Кітапханада «Медиаджунгли» мобильдік қосымшасы арқылы квест-фактчекинг формасында «Теріс ақпараттан қалай қорғануға болады?» білім беру медиаойыны өтті. Ойынның модераторы Қарағанды облысының медиа сауаттылық үйінің директоры, геймдизайнер және ойынды әзірлеуші Татьяна Голубцова болды.
Презентация арқылы жалған ақпарат және оны анықтау тәсілдері туралы таныстырылымды көргеннен кейін балаларға 3 топқа бөлініп, квесттен өту ұсынылды. Үш жерде балалар жалған ақпаратты тану туралы тест тапсырып, ең көп ұпай жинауы керек еді. Балалар ойын тапсырмаларын қызығушылықпен орындады, нәтижесінде жеңімпаз команда анықталды.

Жексенбі күні кітапханада «Көңілді ағылшын» үйірмесінің кезекті сабағы «My body parts. Менің дене мүшелерім» тақырыбында өтті. Балалар карочкалармен «Go around the flashcards» ойынын ойнап, ағылшын тілінде «Shake it out body parts » әнін айтып, би биледі.

Кітапханада қиын өмірлік жағдайларды шешуді үйренгісі келетін жасөспірімдерге арналған «СтрессOFF. Эмоциялар зертханасы» атты тренинг өтті. Бұл тренингке «Әсем» балалар үйінің тәрбиеленушілері қатысты. Жайлы кітапхана қабырғасы балаларға көңілге жағымды тыныштық пен сенімділік атмосферасын сыйлады.
Психолог Самал Құдайбергенова балаларды ашық диалогқа шабыттандырды. Ол «Күйзеліс сіз үшін нені білдіреді?» – деген қарапайым сұрақтан бастады. Қолдарын көтеріп жасөспірімдер оқудағы ауырлық, достарымен қарым-қатынас және ересектердің тарапынан артылған үміттер туралы ой-пікірлерімен бөлісті.
Тренинг барысында терең тыныс алу, медитация, психодрама және сурет салу секілді түрлі әдістер қолданылды. Жасөспірімдер өз эмоцияларын дұрыс танып, оларды шығармашылық өнер арқылы білдіруді үйренді. Бірте-бірте балалардың көңіл-күйі орнығып, өз бойларынан жаңа нәрсе ашқандай болды.
Тренинг күйзелістен арылудың жолы ғана емес, сонымен қатар түрлі қиындықтарға толы әлемде пікірлес, одақтас адамдардан қолдау табуға мүмкіндік ашқандай болды. Кездесу соңында балалар жеңілдікті сезініп, кез келген қиындықты еңсеруге болатындығына сенімділік танытты.

Кітаптардың жасалуы жасанды интеллект пен нейрожелілер саласындағы жетістіктердің арқасында қолжетімді әрі алуан түрлі болып отыр. Бұл технологиялар авторларға жазу процесін жеңілдетіп қана қоймай, креативті өзін көрсету үшін жаңа мүмкіндіктер ашады. Бұған «Нейрожелілермен қалай достасып, таңғажайып нәрсе жасау керек» атты шеберлік сыныбында ақпараттық технологиялардың мамандандырылған лицейінің оқушылары көз жеткізді. Болашақ бағдарламашылар үшін аталмыш іс-шараны шығармашылық индустрия саласындағы сарапшы, Platon 5D бағдарламасының авторы Ирина Харитонова жүргізді.
Мәтін генераторы дегеніміз не? Жасанды интеллект қалай жұмыс жасайды? Олар жақын арада адамның ақыл-ойын алмастыра ма? Осы және басқа да тақырыптар бойынша «Қауырсын қалам» әдеби клубы аясында өткен кездесуде әңгімелесті.

16 қаңтар күні Абай кітапханасында ақын, облыстық «Ortalyq Qazaqstan» газетінің аға тілшісі Ерқанат Кеңесбекұлымен шығармашылық кездесу өтті. Бұл іс-шара әуесқой жас ақындардың шығармашылығына шабыт беру, жас буынды поэзия әлеміне баулу мақсатында құрылған «Қауырсын қалам» әдеби клубының аясында өтті.
Шараға тыңдарман ретінде 7-8 сынып мектеп оқушылары қатысты. Ақын қатысушыларға өзінің балалық шағынан әңгімелермен бөлсіп, шығармашылыққа, ақындық өнеріне қалай келгендігі жайлы баяндады.
Оқушылар да белсенділік танытып, кездесу кішігірім сыр-сұхбат ретінде жалғасын тапты. Жас оқырмандардың ақынға шынайы, қызықты сауалдары қойылып, жауаптар алынды. Ерекше жігерлікпен ең қызықты сұрақ қойған оқушыға ақын өз ризашылығын білдіріп, жеке қолтаңбасы жазылған кітабын сыйға тартты. Шығармашылық кездесу соңында ақын Ерқанат Кеңесбекұлы өзекжарды өлеңдері енгізілген туындылар жинағын кітапханаға сыйласа, кітапхана өз кезегіне орай, ақынға ұлы Абай атамыздың туындылар жинағын алғыс ретінде сыйға тартты.

Абай атындағы балалар кітапханасында ғажайып сиқырлы атмосфера орын алды. Сүйікті кітаптарынан алған керемет әсерлерімен бөлісу үшін жас оқырмандар «Кітап аңшысы» атты іс-шарада бас қосты. Әрбір қатусышы өз шолуын ерекше етуге тырысты: кейбіреулер жарқын иллюстрациялар салып, басқалары беттерді тартымды жапсырмаламен және стикерлермен безендіріп, шығармашылық шеберлерін кішкентай көрнекті туындыларға айналдырды.
Жұмыстардың ішінде Владислав Левицкийдің рецензиясы ерекше көзге түсті. Влад – фэнтези жанрының жанкүйері, оның сүйікті авторы – Евгений Гаглоев. Влад қасқырдың түрлі-түсті суретін салып, Пардус сериясы туралы пікір жазды.
Іс-шара соңында оқырмандар жүрегінде жарқын эмоциялар із қалдырса, кітапхана әрбір кітап – жаңа әлемге есік деген сенімді растайтын балалардың қызықты туындыларына ие болды.

Құрметті достар!
Кітапханада «Қарағанды облысының атақты мерейгерлері» атты кітап көрмесі ұйымдастырылды. Бұл көрмеде Қарағанды облысының дамуына елеулі үлес қосқан адамдар туралы кітаптар ұсынылды. Биыл көрме мемлекет және қоғам қайраткері, Қарағанды облысының тумасы Нығмет Нұрмақовтың туғанына 130 жыл; химия және металлургия саласындағы ғалым, жазушы, ақын, академик Евней Бөкетовтың туғанына 100 жыл; белгілі журналист, публицист, Қазақстан Журналистер Одағының мүшесі, жазушы және ақын Валерий Могильницкийдің туғанына 85 жыл; ақын, аудармашы және Мемлекеттік сыйлықтың лауреаты Серік Ақсұңқарұлының туғанына 75 жыл толуына арналады.
Көрме жыл соңына дейін жалғасады және жаңа басылымдар келген сайын жаңартылып тұрады. Жерлестеріміздің шығармашылығымен танысу үшін көрмеге шақырамыз!

6 қаңтарда «Гвоздичка» балабақшасының бүлдіршіндері ағайынды Гриммдердің шығармалары бойынша қызықты әдеби саяхатқа қатысты. Балалар өздерінің сүйікті ертегілерінің кейіпкерлерін тауып, «Ағайынды Гриммдердің ертегілерінің ізімен» викторинасының сұрақтарына қуана жауап берді.
Сондай-ақ оқушылар өздерінің ең сүйікті ертегілері туралы айтып берді.

Жаңа 2025 жыл да келіп жетті. Кітапхана есігін айқара ашып, алдағы жылдың алғашқы оқырмандарын қарсы алды. Балалар кітапханаға бірінші болып келіп, кітапханашылар тарапынан сыйлықтарға, сондай-ақ «Сіз біздің бірінші оқырманымызсыз» акциясының медаліне ие болды.
Таныс болыңыз! Біздің адал достарымыз: Македонец Анастасия, Ивлев Егор, Тимофеева Мелисса, Шәйдікерім Даниял, Шәйдікерім Абай, Зинькив Максим, Левицкий Владислав, Владимирқызы Айсулу, Владимир Жұлдыз, Федорова Анисья.

Қысқы демалыс кезінде №63, №50 мектеп оқушылары Абай атындағы балалар кітапханасына экскурсияға келіп, қызықты кітап көрмелерімен және кітапхана қорымен танысты. Экскурсия барысында кітапханашылар үйірмелер мен клуб қызметі туралы айтып, электронды каталог арқылы кітап іздеу алгоритмін көрсетті. Балалар кітапхананың барлық бөлімдеріне барып, жаңа жылдық инсталляцияны тамашалап риза болды.