Бұрын-соңды кітапханада мұндай жағдай болған емес! «Free Style» арт-студиясының, «Книгокиномания» пікірталас клубының және «Қауырсын қалам» жас ақындар клубының белсенді қатысушылары жыл қорытындысын шығару және өткен кездесулерден есте қалған естеліктермен бөлісу үшін бас қосты.
Оқу залының жайлы атмосферасында шай үстінде келе жатқан Жаңа жылмен құттықтаулар айтылып, қатысушылар жоспарларын талқылап, жарқын сәттерді, қызықты адамдармен кездесулерді, театрға саяхатты және тағы басқаларын еске түсіріп әңгімелесті.
Жыл жемісті өтті: біреулер жаңа достар тапты, біреулер жаңа нәрсе ашты, ал кейбіреулері позитив пен жағымды эмоциялар үшін кітапханаға келді. «Free Style» арт-студиясының тәлімгерлеріне алғыс хаттар, ал белсенді клуб қатысушыларына кітаптар сыйға тартылды. Айтпақшы, бірде-бір қатысушы сыйлықсыз үйіне қайтқан жоқ. Барлығына «Жаңа жылдық қалашық» сиқырлы инсталляциясы қатты ұнады. Кездесу соңында балалар М.Локшиннің «Күміс конькилер» атты рождестволық фильмін тамашалады.