“Free Style”Арт – шеберханасы – Карагандинская областная детская библиотека имени Абая

2017 жылдан бастап арт-шеберхана «Free Style» өз жұмысын бастады.

Алғашқы сабақтарын балалар өздері жүргізді. Арт-шеберхананы жетекшілік етуді 5 сынып оқушысы Сайлау Шұғыла өз қолына алған болатын.

2018 жылдың қараша айынан бастап оқушылар үшін арт-шеберханада қазақтың ұлттық өнері кесте тігуді үйретуге арналған үйірме ашылды.

Кесте – қазақ халқының қолөнерінің ерекше түрінің бірі. Кесте – сан ғасырлар бойына халқымыздың талантты ісмерлерінің көркем қиялдарын шеберлік құдіретімен бейнелеген ақыл-парасаттарының жауһары. Мата, тері, киіз, т.б. материалдар бетіне әр түрлі боялған жіптермен, жібек зерлермен сурет, өрнек салып тігу арқылы жасалады.

Қазіргі таңда арт-шеберхананы Ыбырайм Жайна жетекшілік етеді. Үйірмеге қатысушыларды кесте өнерінің тарихымен, кесте тігудің түрлерімен және технологиясымен таныстырады.

Біздің кітапхана үйірмеге қатысу үшін керек құрал-жабдықтарды (ине, жіп, маталармен) тегін қамтамасыз етеді.

2024 жылдан бастап «Free Style» арт-шеберханасының сабақтарын арнайы шақыртумен қолөнермен әуестенетін немесе сол мамандықты игерген мамандар келіп жүргізетін болады. Шеберлер бұйымды қалай жасалатынын тәжірибе жүзінде үйретіп қана қоймай, шеберлік дәрістерімен де бөліседі.