Биыл Кеңес Одағының батыры Нұркен Әбдіровтің туғанынан 105 жыл толып отыр. Қарағанды топырағынан шыққан әскери ұшқыштың құрметіне кітапхана мамандары Н.Әбдіров атындағы жалпы білім беретін мектепке барып, батырға арналған мұражайда «Ұшқыш ерлігі – ұрпаққа үлгі» атты еске алу сағатын өткізді. Оқушылар елі үшін құрбандыққа жанын берген қазақтың аяулы батыр ұлы Нұркен Әбдіровтің ерен ерлігі туралы көптеген мәліметтер алды.
Шара болашақ ұрпақ бойына патриоттық сезімді, Отанды қорғауға, азаттық үшін күрескендерге құрмет көрсету мақсатында өтті.