Абай атындағы Қарағанды облыстық балалар кітапханасы көп жылдардан бері  балалардың жазғы демалысын ұйымдастыруға қатысады.Ол жазғы мектеп демалысы ішінде – «Жаз. Балалар. Кітап» бағдарламасын, жазғы оқу залын және балалар әдебиеті мен балалар оқуын насихаттауға бағытталған әртүрлі бұқаралық іс-шаралардың ұйымдастырушысы және қатысушысы.

13 маусымда бағдарламаның ресми ашылу салтанаты өткізіледі, жазғы оқу залы балалар, ата-аналар мен қаламыздың қонақтары үшін жұмыс істейді.

Әр сәрсенбіде сағат 11.00-ден 14.00-ге дейін ашық ауада кітаптар мен журналдарды оқу, қаланың жас тұрғындарын балалар әдебиетінің жаңалықтарымен таныстыру, түрлі мазмұндағы байқаулар мен викториналарға  қатысу шаралары өткізіледі.

Бірақ кітапхана жас пайдаланушылар үшін сәрсенбіде ғана емес, сенбіден басқа,  апта бойы жұмыс істейді.

5 маусымда  №48 ЖББМ, №64 НОМ жанындағы лагерлерь мен «Смайлик» жазғы лагерьдің балалары «Ертегілер бойынша саяхат»  интерактивті ойынға қатысты, онда олар  «Морозко» ертегісінің кейіпкері Иванмен бірге Настеньканы іздеп, Мыстан кемпірдің лашығынан бастап «Ұшқыш кеме» ертегісіндегі Водяной тұратын көлге дейінгі жолды жүріп өтті.

Жол бойында Леший балаларға әлем халықтарының ертегілері суреттерінен  «Кім артық?»  екенін табуды ұсынды.

Ойыншылар Кикимораның батпағында музыкалық үзінділер  бойынша қай ертегі кейіпкерінің дауысы екенін анықтады.

«Кащей үңгірінде» алтын толы сандықта заттарды іздеді, Кащейдің өлімі жасырылған жұмыртқаны тауып алғанда ғана, Гердамен және Солтүстік бұғысымен ребустарды шешіп, саяхат ойынын жалғастырды.

Балалар ойынның барлық стансаларын өтіп қана, Иванның Настенькамен кездесуіне көмектесті.

Балалар өткізілген іс-шара соңында мектепке дейінгі жастағы және бастауыш мектеп жасындағы балаларға қызмет көрсету бөлімінің қорындағы кітаптарды қызыға оқыды және журналдарды қарады.