Шыңғысхан, Ә. Заман. Кентаврдың басынан кешкендері: фантастикалық хикаят / Ә. Шыңғысхан ; ауд. Ә. Смайылов. – Астана : Фолиант, 2024. – 112 б. : түс. сур.

Авторы Әмір Шыңғысханның бұл фантастикалық хикаяты Жер алты құрлыққа бөлінбеген, Еуразия мен Солтүстік Америка бірігіп Лавразия деп аталатын, жерде кентаврлар, арахноидтар (өрмекші-адамдар), скорпионоидтар (шаян-адамдар), анттар (құмырсқа-адамдар) мекендейтін кезеңді бейнелейді.
Оқиға Кентаврия мен Арахнияның арасындағы соғыспен басталып, кішкентайынан өзіне сенімсіз болып, достары мен жақындарынан бөлектеніп өскен, бүкіл болмысымен дұшпандыққа қарсы
Заман есімді кентаврдың елдер арасындағы араздықты тоқтатуымен жалғасады.

Салыхова, Бақытгүл. Атың шықпаса, подкаст жаса. Пайдасы бар подкаст шеберханасы [Мәтін] / Б. Салыхова, Ә. Әмірхан. – Алматы : Alqa Publishing, 2023. – 176 б.

Ғылым мен технологияның дамуы ақпарат тарату мен тұтыну саласында көп өзгеріс жасап жатыр. Соның бірі – дүние жүзінде подкаст саласының дамып, танымал болуы. Осы шағын зерттеуімізде Қазақстандағы подкаст тыңдау мәдениетінің қалыптасуы, түрлі тақырыптағы подкастар мен подкастерлердің көбеюі, подкаст форматтар, тыңдаушылар қызығатын тақырыптар, жалпы бұл саланың болашағы қандай деген сияқты сұрақтар қамтылған. Сонымен бірге подкасты енді бастағысы келетіндердің жиі қойылатын сұрақтарына жауап беріп, әр қадамын жоспарлауға арналған планер ұсынылған. Бұл кітап аудиоөнім дайындауға қызығатын көпшілік қауымға арналады.

Рымжанов, Таупық. Зәйтүнқарлығаштың ерлігі: ертегі – хикаят / Т. Рымжанов. – Астана : Фолиант, 2024. – 456 б. – (Қазақ балалар әдебиеті).

Қазақ балалар әдебиетіндегі алғашқы фантастикалық шығармалардың авторы Таупық Рымжановтың «Зәйтүнқарлығаштың ерлігі» атты ертегі-хикаяты екі тараудан тұрады. Басты кейіпкерлері — Әукебай батырдың қызы Зәйтүнқарлығаш пен Таңасар патшаның ұлы Ерден.
Оқырман бұл кітапта жерасты ғұламасы Ағдем атты фантастикалық кейіпкермен, қолынан келмейтіні жоқ, патшалардың патшасы атанған Табиғат атты кемеңгер кейіпкермен танысады. Кітапта Зәйтүнқарлығаштың диюлар патшасы Сұртырнақпен, Ерденнің бойы бір қарыс, сақалы екі қарыс сиқыршы Сағды шалмен күресі жолындағы оқиғалары баяндалады.

Құлыяс, Табыл. Жиембет батыр: роман-эссе / Т. Құлыяс. – Астана : Фолиант, 2024. – 408 б. – (Алтын тамыр).

Бұл кітапқа қазақтың аса талантты жырауы, әділ биі, жаужүрек батыры Жиембет Бортоғашұлының өмірі мен шығармашылығы арқау болған. Жырау өміріндегі елеулі сәттер деректі құжаттар негізінде көркем де айшықты тілмен тартысты өрнектелген. Есім хан арасындағы шиеленіс, жаугершілік кезең, айдаудағы азапты күндерді бастан кешкен Жиембет батырдың өнегелі өмірін үлгі тұтуды мақсат еткен кітап жалпы оқырман қауымға арналған.

Дулатова, Г. М. Алаштың сөнбес жұлдыздары : естелік-эссе / Г. М. Дулатова. – Алматы : Мектеп, 2023. – 264 б. : сур.

Кітап авторы Г. Дулатова – қазақтың арыс ұлдарының бірі – Міржақып Дулатовтың жалғыз қызы. Туынды Алаш арыстарының көсемі – Әлихан Бөкейхановтан бастап, Ахмет Байтұрсынов, Жүсіпбек Аймауытов, Мағжан Жұмабаев және т.б. қазақтың зиялы қауымының өнегелі өмірлері мен істеген қызметтері, кейінгі қилы-қилы тағдырлары жүйелі түрде жатық тілмен баяндалған.

Мұрағат