№87 НОМ –тің жаңында құрылған «Толағай» атты жаздық лагерьде демалатын оқушылардың қатысуымен «Латын әліпбиі – жаңа көшке бастар керуен басы» атты ойын-сабағы өткізілді.

Шара барысында балаларға мемлекеттік тілдің латын графикасына көшу маңыздылығын түсіндіріп, жазу үлгілерімен таныстырылды. Сонымен қатар «Бізбен оңай әрі тез» атты бейнеролик көрсетіліп, «Мен үйренемін» атты үш айналымнан туратын ойын ойнатылды.

Іс-шара соңында балалар тақтаға әр елдің астаналарының аттарын латын әліпбиін қолдана отырып жазып үйренді.