, балаларға өздерін түсінуге көмектесу үшін «Сенің мүмкіндігің», «Көпір» атты екі жапондық психологиялық тест әдістерін қолдандық.
Ерекше энергияға толы ескі жылдардағы балалар кітабы тек екі санды атаудың көмегімен оқырманға бүгіні мен болашағын болжауға көмектесті. Кеш соңында барлық қатысушыларға атаулы күні бар ашықхаттар табысталды.
Оқырмандарымыз эмоцияға толы, ғылым мен ойын-сауық араласқан тамаша библиокештің куәсі болды!

Халықаралық балалар күніне орай Абай атындағы кітапханада өте көңілді және қызықты кеш болды. Библиоғарыштық аймақ кітапханаға келді!
Оқырмандар ғарыш кеңістігі аумағында саяхаттап кешкі кітапханада қызықты алаңдарға куә болды.
«Жұлдыздар мен галактика» фотоға түсетін аймақта барлық қатысушылар гермошлемдерді киіп, өздерін нағыз ғарышкерлер сияқты сезіне алды.
Галактикалық кинозалда қонақтардың назарына ғарыш туралы бірнеше мультфильмдер мен деректі фильмдер ұсынылды. Балалар ғарыш жайлы фильмдерді тамашалағаннан кейін викторина сұрақтарына жауап беріп дұрыс жауаптарға жетондар алды.
Ғарыштық аймақтың бірінде бүлдіршін балаларды «Ғарышқа саяхат» мега-бояуы күтіп тұрды. Суретші ғарышкерлер астероидтарды, планеталар мен жұлдыздарды бояды.
«КосмоBeauty» сұлулық салоны осы кеште танымалдылыққа ие болды, кеш конақтарына шеберлер өз қалаулары бойынша өзгеше стильде ерекше шаш пен макияж жасап беріп, қонақтарға ерекше көңіл күй сыйлады.
«Ғарыштық филармония» қонақтарға арналған ойын – сауықтыру орнының бірі. Балалар өздерінің сүйікті хиттерін шын жүректен орындап тамаша көңіл күйде болды.
Кітапхана кешінің барлық қатысушылары КосмоБанк ке барды, онда бас банкир балалар тапқан жетондарды ғарыштық квиттерге айырбастап, тапқан табысын космокафесіне жұмсап ас мәзірінен дәм татты.

Абай атындағы кітапхананың 70 жылдық мерейтойы аясында, халықаралық балаларды қорғау күніне орай «БҒА – 70 Библиоғарыштық аймақ» кітапхана кеші акциясы өткізілді.
Шарада балалар «Галактикалық кинозал», «Жұлдыздар не дейді?» ғарыштық болжамдар мекені, «КосмоBeauty», «КосмоБанк», ғарыштық тәжірибелер зертханасы, «Ғарышқа саяхат» МЕГА-бояу парағы, «Жұлдыздар мен галактикалар торабында» фото-аймақ, «Ғарыштық филармония», «Dignatera» робототехника алаңы сияқты ғарыштық аймақтарға саяхаттады. Алаңдардардағы түрлі іс-шараларға қатысу барысында қонақтар библиоақшалар тауып, тапқан табысын космокафесіне жұмсап ас мәзірінен дәм татты.
Кеш бойы мереке қонақтарына Марат Бекішевтің жетекшілігімен №2 балалар музыкалық мектебінің «Юность» вокалдық тобы және рок, поп-рок жанрларында авторлық әндерді орындайтын «Чай с котом» тобы өнер көрсетті.

«Ертегілер мен оқиғалар сағаты» циклінен кезекті дауыстап оқу өткізілді. Ёсико Кояманың «Сиқырлы орындық» ертегісін оқуға ұсынылды.
Балалар шығарманы қызығушылықпен тыңдады.

19 мамырда біздің «Қызықты ғылым» кітапханалық зертханасында «Пілге арналған тіс пастасы» тәжірибесі өткізілді. Бұл эксперимент үшін бізге қажет: сутегінің асқын тотығы, сұйық сабын, ашытқы, жылы су және тағамдық бояу. Тәжірибе сутегінің асқын тотығының су мен оттегіге қалай ыдырайтынын көрсетеді, ал ашытқы катализатор ретінде, яғни реакцияны жылдамдатады. Сабынның арқасында үлкен көпіршіктер пайда болады! Нәтижесінде көбік жанартауы пайда болады. Мұндай экспериментті әркім өз үйінде оңай жасай алады!

Абай атындағы Қарағанды облыстық балалар кітапханасында Алаш қозғалысының қайраткері, ақын Мағжан Жұмабаевтың туғанына 130 жыл толуына орай «Өшпес мұра қалдырған ұлы ақын» атты поэтикалық кеші өткізілді.
Кешке Е.А.Бөкетов атындағы ҚарУ, журналистика кафедрасының аға оқытушысы, Қазақстан Журналистер Одағының мүшесі Ә.Құтжанұлы, «Мағжанның Педагогикасы» және ұлт тәрбиесі» бағыты бойынша 1- орын иегері «Мурагер» мамандандырылған мектеп-интернатының мұғалімі Қ.Беллулин, М.Жұмабаев атындағы №39 гимназиясының тарих пәнінің мүғалімі Ж. Мустафина арнайы спикер ретінде қатысты.
Шара барысында М.Жұмабаев туралы деректі фильм көрсетіліп, М.Жұмабаев атындағы №39 гимназия, №16 ЖББМ, №36 ЖББМ оқушылары ақынның шығармаларынан үзінді оқып, ақынның өмірі мен шығырмашылығымен танысты.
Қазақ әдебиетінің жарқын жұлдызы М.Жұмабаевқа арналған «Мағжан ұрпақтапрының әнінің» әуенімен «Сенім» вокалдық тобы әдеби кештің әрін келтірді.

Мәдениет және өнер қызметкерлері күніне орай кітапханамызда жағымды, сүйінші хабарлар болды. Орта және жоғары сынып оқушыларына балаларға қызмет көрсету бөлімінің басшысы ПОДГАЙНОВА МАРИНА НИКОЛАЕВНАНЫ Мәдениет және өнер қызметкерлеріне арналған облыс әкімінің «ҮЗДІК КІТАПХАНАШЫ» номинациясымен құттықтаймыз.
Сонымен қатар кітапханамыздың инженер-жүйетехнигі МУХАШЕВА НАЗЕРКЕ ҚАЙРАТҚЫЗЫН Қарағанды облысы мәдениет, архивтер және құжаттама басқармасының «ҮЗДІК IT-МАМАН» номинациясының жеңімпазы атануымен құттықтаймыз! Сіздерге шығармашылық табыс, дендеріңізге саулық, еңбекте жеміс тілейміз!!!