14 маусым қызықты деректер күні аясында кітапханада Сәкен Сейфуллин атындағы гимназияның жазғы лагердің балаларымен тәжірибе өткізілді.
Балалар микроскоп жабдықтарының құрылымымен танысып, су, құм, қант, жапырақ үлгілерін зерттеп бірқатар тәжірибелер жасады. Тәжірибе барысында микроскоптың көзге көрінбейтін заттардың үлкейтілген кесіндерін алу үшін қолданылатына көз жеткізді. Шара соңында микроскоппен көруге болатын тірі әлем мен микроорганизмдер туралы кітаптарға шолу жасалды.

Бүгін кітапханада «Өзі – өзіне режиссер» тақырыптық күні аясында Әл-Фараби атындағы мектеп-гимназияның жанындағы лагерьлердің балалары «TikTok» қосымшасының көмегімен кітаптар туралы жарнамалық роликтер жасады.
Балалар үш топқа бөлініп кітапхананың оқу залы, абонемент және көпшілік залда «Жануарлар туралы кітаптар» тақырыбында бейнероликтер түсірді. Бейнетүсірірім барысында оқушыларға өздерінің режиссерлік идеялары пайда болып, балалар оны нақты түрде жүзеге асырды. Үздік жұмысты қатысушылардың өздері атады, ұйымдастырушылар жеңімпаздарға тәтті сыйлықтар үлестірді.

«Кел, қазақша сөйлейік!» үйірмесінің кезекті сабағы «Сиқырлы түстер еліне саяхат » тақырыбында сабақ өткізілді. Балалар екі топқа бөлініп шарлар арқылы түстерді атап, сөз тіркесін құрап, сөзжұмбақтар шешті. Қатысушыларға тәтті сыйлықтар таратылып, жақсы көңіл-күйде сабақ аяқталды.

«Кел, қазақша сөйлейік!» үйірмесінің кезекті сабағы «Сиқырлы түстер еліне саяхат » тақырыбында сабақ өткізілді. Балалар екі топқа бөлініп шарлар арқылы түстерді атап, сөз тіркесін құрап, сөзжұмбақтар шешті. Қатысушыларға тәтті сыйлықтар таратылып, жақсы көңіл-күйде сабақ аяқталды.

Кітапханада еліміздің Қарулы Күштерінің құрылғанына 30 жыл толуына орай «Отан қорғау – қасиетті борыш» атты кездесу-диалог өтті.
Шараға Қазақстан Республикасы Төтенше жағдайлар министрлігінің 52859 әскери бөлімінің рота командирінің тәрбие және әлеуметтік-құқықтық жұмыстары жөніндегі орынбасары Балжанов М.Ө. қатысты.
Мақсат Өміржанұлы бейбіт еліміздің құрыш қалқаны Қарулы Күштердің тыныс-тіршілігі жайлы әңгімелеп, Отан қорғау ісі әркімнің ең басты міндеті екені туралы түсінік берді.
Кеш соңында «Қазақстан армиясының әскери шендер белгілерін білесің бе?» атты сергіту ойыны ойнатылды.

Бүгін №1, 9, 93 гимназиялардың мектеп жанындағы лагерлерінің балалары үшін «Кітап. Жаз. Жүз қиял» атты жазғы оқу залының салтанатты ашылуы өтті. Балалар топ-топқа бөлініп аралдар бойынша саяхат жасап, әдеби ойындарға қатысып, викториналық сұрақтарға жауап берді.
Сондай-ақ балалар жергілікті балалар жазушысы Наталья Инжевская мен жүздесті. Автор өзінің бірнеше шығармасынан үзінді оқып, кітап оқудың ұлт болашағы үшін маңызы зор екені туралы айтып өтті.

ҚР Мемлекеттік рәміздерінің 30 жылдығын мерекелеу аясында «Рәміздер – елдігімнің реңі, теңдігімнің тірегі» атты ақпараттық сағат өткізілді. Шараға Қазыбек би атындағы ауданның үйден әлеуметтік көмек көрсету бөлімінің қызметкерлері және ерекше білімді қажетсінетін жастар қатысты.
Іс-шара қатысушылардың біздің еліміздің халқының салт-дәстүрлері мен тарихи өткеніне, Қазақстанның мемлекеттік рәміздеріне құрмет көрсету мен ұқыптылықпен қарауын тәрбиелеуге және мемлекеттік рәміздер туралы білімдерін қорытындылауға бағытталды.

Қазақстан Республикасы Мемлекеттік рәміздері күнінің 30 жылдығы қарсаңында бастауыш сынып оқушыларына арналған «Рәміздер тәуелсіздік тұмары» таныстыру сағаты өткізілді. Болашақ ұрпақтың бойына Отанға деген адалдықтың бір белгісі саналатын – Мемлекеттік рәміздерімізді қадір тұту қасиетін дарыту біздің басты міндетіміз. Балалар аталмыш шара барысында шағын викторина сұрақтарына жауап беріп, «Мемлекеттіктің басты белгісі» атты кітап көрмесімен танысты.

«Кел, қазақша сөйлейік!» үйірмесінің кезекті сабағы «Ертегі әлемінде» тақырыбында өтті. Бұл сабақта балалар «Бауырсақ» ертегісімен танысып, ертегі кейіпкерлерін сомдады. Балаларға қазақша-орысша жұмбақтар жасырылып, би түрінде қызықты сергіту сәті өткізілді. Сабақ «Бұл кім?» ойынымен аяқталды.

«Кел, қазақша сөйлейік!» үйірмесінің кезекті сабағы «Ертегі әлемінде» тақырыбында өтті. Бұл сабақта балалар «Бауырсақ» ертегісімен танысып, ертегі кейіпкерлерін сомдады. Балаларға қазақша-орысша жұмбақтар жасырылып, би түрінде қызықты сергіту сәті өткізілді. Сабақ «Бұл кім?» ойынымен аяқталды.