13 қазанда қарағандылық жас спортшы, үстел теннисінен Азия чемпионатының қола жүлдегері Құрманғалиев Аланның қатысуымен «SARYARQA» телеарнасында «Жетістік формуласы» бағдарламасының кезекті түсірілімі өтті.
Студияға жоғары политехникалық және жоғары гуманитарлық колледждердің студенттері жиналды. Бағдарлама қонағы 15 жасар Алан Қазақстан Республикасының 2021 жылғы чемпионы, Бангкоктағы «Asia Hopes Week» беделді Азия турнирінің жеңімпазы, Салалдағы «2019 ITTF World Hopes Week and Challenge» әлемдік турнирінің күміс жүлдегері, ITTF халықаралық үстел теннисі федерациясының нұсқасы бойынша 2019 жылғы әлемнің үздік кадеті ретінде танымал болды.
Осы жылы Алан Құрманғалиев Қазақстан үстел теннисі тарихында Азия чемпионатының медалін жеңіп алған алғашқы спортшы атанды. Бұл оқиға Лаоста, жасөспірімдер мен курсанттар арасындағы XXVI құрлықтық біріншілікте болып, онда ол үшінші орынға ие болды.
«Осы Азия чемпионатына дейін мен көптеген халықаралық жарыстарды жақсы нәтижелермен өткіздім. Бірақ бұл чемпионат менің өмірімдегі ең маңыздысы болды», – деп бөлісті өз ойын теннисші.
Алан өзінің жеткен жетістіктерін мақтан тұтады. Дегенмен, ол әрбір жеңіс еңбекқорлықтың, қатаң тәртіптің, адалдықтың және жақын адамдарының қолдауының нәтижесі деп біледі.
Алан Құрманғалиев үстел теннисіне 7 жасында келді. Бұл спорт түрі оған алғашқы күннен бастап ұнады. Ол тіпті жаттықтырушыдан оны бірден бастаушы топтан кәсіби спортшылар қатарына ауыстыруын сұрайды, өйткені олар 2-3 сағаттап жаттығатын еді. Жаттықтырушысы Эльмира Алиева Аланның қабілеті мен ұмтылысын бірден байқайды. Аланның айтуынша, ол оған дамуға мүмкіндік береді, оны шабыттандырады, халықаралық деңгейде насихаттайды.
Жас спортшы қиындықтарды қалай жеңетіні, бос уақытында не істейтіні, қай елдерге барғаны және ойын алдындағы толқуды қалай жеңетіні туралы, сондай – ақ Олимпиада ойындарының жүлдегері болу туралы ең маңызды арманы жайлы айтып берді.
Алан өзінің спорттық жетістіктеріне қалай қол жеткізгендігі туралы студияда қатарластарымен өзінің жетістік формуласымен бөлісті: «Бастаған істі соңына дейін жеткізіп және ешқашан берілмеу» керектігі жайлы айтып берді.
Бағдарлама соңында белсене қатысқан студенттер спортшыдан естелік сыйлықтарын алды және жоба ұйымдастырушылары Аланға А. Құнанбайұлының «Қара сөздері» кітабын және жетістік пен танымалдықтың символы – «Жетістік формуласы» кәдесыйын табыс етті.

Әсет Найманбайұлының туғанына 155 жыл толуына байланысты кітапханада «Арғынмын, атым – Әсет арындаған…» әдеби музыкалық қонақжай өткізілді. Шараға Қ. Аманжолов атындағы балалар музыка мектебінің дәстүрлі ән сыныбы ұстазы Ерден Байтоғанов пен №48 ЖББМ оқушылары қатысты. Балалар ақын, әнші-композитор Ә. Найманбайұлының шығармашылығымен танысып, Ерден Жұматайұлының орындауында «Қоңыр қаз», «Қисмет» әндерін тыңдады.
Ұлы даланың ән падишасы Әсет Найманбайұлының есімі халқының жүрек төрінде мәңгі боларына сенімдеміз.

«Балалар, Сіздер үшін жазамыз» жобасы аясында біздің кітапханада оқырмандардың Алматы қаласынан келген балалар жазушысы, прозаик, эссе жазушы Елена Клепиковамен ұмытылмас кездесуі өтті. Ол тоғыз кітаптың авторы және сегіз кітаптың бірлескен авторы, АӘМ (Ашық әдеби мектебі) оқытушысы және әдеби байқаулар мен сыйлықтардың, оның ішінде «Дарабоз» (Қазақстан), «Золотое перо Руси» (Ресей) сыйлықтарының лауреаты. Автордың кітаптары көптеген елдерде жарыққа шыққан, қазақ және ағылшын тілдеріне аударылған.
Кездесу дөңгелек үстел форматында өткізіліп, әр бала авторға кезкелген сұрақты қоя алды. Балалар Елена Клепикованың «Карантинные человечки» ертегісі бойынша сахналық қойылым дайындады, ал «Nurbi» би ансамблінің қатысушылары «Тентек қыздар» әсерлі биімен балаларды қуантты.
Кездесу соңында қолтаңба-сессиясы өтіп, авторға және ұйымдастырушыларға да көптеген алғыс сөздер айтылды. Кітапхана қызметкерлері мұндай кездесулердің қажет екеніне сенімді, автормен «көзбе-көз тілдесу» баланың оқырмандық талғамын қалыптастыруға ықпал етіп, оның кітапқа және жалпы оқуға деген қызығушылығын оятады.

Біздің кітапхананың қызметкерлері 5 қазанда Павлодар облысының әріптестерімен «Оқуды жандандыру: идеялар мен тәжірибелер аумағы» онлайн – кезедсуіне қатысты.
С.Торайғыров атындағы Павлодар облыстық әмбебап ғылыми кітапхана кәсіби іс-шараның бастамашысы әрі ұйымдастырушысы болды.
Екібастұз қаласының ОБК, Железин ОКЖ, М.Жаманбалинов атындағы ОБК, С.Торайғыров атындағы ОӘҒБ балаларға қызмет көрсететін мамандары Сүлеймен Баязитов атындағы балалар оқуы орталығы туралы, жобалық қызмет, балалармен жұмыстың жаңа түрлері туралы әңгімеледі.
Кәсіби тәжірибе алмасу өтті, өз кезегінде, біз байқау, жобалық қызмет және кітап қорын толықтыру жөніндегі өзіміздің кәсіби жетістіктерімізбен бөлістік. Екі облыстың кітапханашылары арасында тиімді, толыққанды диалог болып, оған 66 адам қатысты.
Өздерінің кітапханаларымен танысуды ұйымдастырғаны үшін С.Торайғыров атындағы ОӘҒБ басшысы Шолпан Баянқызы Шахметоваға алғыс білдіреміз, одан әрі де ынтымақтастықта болатынымызға сенімдіміз!

2022 жылғы 29 қыркүйекте С. Сейфуллин атындағы Қарағанды облыстық академиялық қазақ драма театрының кіші залында қазақ балалар жазушысы Молдахмет Қаназовтың туғанына 80 жасқа толуына орай «Сиқырлы бояулар» кітап иллюстрацияларының халықаралық балалар байқау жеңімпаздарын марапаттау рәсімі өткізілді.
Абай атындағы Қарағанды облыстық балалар кітапханасының бастамасымен балалар шығармаларының байқауы Қазақстандағы Балалар жылы және Балалар әдебиеті жылы аясында ұйымдастырылған. Сайысқа Германия, Израиль, Франция, Ресей, Қырғызстан мен Қазақстанның түкпір-түкпірінен 11-14 жас аралығындағы балалардан 122 шығармашылық жұмыс түсті.
Байқау «Qasym баспа үйі» ЖШС демеушілігімен және Қарағанды облысының мәдениет, архивтер және құжаттама басқармасының қолдауымен өтті.
Марапаттау рәсімінің Құрметті қонағы Молдахмет Қаназдың өзі байқау жеңімпаздарын марапаттауы балалар үшін ерекше сәт болды.
Байқау қорытындысы бойынша жеңімпаздар:
Бас жүлде – Әділхан Дана, Қазақстан, Түркістан облысы, Отырар ауданы (букридер).
I орын – Стребкова Екатерина, Қазақстан, Қарағанды қаласы (смарт-сағат).
II орын – Гнездилова Ангелина, Қазақстан, Қарағанды қаласы (акустикалық жүйе).
II орын – Майер Эрика, Қазақстан, Қостанай қаласы (акустикалық жүйе).
III орын – Лукичева Ольга, Қазақстан, Қостанай қаласы (мобильді аккумулятор).
III орын – Шмидт Вероника, Қазақстан, Қарағанды қаласы (мобильді аккумулятор).
Номинациялар бойынша үздік жұмыстар:
«Минимализм шеберлігі» – Зильберман Наталия, Израиль, Ришон Ле Цион қаласы (гарнитура).
«Бірегей техника» – Асылбай Сымбат, Қазақстан, Түркістан облысы, Арыс қаласы (гарнитура).
«Көркемдік шеберлігі» – Жакупова Малика, Қазақстан, Қостанай қаласы (гарнитура).
«Бейненің мәнерлілігі» – Бойко Полина, Қазақстан, Қостанай қаласы (гарнитура).
«Ойламаған интерпретация» – Апак Еврар, Франция, Париж қаласы (гарнитура).
«Балалық пәктік» – Кулмаханбет Кәусар, Қазақстан, Түркістан облысы, Арыс қаласы (гарнитура).
«Ұлттық ерекшелік» – Евсеев Максим, Қазақстан, Қарағанды облысы, Шахтинск қаласы (гарнитура).
Сонымен қатар, біздің байқау облыстың кәсіподақ ұйымының да назарын аударды, олар қарағандылық балалардың қызықты жұмыстарын атап өтіп, бағалы сыйлықтармен марапаттауға тілектерін білдірді. «Мәдениет, спорт, туризм және ақпарат қызметкерлерінің салалық кәсіподағы» ҚБ Қарағанды облыстық филиалының төрағасы А.Өсерова Евгения Яшина, Алуа Оралбай, Сафия Мурзакаева және Камила Имашеваларға өз сыйлықтары мен сертификаттар табыс етілді.
Балалар жазушысы Молдахмет Қаназов (Алматы қаласы) өз атынан Іңкәр Жанғожаның (Батыс Қазақстан облысы, Шыңғырлау ауданы) жұмысын атап өтіп, оған сыйлыққа ұялы телефон жүлдесін тағайындады.

Байқауға қатысқан барлық қатысушыларға сертификаттар табыс етілде, Кітапхана байқау жеңімпаздарын құттықтап, қатысқандары үшін барлығына алғысын білдіреді!!!

Балалар жылы аясында 2022 жылдың 29 қыркүйек күні Абай атындағы Қарағанды облыстық балалар кітапханасында оқырман мен жазушы арасында алтын көпір болып отырған «Балалар, Сіздер үшін жазамыз!» жобасын жүзеге асыру мақсатында Сыр елінен шыққан саңлақтарымыздың бірі, көрнекті балалар жазушысы, қазақ руханияты мен әдебиетінің дамуына өз үлесін қосқан, аудармашы, Қазақстан жазушылар одағының мүшесі белгілі балалар жазушысы Молдахмет Қаназовпен кездесу өтті.
80 жастық мерейтойына орай ұйымдастырылған кездесу кешінің барысында көптеген қонақтарымыз келіп қатысты. Әке жолын қуып, ізін жалғастырушы «Денсаулық» журналының бас редакторының орынбасары Ұлболсын Молдахметқызы және Қаракөз Молдахметқызы, сондай-ақ «Болашақ» академиясының қазақ тілі мен әдебиет кафедрасының меңгерушісі, профессор Сембиев Құрманғазы Зәкірұлы болды.
Іс-шара барысында оқырмандар қаламгерге сұрақтар жолдап жасандылықты жаны сүймейтін, шындықты бәрінен биік қоятын қаламгермен қызықты тартымды диалог құрды.
Жазушының еңбекпен өрілген өмірі өскелең ұрпаққа өнеге, ұлт болашағына бағыт, қаламынан туындаған көркем шығармалары бала қиялын, арманын алыстарға жетелейтін құнды жәдігер болып қала бермек.

Қазақ халқының ұлы ақыны Абай Құнанбайұлының шығармашылығына орай «Абай мұрасы – халық ұлағаты» тақырыбында кітапханалық дәріс өткізілді.
Дәрісті қала мектептерінің жоғарғы сынып оқушылары үшін, Қазақстан Республикасының білім беру ісінің үздігі, Қарағанды қаласы химия-биология бағытындағы Назарбаев Зияткерлік мектебінің қазақ тілі мен әдебиеті пәнінің мұғалімі Есенжолова Айтжамал Оралханқызы оқыды.
Дәріс барысында абайтанудың өзекті мәселелері, ақынның өмірбаяны, Абайдың ойшыл ақын ретінде қалыптасуы, «абайтанудың» философиялық, эстетикалық және қоғамдық көзқарастары, замандастардың ақын және композитордың шығармашылығына деген көзқарасы жайлы сөз болды.

Кітапханада көрнекті жазушы Мұхтар Әуезовтің 125 жылдығына арналған «Дәуірдің дара тұлғасы» атты пікір кеші өткізілді.
Балалар «Құпиялар. Тағдарлар. Есімдер. Мұхтар Әуезов» деректі фильмінен үзінділерді тамашалады. Кітапханашы қазақ әдебиеті классигінің өмірі мен шығармаларының беймәлім фактілері туралы әңгімеледі. №1 гимназияның 10, 11 «А» сынып оқушылары оқыған шығармаларының әсерімен бөлісті.
Алексей Лемко К.С.Станиславский атындағы Қарағанды мемлекеттік Халықтар достығы орденді орыс драма театрындағы Абайдың өмірі туралы «Знай, потомок, дорогу я для тебя стлал» спектаклінің қойылымына актер ретінде қалай қатысқаны туралы әңгімелеп берді. Кешке қатысқандардың әрқайсысы М.Әуезовтің шығармашылығы туралы өз пікірін білдірді.
М.Әуезов шығармашылығының қазіргі қазақ әдебиетіне әсері туралы педагогика ғылымдарының магистрі Г.Жұмаділованың баяндамасы қызықты болды.

23 қыркүйек күні ҚР Мәдениет және спорт министрлігінің қолдауымен Ұлттық академиялық кітапхананың бастамасымен Қарағанды академиялық музыкалық комедия театрының алаңында «KitapTime -2022» республикалық кітап фестивалі өтті.
«KitapTime -2022» кітап фестивалі аясында Абай атындағы балалар кітапханасы «Киіз үй» этноконструкторын жинау тренингін көрсетіп, «Дос болайық кітаппен» балаларға арналған ашық микрофон ұйымдастырылып, бүлдіршін балалар қазақ ақындарынның өлеңдерін мәнерлеп оқыды.

Кітапханада 23 қыркүйекте облыстың 35 балалар кітапханашысы үшін «Балалар кітапханасына арналған перспективтік цифрлық технологиялар» облыстық семинар-практикумы өтті.
Бүгінгі күні кітапханашы көп тапсырмалы, мобильді, заман талабына сай болуы керек. IT саласында құзыретті болуы керек.
Қазіргі балалардың өте ерте есейетіні, жаңа технологияларды тез меңгеретіні, бізге, кітапханашыларға оны меңгеруге көмектесетіні, ал біз сол үшін оларды кітапты сүюге үйрететініміз туралы мәселелер айтылды.
Семинар барысында конструктивті диалог өтті, шақырылған қонақтар – кәсіби мамандар Чиняев Сергей Андреевич (KIBEROne халықаралық бағдарламалау мектебінің тьютері), Полина Андреевна Ким (One SMM агенттігінің сату менеджері) балаларға ақпараттық қызмет көрсету; әлеуметтік желілердегі жоғары сапалы контент, балаларды кітап оқуға баулуда ұсынылатын цифрлық қызметтер; кітапханаларда ақпараттың сақталуы мен қолжетімділігі; құқықтық кеңістіктегі кітапханалардың электронды ресурстары және т.б. жөніндегі ұсыныстарын ортаға салды. Балалар арасына ең танымал және олардың өздігінен жасайтын қосымшалар мен бағдарламалар аталды.
Сіздер семинар жұмысы туралы толығырақ ақпаратпен кітапхана сайтының «Мамандар» бөлімінде таныса аласыздар.