Бүгін кітапханада қазақтың дүлдүл ақыны, публицист Ілияс Жансүгіровтің туғанына 130 жылдық мерейтойына орай «Ақынға тағзым» атты кітапханалық дәріс өткізілді.
Дәріске Қарағанды жоғары гуманитарлық колледжінің, қазақ тілі мен әдебиеті оқытушысы Арайлым Жәркенқызы Сиязбаева жүргізді. Шараға Әл-Фараби атындағы мектеп-гимназиясының 9 «Б» сынып оқушылары.
Шара барысында І.Жансүгіровтің еңбектері, атқарған қызметтері жайлы мағлұмат алып, ақынның өмірі мен шығармашылығы жайында бейнеролик тамашалады.
Кеш соңында «Қазақ поэзиясының құлагері» атты кітап көрмесіне шолу жасалды.

Абай атындағы облыстық балалар кітапханасында композитор, Мемлекеттік сыйлықтың лауреаты, КСРО халық әртісі Сыдық Мұхамеджановтың туғанына 100 жыл толуына орай «Ғасырлар үні» атты музыкалық кеш өтті.
Оған Тәттімбет атындағы Қарағанды өнер колледжінің педагогтары, Мамандандырылған музыка мектер-интернатының оқушылары мен ұстаздары қатысып, белгілі жерлесіміз жайлы ой-пікірлерін ортаға салды. Қонақтарға және С.Сейфуллин атындағы мектеп-гимназия мен Ә.Ермеков атындағы мектеп-лицейінің оқушыларына Қ. Байжанов атындағы Қарағанды концерттік бірлестіктің «Мерей» ансамблі мерекелік көңіл-күй сыйлап, өнер көрсетті.
Шара соңында «Сазгер мұрасы» атты кітап көрмесіне шолу жасалды.

«Kitap Time – 2024» III республикалық кітап фестивалі аясында «Ертегілер мен оқиғалар сағаты» атты дауыстап оқу өтті. Балаларға Әсел Имайоның «Сиқырлы скрипканың ертегілері» атты бірегей кітабы таңдалды. «AРТ-МИРАЙ» қазақтың музыка мұрасын сақтау қорының негізін салушы Әсел Имайоның қиялынан туған «Сиқырлы скрипканың ертегілері» деп аталатын кітап балаларды да, ересектерді де бейжай қалдырмайды. Оқиғалары қызық, безендірілуінің өзі өзгеше.
Бұл — жай ғана ертегілер жинағы емес, сиқырлы кітап. Кішкентай оқырмандарымыз қазақтың музыкалық шығармаларынан шабыт алып жазған автордың ертегілерін оқып қана қоймай, QR-кодтың көмегімен музыкалық шығармаларды тыңдай да алады. Ол үшін ұялы телефонның камерасын QR кодына бағыттап, сілтеме бойынша өту керек. Автордың кітабындағы ертегілер қазақ, орыс, және ағылшын тілдерінде басылған.
Дауыстап оқуды №21 НОМ кітапханашысы А.Ж. Искакова жүргізді. Шара қызықты болып жас оқырмандардың көңілінен шықты.

«Kitap Time – 2024» III республикалық кітап фестивалі аясында «Ертегілер мен оқиғалар сағаты» атты дауыстап оқу өтті. Балаларға Әсел Имайоның «Сиқырлы скрипканың ертегілері» атты бірегей кітабы таңдалды. «AРТ-МИРАЙ» қазақтың музыка мұрасын сақтау қорының негізін салушы Әсел Имайоның қиялынан туған «Сиқырлы скрипканың ертегілері» деп аталатын кітап балаларды да, ересектерді де бейжай қалдырмайды. Оқиғалары қызық, безендірілуінің өзі өзгеше.
Бұл — жай ғана ертегілер жинағы емес, сиқырлы кітап. Кішкентай оқырмандарымыз қазақтың музыкалық шығармаларынан шабыт алып жазған автордың ертегілерін оқып қана қоймай, QR-кодтың көмегімен музыкалық шығармаларды тыңдай да алады. Ол үшін ұялы телефонның камерасын QR кодына бағыттап, сілтеме бойынша өту керек. Автордың кітабындағы ертегілер қазақ, орыс, және ағылшын тілдерінде басылған.
Дауыстап оқуды №21 НОМ кітапханашысы А.Ж. Искакова жүргізді. Шара қызықты болып жас оқырмандардың көңілінен шықты.

Бүгін кітапханада «Шығармашылық – парасат биігі» атты жазушылардың Еуразиялық шығармашылық гильдиясы өтті. Шараға Израиль, Ұлыбритания, Беларусь, Ресей және Қазақстанның жазушылар гильдиясының мүшелері қатысты.
Қонақтар жас ақындарға немесе тәжірибелі авторларға шығармаларын шетелде шығаруға мүмкіндік беретін өз жобалары мен халықаралық бағдарламалары туралы әңгімеледі.

Қазақстан халқы тілдері күні мерекесіне орай кітапханада ЖШС «Azmar Premium» атындағы 1,4 сынып аралығындағы оқушылардың қатысыумен «Тіл – ең асыл құндылық» атты сұрақ-жауап ойыны өткізілді.
Кітапханашылар оқушыларға тілдердің пайда болу тарихы туралы әңгімелеп, қызықты тарихи деректерді келтірді. Балалар тілдер күніне арнайылап жаттап келген өлең, әндерімен бөлісті. Ойын көптеген қызықты мәліметтер алу арқылы жақсы деңгейде өтті.

Кітапханаға есту қабілеті бұзылған балаларға арналған № 3 арнайы мектеп-интернатының тәрбиеленушілері экскурсия келді. Кітапханашы жаңа кітаптар мен мерзімді басылымдарға шолу өткізді. Балалар әдеби шығармалармен байланысты өз құрдастарының суреттері мен қолөнерлерін тамашалап көрді.

Қазақ әдебиетің әлемге танытқан қарымды қаламгер, аудармашы, қоғам қайраткері Герольд Бельгердің 90 жылдығына орай кітапханада «Ұлт жанашары – Герольд Бельгер» тұлғалық кітап көрмесі ұйымдастырылды.
Қаламгердің қаламынан «Ауыл шетіндегі үй», «Даладағы шағалалар», «Алты асу», «Тас өткел», «Бауырластықтың жанды бейнесі», «Созвучие», «Уақытпен бетпе-бет», «Мотивы трех струн», «Гете и Абай», «Родство», «Земные избранники» атты зерттеу еңбектері жарық көрген.
Шығармаларының бірі 2003 жылы жарық көрген «Кезбенің үйі» («Дом скитальца») романы оқырмандардың ерекше ықыласын аудырып, қызығушылығын тудырған туынды болды. Роман желісі Қазақстандағы этникалық неміс ұлтының тағдырына арналған. Шығармада жазушының көзімен көріп, өз басынан кешкен оқиғалары баяндалады. Сондай-ақ сонау дүрбелең, зұламат жылдардың қиыншылықтарын басынан кешкен қазақ пен неміс ұлттарының тағдыры суреттеледі.
Құрметті оқырмандар! Сіздерді кітап көрмесімен танысуға, кітап оқуға шақырамыз!

Кітапханада №1 гимназияның 2 «А» сынып оқушыларының қатысуымен «Дәрумендер – денсаулық кепілі» атты денсаулық сабағы өткізілді.
Балаларға жоғары санатты санитарлық дәрігер Әділбаева Рымкүл Майсатқызы салауатты өмір салты туралы, күн тәртібін сақтау, дене шынықтырумен айналысу, пайдалы дәрумендерді қолдану қажеттілігі туралы айтып берді.
Балалар жұмбақтардың шешімін тауып, викториналық сұрақтарға жауап берді. Содан кейін барлығы бірге дене шынықтыру жаттығуларын жасады. Балалар «күнделікті әдеттерін» сахналап орындады, «Денсаулық ағашын» өсірді, «ертегіні толықтыр», «сұрақ–жауап», «мақал-мәтелді жалғастыр» сайысына қатысып, барлығы бірге бой сергіту жаттығуларын жасады.
Балаларға салауатты өмір салтын ұстануда кеңес беретін және көмектесетін кітаптар туралы да ақпарат берілді.

«Шеге мен Балға» клубының биылғы маусымдағы алғашқы сабағы өтті. Үйірме жетекшісі Владимир Борисович Моторин балалардың құрылыс еңбек құралдары, олардың мақсаты мен қолданылуы туралы түсініктерін кеңейтті.