Абайды оқы, таңырқа… [Мәтін] / құраст. М. Мырзахметов. – Алматы : Ана тілі, 1993. – 160 б.

Кітапта негізінен абайтануға елеулі үлес қосқан, бірақ шығармалары ақтандаққа айналған Ә.Бөкейхановтың, А.Байтұрсыновтың, М.Дулатовтың, Ғ.Сағидың және басқаларының Абай мұрасы жайында Қазан төңкерісіне дейінгі жазылған туындыларынан құрастырылды. Жинақ абайтану тарихының үзіліс тапқан тұсынан толық мағұлмат береді.
Еңбек ұлы ақын мұрасының зерттелу тарихымен қызығушы студент жастар мен қалың оқырман қауымға арналады.

Ахметов, Зәки. Абайдың ақындық әлемі [Мәтін] / З. Ахметов. – Алматы : Ана тілі, 1995. – 272 б.

Бұл еңбек Абайдың ақындық тұлғасын, адамгершілік мұраттарын бүгінгі заман ұғым-түсініктері деңгейінде жан-жақты, толық сипаттап, оның шығармашылық мұрасының танымдық, эстетикалық, көркемдік, тағылымдық мәнін жүйелі түрде ашып көрсетуді мақсат етеді.
Кітап Абай мұрасын тереңірек танып-білуге құштар орта және жоғары оқу орындарының студенттеріне, әдебиетшілерге, сонымен қатар сөз өнерің, поэзияны қадірлейтін қалың оқырман қауымға арналған.