Кітапханада Рухани келісім күні қарсаңында «Рухани келісім – татулық тұғыры» атты ақпараттық сағат өткізілді. Аталмыш іс-шараға Қазақстан Республикасы Президентінің жанындағы Мемлекеттік басқару академиясы Қарағанды облыстық филиалының РМҚК директоры Байбосынтегі Серікжан Берікбайұлы қатысты.
Қонақ тағылымға толы іс-шара барысында Әл-Фараби атындағы мектеп-гимназия оқушыларына Қазақстандағы этносаралық келісім мен татулық маңызын түсіндіріп өтті.

Бүгін кітапхана қызметкерлеріне Қазақстан Халық Банкінің өмірді сақтандыру бойынша «Халық-Life» еншілес компаниясының қызметкері Жанна Қабылбекова «Қаржылық сауаттылық негіздері» тақырыбында дәріс өткізді. Тренинг барысында жаттықтырушы кітапханашыларға ақшамен жұмыс істеуде маңызды дағдыларды дамытуға көмектесетін тәжірибемен бөлісіп және табысымызды дұрыс және сауатты бөлуді үйретті.

11 қазанда кітапханашылар № 3 гимназияда болып, 3 сынып оқушыларына «Өз құқықтарыңды біл!» атты құқықтық сағатты өткізді. Іс-шара барысында кітапханашы балаларға бала құқықтары туралы Конвенцияның не екенін түсіндірді. Балалар ертегі кейіпкерлерінің ғана емес, өздерінің де құқықтарын анықтады. Өз құқықтарымызды пайдалана отырып, басқалардың құқықтарын бұзуға болмайды, құқықтардан басқа әркімнің өз міндеттері бар деген қорытындыға келдік.

Бүгін мектеп жасына дейінгі және бастауыш сынып оқушыларына қызмет көрсету бөлімінің қызметкерлері «Қарлығаш» бөбекжайына барды.
Балалар кітапхана туралы қысқаша мағлұмат алды. Кітапханашылар кішкентай оқырмандардың назарына түрлі-түсті суреттермен безендірілген кітаптарды ұсынды. Балалар кітап парақтарын қызығушылықпен қарап, өздеріне таныс кейіпкерлерді қызықтап көрді.

«Кел, қазақша сөйлейік!» үйірмесінің кезекті сабағында «Гвоздичка» балабақшасының «Аққу» тәрбиеленушілерінің қатысуымен баланы дамытуға арналған танымдық тапсырмалар жинақталған «Фолиант» баспасынан жарық көрген «Қандай киім киемін?» кітапшасынан сабақ өтті.
Үйірме жетекшісі балаларды жыл мезгілдері бойынша киетін киім-кешектің түрлерімен танысты. Сабақ сергіту сәтімен жалғасып, балалар әр түрлі тапсырмалар орындады.

«Шуақ» шығармашылық студиясының сабақтары күзгі тақырыпты жалғастыруда. Балалар Абайдың «Жыл мезгілдері» атты өлеңдерімен танысып, оқыған әсерлерімен бөлісті. Балалар күзгі ағаш апликациясын жасау үшін жапырақтарды пайдаланды.

Назарларыңызға «Әдеби кейіпкер» сериясынан тағы бір көрмені ұсынамыз.
Көрме Петр Павлович Ершовтың әдеби туындысы – «Конек-Горбунок» ертегісінің жарық көргеніне 190 жыл толуына арналған. Бұл ертегі кейіпкері оқырмандардың бір емес, бірнеше буынына таныс.
Ертегі баланы оқуға, өзін және қоршаған әлемді тануға үйретеді. Ертегі оқудың өзі бір ғанибет! Онда әзіл, философия және әрине, түрлі кереметтер бар…

«Ертегілер мен оқиғалар сағаты» жобасы тек кішкентай оқырмандарды ғана емес, сонымен қатар дауыстап оқуды ұнататын ересектерді де қызықтырады. Бұл жолы таңқаларлық дауыспен, ерекше мәнерлілікпен Р. Граф оқырмандарға А. С. Пушкиннің «Граф Нулин» поэмасын оқыды. Балалар таңданыспен тыңдап, дауыстап оқыудан кейін поэма туралы бір-бірімен пікір алмасты.

Биыл Қарағандылық балалар ақыны, драматург Бүркіт Ысқақұлының туғанына 100 жыл. Қаламы қарымды қаламгердің мерейтойы аясында кітапханамызда 2024 жылдың наурыз айынан бастап қазан айына дейін «Шабыт шуағы» облыстық сахналық қойылым байқауы жарияланған болатын. Бүгін өтінім жіберген барлық 10 қатысушы ұжымның сахналық қойлымдарын тамашалау сәті және байқаудың қорытынды әрі марапаттау кеші «С.Сейфуллин атындағы Қарағанды облыстық академиялық қазақ драма театрының» кіші залында өтті.
Қатысушылардың қойлымдарын бағалауда әділ қазылық жасаған Алматы қаласынан арнайы шақыртумен келген Бүркіт Ысқақұлының қызы, қазақ радиосының ардагері Айгүл Бүркітқызы Ысқақова, Академик Е.А.Бөкетов атындағы Қарағанды зерттеу университетінің докторанты, Бүркіт Ысқақов танушы Ә.Б. Жағыпар, Қарағанды мемлекеттік институтының ұстазы, филология ғылымының кандидаты, профессор Б. М. Ибраева, ҚР мәдениет қайраткері, С.Сейфуллин атындағы Қарағанды облыстық академиялық қазақ драма театрының актері, режиссер Б.М. Киекбаев.
Б.Ысқақұлының 100 жылдығына арналған «Шабыт шуағы» облыстық сахналық қойылым байқауында I орынды Нұра ауданы, Изенді ауылының оқушылары иеленді. ІІ орынды иеленген Ж.Ақбаев атындағы жалпы білім беретін мектебінің оқушылары, ІІІ орынды Осакаров ауданы, Молодежный кентінің және №36 ЖББ мектебінің оқушылары иеленді. Сондай-ақ, «үздік актер», «үздік актриса», «үздік образ», «үздік қойылым», «үздік декорация» номинацияларымен №53 мектеп-лицейінің, М.Мамыраев атындағы №68 мектеп-интернатының, Приозерск қаласы №2 ЖББМ, Ғ.Мұстафин атындағы ЖББМ, Ақтоғай ауданы К.Байсейітова атындағы ЖББ мектебінің оқушылары марапатталды.

Кітапханада әртүрлі мамандықтардың өкілдерімен кездесу циклі аясында «Барлық мамандықтар қажет, барлық мамандықтар маңызды» зообақ бағының қызметкері А.И. Алинмен кездесу өтті. Шараға «Ерекше білім беру қажеттілігі балаларды қолдау орталығының» балалары қатысты. Балалар хайуанаттар бағындағы жануарлармен сырттай танысып, олар туралы көптеген қызықты мәліметтер алды. Сондай-ақ, қонақ өз мамандығының қыр-сырымен бөлісіп, қызығы мен қиындығы қатар жүретін мамандық туралы оқушыларға мол мағлұмат берді.