Кітапхана жылдан – жылға өзінің ынтымақтастық ауқымын кеңейтіп келеді. Кітапхананың 70 жылдық мерейтойы қарсаңында Қарағанды қаласының мектептерінде кітапхананың имидждік қызметін және оқырмандар санын арттыру мақсатында танымдық сағаттар өткізіумен басталды.
Кітапханашылардың алғашқы сапары көру қабілеті бұзылған балаларға арналған №1 арнайы мектеп-интернаты жасалды.
Кітапханашылар балаларға кітапхананың құрылу тарихы және бөлімдердің қызметімен таныстырды. Балалар жаңа кітап басылымдарымен танысып, викториналық сұрақтарға жауап беріп таяу арада кітапханаға келуге ниет білдірді.

25-26 қаңтарда кітапханаға Ақпараттық технологиялар мамандандырылған мектеп-лицей-интернатының 5-6 сынып оқушыларына кітапханашылар «Келіңіз! Қараңыз! Оқыңыз!» кітапханалық non-stop атты экскурсия жүргізіп, балаларды кітапхананың тарихымен және бөлімдердің қызметтерімен таныстырды.
Сондай-ақ, балалар жаңа әдебиеттермен, кітапхана қорындағы сирек және құнды кітаптармен танысып, өздеріне қажетті ақпараттар алды. Танымдық экскурсияның екінші бөлімінде оқушылар «Ертегілер әлемі» интерактивті ойынына қызығушылықпен қатысты.

«Free Style» арт-шеберханасы өз жұмысын жалғастыруда. Үйірме мүшелері түрлі-түсті моншақтар, фетр (глиттер), фатин матасын пайдаланып, ыстық желімнің көмегімен қыздарға арналған тәжді ободок жасады.

22 қаңтарда «Қауырсын қалам» әдеби клубы аясында заманауи әдебиетке қызығушылық танытқан жас ақындар мен прозашылар жиналды.
«Мен және өлеңдер» атты шығармашылық кездесуге қарағандылық ақын Сергей Рупчев және №46 ЖББМ орыс тілі мен әдебиеті пәнінің мұғалімі Е. Ю. Шилайкес оқушыларымен бірге қатысты. Балалар жерлес ақынның шығармашылығымен танысты. Жылы жүзді, дархан жүректі ақынның ғибратты әңгімесінен қатысушылар ерекше әсер алды.
Мұғалімнің пікірінше, әдебиет сабағында өлеңдер мен шағын әңгіме жазатын балалардың қабілетін байқауға және дамытуға болады деп өз пікірін білдірді. Жас авторлар өздерінің жаңа туындыларын оқыды, олардың бірнешеуі жыл соңына дейін шығарылатын «Қауырсын қалам» альманахына таңдалып алынды.

«Көңілді ағылшын» үйірмесінің кезекті сабағы «Colors.Түстер» тақырыбында өтті. Балалар «What color is the toy?» ойынын ойнап, шарлардың түстеріне қарай сөздерді сәйкестендірді. «Red color,red color where are you?» әнін айтып ағылшынша баламаларын жаттады.

«Ертегілер мен оқиғалар сағаты» циклінен кезекті дауыстап оқу өткізілді. М.Төрежановтың «Алғыс немесе әдепті бала» әңгімесі оқуға ұсынылды. Балалар шығарманы қызығушылықпен тыңдады.

Әнуарбек Дүйсенбиевтің «Менің үйім» өлеңін оқығаннан кейін «Шуақ» шығармашылық студиясының қатысушылары қолда бар заттармен «Үй» қолөнерін жасады.

Қымбатты достар!
Сіздердің назарларыңызға 2023 жылғы жазушылардың мерейтойларымен таныстыратын «Туған өлке – тұнған тарих» атты өлкетану көрмесін ұсынамыз.
Биылғы жылы біздің ұлы ойшылымыз, әйгілі ақын һәм өз заманының дана да дара биі және Абылай ханның бас көмекшісі Бұқар Жыраудың туғанына 355 жыл толады.
Бұқар жыраудың – ұлттың рухани құндылығын көрсететін ұғымы халық жанына әсер етті. Абылай дәуірінде серігі болған батырлар Бұқарды ұлы адам және идеялық шабыткер ретінде құрметтеді. Көрмеге оның шығармалары жазылған басылымдар, энциклопедиялар, сондай-ақ Бұқар жыраудың кітапхана қорындағы ұлы тұлғаның өмірі мен шығармашылығын кең көлемде дәріптейтін кітаптар мен мерзімді басылымдар ұсынылды.
Тағы да бір мерейтой күні – Қарағанды қаласының құрметті азаматы, Қазақ КСР-нің еңбек сіңірген өнер қайраткері, Қазақстан Республикасы Суретшілер одағының мүшесі, ҚР Өнер академиясының академигі Анатолий Билыктың 95 жылдығы. Анатолий Петрович монументалды өнерге көп уақыт пен көңіл бөлді.
Ол Қазақстанның көптеген қалаларында жиырмадан астам ескерткіштер жасады. Суретші Қарағанды үшін ең маңызды туындыларын жасады. «Художники Караганды» фотоальбомы, «Жизнь в искусстве» мүсіншінің шығармашылық-өмірбаяндық альбомы, «Мир глазами художника» өнертанушы Н.Иванинаның альбомы сияқты кітаптардан сіз оның өмірі мен шығармалары туралы біле аласыз.
Қазақстандық актер, Қазақстанның еңбек сіңірген әртісі, драматург Кеңес Нарымбайұлы Жұмабековтің туғанына 75 жыл толады. Кеңес Нарымбайұлы Жұмабеков театр үйірмелерінде өте танымал, ол ұзақ уақыт С.Сейфуллин атындағы Қарағанды облыстық қазақ академиялық драма театрының директоры және әртісі болған. Көрмеге оның Мәдениет және театр өнері саласының адамдары туралы «Елеулі есімдер» сериясындағы кітаптары ұсынылды.
Әрине, аталған даталармен осы жылға арналған әдеби күнтізбенің байлығы сарқылмайды. Көрме жыл соңына дейін жұмыс істейтін болады, сондықтан жаңа басылымдардың түсуіне қарай жаңартылады. Барлық ниет білдірушілерді кітапханаға шақырамыз!

“Шуақ” шығармашылық студиясының сабағы «Рождество» кітабын оқудан басталды. Балалар ертегіні талқылап, түрлі-түсті қағаздан және желімнен аққала жасады.

«Көңілді ағылшын» үйірмесінің кезекті сабағы «Numbers.Сандар» тақырыбында өтті. Балалар есте сақтауға арналған «What is missing?», «Сount and clap» ойындарын ойнап, ағылшын тілінде санап үйренді. Сондай-ақ балалар тақырыпты пысықтау мақсатында жетекшінің айтқандарын қайталап, бейнероликті берілген әнді шырқады.