Максим Зверевтің «Белый марал» повесіне 90 жыл Максим Дмитриевич Зверев (1896-1996) – Қазақстанның халық жазушысы, Қазақстанның Мемлекеттік сыйлығының лауреаты (екі мәрте), төрт орденнің кавалері, жазушы-табиғат зерттеушісі, ТМД елдерінде, сонымен қатар Франция, Англия, Испания, Польша және әлемнің басқа елдерінде жарыққа шыққан табиғат, жануарлар туралы кітаптардың авторы. «Белый марал» повесі - бұл ерекше күмістей сұр түсті Бугу марал туралы әңгіме. Кішкентай марал қақпанға түсіп қалған анасынан ерте айырылады, ал аңшыға оны атып, кішкентай төлін алып кетуге тура келеді. Одан кейін жас маралды құнды мүйіздері-пантылары үшін жануарлар ұсталатын аң шаруашылықтарына жібереді. Бірақ Бугу еркіндіксүйгіш болғандықтан, марал шаруашылығынан қашып кетеді Ақ маралдың еріксіздікте болған жылдары оған абай болуды үйретті. Бугу дене бітімі қуатты, әдемі және күшті бастаушыға айналды, ол Алтайдағы ұрғашылар мен төлдердің ең жақсы және ең ірі табынын басқарды. Көптеген аңшылар осы әдемі аңды ұстап алуға тырысты, бірақ олардың барлық әрекеттері сәтсіз болды. Кітапты оқып, осылардың қалай болғаны, мықты жануардың қасқырлармен айқасы туралы, таулардың әдемілігі туралы біле аласыз.
