Қазақстанда 18 қазан күні Рухани келісім күні аталып өтіледі. Кітапхана өткізген «Мен кіммін. Мен және Біз» қайрымдылық сабағына Қарағанды облыстық тірек-қимыл аппараты зақымдалған балаларға арналған мектеп-интернатының тәрбиеленушілері қатысты.

Балалар мерекенің шығу тарихымен танысты, рухани, төзімділік пен мейірімділік туралы көп қызықты мәлімет алды, бір-бірімен қарым-қатынас жасауды үйренді. Кітапханашы оқыған Абай Құнанбайұлының және басқа да қазақ ақындарының мейірімділік, қайырымдылық, адалдық секілді ақ жүректен шыққан өлеңдерін тыңдады.

Балалар «Бір-бірімізге жақсы сөздер айтайық», «Мақал-мәтелдерді тап» ойындарын ойнап, мереке туралы жағымды слайдтармен бейнефильмді тамашалады.