Тамыздың 10-шы жұлдызы – қазақтың ұлы ақыны әрі ойшылы Абай Құнанбайұлының туған күні.
Еліміздің рухани әрі мәдени өркендеуі жолында алғашқы болып қадам жасаған тұлғалардың бірегейі – Абай атамызға деген құрметіміз шексіз әрі мәңгілік.
Абай көзі тірісінде 176-ға жуық өлең жазған. Ең танымалы – «Қара сөздері». 45 қара сөзден құралған бұл шығарманы ақын тоғыз жыл бойы жазған. Шығарма ең алғаш 1918 жылы, өзі өмірден өткен соң 14 жылдан кейін «Абай» журналында жарық көрді. Абай шығармалары әлемнің 60 тіліне аударылған. Жас толқын үшін Абайдың өсиеттері мен өнері асыл қазына.

Абай есімі Қарағанды қаласының балалар кітапханасымен тығыз байланысты. Абай күніне орай кітапханада «Абай сарыны» art–time өткізілді.
Абай әндерінің сазды әуендерінің әсемдігімен балалардың қиялынан шыққан суреттер қағаз бетіне акварельмен әдемілеп салынды. Шара барысында ұлы ақынның жыл мезгілдері туралы өлеңдері оқылды. Іс-шараның соңы балалар шығармашылық жұмыстарының көрмесімен аяқталды.

Жазды күні аталып өтетін ерекше, қызықты мерекелердің бірі Күн қояндары мерекесі. Осы мерекеге орай «Жаз. Балалар. Кітап» жобасы аясында біздің кішкентай оқырмандарымыз жұмбақтар шешті, «Қоянды ұста» ойынын ойнады, Валерий Медведевтің «Приключения солнечных зайчиков» атты кітабын оқыды, сонымен қатар дискілерден қоянның апликациясын жасады.
Балалар мерекеден көптеген жағымды эмоциялар мен әсер алды.

Жаз – демалыс пен саяхат уақыты ғана емес, кітап оқу уақыты.
31 шілдеде «Жаз. Балалар. Кітап» жобасы аясында кітапханашылар жас оқырмандарды жазғы әдеби аулаға жинады.
«Жаздың күні оқуға ерінбейміз» деген ұранмен балалар кітап оқып, қызықты ойындар ойнады және танымдық журналдармен танысты, жұмбақтарды шешті, сонымен қатар «Әдеби ассортимент» викторинасында сұрақтарға жауап берді.

24 шілдеде «Жаз. Балалар. Кітап» жобасы аясында балаларға «Ертегілер еліне саяхат» викторинасы ұйымдастырылып өткізілді.
Балалар ертегі кейіпкерлері туралы сұрақтарға белсене жауап берді, ертегілердің атауын және кейіпкерлердің есімдерін тауып, ертегілерден үзінділерді дауыстап оқыды.

10 шілде күні кітапханада «Жоғалып бара жатқан табиғат сұлулықтары» атты экологиялық саяхат өтті. Балалар Қызыл кітаптың желісі бойынша қызықты саяхат жасады: «Қызыл кітап» неліктен бұлай аталады?, оны құру қажеттілігі неге туындады?, кітап беттері неге сан алуан өсімдіктер мен көп кездесе бермейтін жануарларға толы? деген сияқты өздерінің сан түрлі сұрақтарына танымды жауап алды. Балалар қандай жануарлардың, өсімдіктер мен құстардың жойылып кету қаупі бар екенін білді. Сондай-ақ, біздің облыстың қорықтарымен танысып, ормандағы қауіпсіздік ережелерін естеріне түсірді. «Жануарларды тап» ойынына белсене қатысып, табиғаттың Қызыл кітабы тек өсімдіктер мен жануарлардың ғана емес, адамның да ұзақ өмір сүруіне үлкен мүмкіндік деген қорытындыға келді.

Кітапханада еңсесі биік, ерекше қастерлі Елордамыз – Астана қаласының төл мерекесіне қарсаңында «Жайнай бер, жасай бер, астанам!» атты интерактивті-ойын ұйымдастырылды. Шараға жазғы лагердің оқушылары қатысты.
Шара барысында оқырмандар ең алдымен Астана қаласы туралы бейне-клип тамашалап, қаланың шығу тарихы, көрікті жерлері мен қызықты деректері туралы интерактивті-ойындар ойнап, викториналық жұмбақтар шешті. Барлық ойынға белсене қатысқан балаларға журналдар сыйлыққа берілді.

19 маусым күні «Жаз. Балалар. Кітап» жобасы аясында «Қарағанды иллюстрацияда» фотогалереясы ұйымдастырылды. Іс-шараның мақсаты балалар оқуын насихаттау, ой-өрісін кеңейту болды. Іс-шара барысында балаларға қаланың көрікті жерлері туралы айтылды. Балалар қаладағы танымал жерлердің суреттерін үлкен қызығушылықпен қарады. Іс-шара соңында олар отбасыларымен бірге қай жерде уақыт өткізгенді ұнататындықтарын айтты.

«Жаз. Балалар. Кітап» ұзақ мерзімді жобасы өз жұмысын жалғастыруда, бүгін кітапханамызда «Азбука» балалар даму орталығының балалары Домбыра күніне орай ұйымдастырылған «Домбыра – қазағымның қазынасы» атты кітап көрмесімен танысты. Кітапханашы домбыраның тарихы мен құрылысы туралы әңгімелеп берді. Балаларға біздің түрлі-түсті суреттермен безендірілген танымдық кітаптарымыз ұнады. Іс-шара соңында режиссёр мен сценаристі, жерлесіміз Әмен Әбжанұлы Қайдаровтың «Ақсақ құлан» мультфильмін тамашалады.

Абай атындағы балалар кітапханасы Ұлттық домбыра күніне орай
«Қазақ жаны -домбыра» атты әдеби-музыкалық композициясы өткізді.
Шара аясында «Домбыра қазағының қазынасы» атты кітап көрмесі рәсімделді. Көрмеде аспаптың тарихы, түрлері, домбыраның пайда болуы туралы аңыз, Құрманғазы, Дәулеткерей, Тәттімбет, Дина сынды өнер иелерінің күйлері туралы кітаптар мен альбомдар қойылды.
Қатысушылар қазақ сахарасына ең көп тараған «Ақсақ құлан» күйі жайлы мультфильм көріп тамашалады.
Айтбек Тоқтаровтың жетекшілігімен «Құралай» ансамблі «Тепен көк», «Құралай» музыкалық композициялары, Абайдың «Көземнің қарасы» әні домбырада орындап берді.