Құнанбаев, Абай. Қара сөз. Поэмалар = Книга слов. Поэмы / А. Құнанбаев. – Алматы : Ел, 1993. – 272 б.

         Кітап оқырманға қазақтың ұлы ақыны және ойшылы Абайдың философиялық толғауларын ұсынады.  Атақты  «Қара сөздер кітабында» ақын жердегі және мәңгілікке ой жүгіртеді. Өз халқын ақыл мен жақсылыққа, махаббат пен әділеттілікке шақырады. Кітапқа екі тарихи поэма енген.

Құнанбайұлы,  Абай. Қара сөздері / А. Құнанбайұлы. – Алматы : Өнер, 2005. – 120 б.

    Қазақтың классикалық поэзиясының асқар шыңы болып саналатын – Абайдың мұрасы мол. Соның ішінде моральдық-философиялық, қоғамдық-саяси және кейіптік-сатиралық ой толғаулары болып табылатын «Қара сөздері» маңызды орын алады.

     Бұл басылымға Ұлы Абайдың көркемдік, әлеуметтік дінге көзқарастары терең білінген еңбегі – қара сөздері жинақталған.

Құнанбаев, Абай. Өлеңдер / А. Құнанбаев. – Алматы : Мектеп, 1987. – 160 б. – (Мектеп кітапханасы).

          Бұл кітапта қазақтың ұлы ақыны және ойшылы Абай Құнанбаев өзінің кіршіксіз ақ жүрегін тебіренткен сансыз ойларын тамаша шығармалары мен жалынды жырларын, аудармалар мен поэмалары жинақталған.

          Ұлы ақынның осы мұрасы туған халқы үшін сан рет басылса да сарқылмайды.

Құнанбаев, Абай. Дүниеде, сірә, сендей маған жар жоқ [Мәтін] / А. Құнанбаев. – Алматы : Жалын, 1990. – 128 б.

Абайдың махаббат лирикалары осы жинақтың бірінші бөлімінде тұңғыш рет жеке топтастырылды. Сонымен бірге Пушкиннен, Лермонтовтан аударған ғашықтық жырлары топтастырылған.
Екінші бөлімде ұлы ақынның жастарға тікелей арнаған үлгі-өнеге өлеңдері енгізілген.

Жасымда ғылым бар деп ескермедім [Мәтін] : Абай шығармаларын оқыту мәселелері / құраст.: Н. Керімбаев, Ғ. Жандыбаев. – Алматы : Рауан, 1995. – 144 б.

Көрнекті әдебиетші-ғалымдар мен әдіскер-ұстаздардың мақалаларынан құралған бұл жинақта абайтанудың теориялық және әдістемелік мәселелері сөз болады.