№ 13 қосымша білім беру орталығы – мектебінің оқушылары күзгі демалысты тиімді өткізу мақсатында кітапханаға экскурсияға келді.
Балалар ARA қазақстандық анимациялық студиясының «Шырақ» мультфильмін тамашалады. Фильмнің режиссері Мейіржан Сандыбай, ал продюсері Бақытжан Шабдукарим.
Мультфильм желісі адамдардан қорқатын кішкентай шам туралы таңғажайып оқиға. Бір күні шам тұрып жатқан үйге мысық пайда болады, шамның ең қымбат досы, кішкентай ойыншық мүсінді мысық алып кетеді. Енді басты кейіпкерге қатерлі қадамға бару керек, яғни досын қайтару үшін адамдар әлемін түсініп батыл қадам жасау.
Мультфильмді көргеннен кейін балалар өз әсерлерімен бөлісіп, ойларын ортаға салды.