«Қазақ жаны -домбыра» әдеби-музыкалық композициясы

Абай атындағы балалар кітапханасы Ұлттық домбыра күніне орай
«Қазақ жаны -домбыра» атты әдеби-музыкалық композициясы өткізді.
Шара аясында «Домбыра қазағының қазынасы» атты кітап көрмесі рәсімделді. Көрмеде аспаптың тарихы, түрлері, домбыраның пайда болуы туралы аңыз, Құрманғазы, Дәулеткерей, Тәттімбет, Дина сынды өнер иелерінің күйлері туралы кітаптар мен альбомдар қойылды.
Қатысушылар қазақ сахарасына ең көп тараған «Ақсақ құлан» күйі жайлы мультфильм көріп тамашалады.
Айтбек Тоқтаровтың жетекшілігімен «Құралай» ансамблі «Тепен көк», «Құралай» музыкалық композициялары, Абайдың «Көземнің қарасы» әні домбырада орындап берді.

Табиғат классика беттерінде

Туған өлке табиғатының қайталанбас сұлулығы жайлы қаламгерлеріміз қашан да қалам тербеген . Қаншама қаламгер бұл сұлуды поэзияда, прозада жырлаған. Кітапханада «Табиғат классика беттерінде» атты әдеби кітаптарға шолу жасалды. Балаларға табиғат туралы жырлаған жазушылардың әдебиеттерімен таныстырып, соңынан «Энергошаның саяхаты» экоойынын ойнады.

Ньютондық емес сұйықтық

Бүгін «Қызықты деректер» күні аясында №50 негізгі орта мектебінің оқушыларымен «Ньютондық емес сұйықтық» тәжірибесі өтті. «Қызықты ғылым» кітапханалық зертханасында балалар сұйықтық қалай жасалатынын үйреніп, ғылыми терминдермен танысты. Сондай-ақ, оқушыларға және «Азбука» орталығының балаларына «Wordwal» бағдарламасында мультфильмдер бойынша құрастырылған «Quiz show» және «Ақылды балалар» викториналық ойыны өтті.

«БАЛАЛАР КІТАПХАНАШЫСЫНЫҢ ЖАЗҒЫ ТӘЖІРИБЕСІ -2024» облыстық көшпелі семинар (Приозерск қ.)

27-28 маусымда Приозерск қалалық кітапханасының базасында Қарағанды облысының мәдениет, архивтер және құжаттама басқармасының қолдауымен «Балалар кітапханашысының жазғы тәжірибесі-2024» атты облыстық көшпелі семинар өтті.
Семинарға Қарағанды және Ұлытау облыстарының облыстық, қалалық және аудандық орталықтандырылған жүйелерінің басшылары мен қызметкерлері қатысты.
Семинар барысында Шахтинск ОКЖ қазақ ұлттық салт-дәстүрі мен музыкалық мәдениетін дәріптеу тақырыбында «Живая книга» мультимедиялық құралының тұсаукесерімен өздерінің қызықты тәжірибелерімен бөлісті. Балқаш қаласы Гайдар атындағы ОБК кітапханашысы «Wordwall» бағдарламасының интерактивті сервисінде жұмыс жасау мүмкіндіктерін көрсетті. «Кітапханадағы инфографика» тақырыбындағы әдістемелік ұсынымдарымен бөлісті.
Шет ауданының балалар кітапханашылары бірегей «Ертегі керуен» көрме-инсталляциясын және «Қожа болып көр» фотоаймағын ұсынып, белгілі қазақстандық авторлар шығармалары мен QR-ы бар қазақ халық ертегілерінің мұқабалары бар «Керуен саңдық» челленджін Балқаш қаласының Гайдар атындағы балалар кітапханасына табыстады.
Приозерск қалалық кітапханасының кітапханашылары Приозерск қаласының тарихына арналған «Туған жер – талбесігім» атты дәстүрлі емес кітап көрмесін ашып шолу жүргізді.
Семинардың екінші күні практикалық ойындар мен «Комплектаторларға көмек» атты кәсіби ойындары және 4 кезеңнен тұратын «Қызық Quiz» зияткерлік додасы өтті.
Семинар соңында барлық қатысушылар ұйымдастырушыларға алғысын білдіріп, осындай кездесулердің маңыздылығын атап өтті.

Пілге арналған тіс пастасы

Бүгін кітапханаға Қ.Сәтбаев атындағы гимназия, №64 ЖББ мектеп оқушылары және «Азбука» балалар орталығы «Пілге арналған тіс пастасы» экспериментін жасап үйренуге келді. Бұл өте оңай тәжірибе, балалар үй жағдайында өздері де жасап көруге болады. Сонымен қатар, балалар әдеби викторинаға және «Умницы и умники» quiz ойындарына қатысып өз білімдерін шындай түсті.

«Қоқыс пайдалы болуы мүмкін» квест-ойыны

Біздің балаларымыз табиғатқа ұқыпты және адамгершілікпен қарау үшін кітапханашылар мектеп жанындағы лагерьлердің балаларына «Қоқыс пайдалы болуы мүмкін» квест-ойынын өткізді. Ойын төрт раундтан тұрды: сұрақ-жауап «Қоқыс қандай?», «Контейнерлер» логикалық ойыны, «Планетаны сақта» бояу парағы және «Экотроп» үстел үсті командалық ойыны. Ойын барысында балалар табиғат пен айналамыздағы әлем туралы өз білімдерін көрсетті.
Экологиялық іс-шараны ұйымдастыруға Қарағанды облыстық экологиялық музейі көмек көрсетіп, карточкалар, бояулар мен маршруттық карталарды ұсынды.

«Чипси мен шибауырсақ» жинағының тұсаукесері

Кітапхана жылдар бойы балаларға облыс жұртшылығына әдебиеттегі жаңа есімдермен танысуға, жаңа әдебиеттерді насихаттауға сондай-ақ қаламгерлерге қолдау көрсетуге ықпал етіп келеді.
Соңғы жылдары балалар тақырыбына қалам тербеп жүрген қаламгер Жақан Жұпар Рысқұлқызының тырнақалды туындысы «Чипси мен шибауырсақ» жинағының тұсаукесерін жасап, автормен кездесу өткізді. Айта кету керек, балаларға арналған тәрбиелік мәні зор жинаққа енген мысал әңгімелерде еңбекқорлық, тазалық, ұқыптылық, қоршаған ортаға жанашырлықпен қарау, жаман әдеттен сақ болу сияқты мәселелер көтерілген.
Іс-шараға жазушының достары мен туыстары, қала қонақтары және кітапхана оқырмандары шақырылды.
Балалар автордың «Шыбындар» әңгімесін талдауға қатысып, сұрақ-тапсырмалар орындады. «Сұраққа жауап бер де, кітап ұтып ал» ойынына қатысқан ең белсенді үш оқушыға «Чипси мен шибауырсақ» кітабы сыйлыққа тапсырылды.

«Ертегілер мен оқиғалар сағаты»

Бүгін жазғы оқу бағдарламасы аясында «Ертегілер мен оқиғалар сағаты» жобасының кезекті дауыстап оқуы өткізілді. Кітапханашы жас оқырмандарды түрік жазушысы Мерве Эргеноглының «Қағаз ұшақ!» ертегісімен таныстырды.

«Қарағанды иллюстрацияда»

19 маусым күні «Жаз. Балалар. Кітап» жобасы аясында «Қарағанды иллюстрацияда» фотогалереясы ұйымдастырылды. Іс-шараның мақсаты балалар оқуын насихаттау, ой-өрісін кеңейту болды. Іс-шара барысында балаларға қаланың көрікті жерлері туралы айтылды. Балалар қаладағы танымал жерлердің суреттерін үлкен қызығушылықпен қарады. Іс-шара соңында олар отбасыларымен бірге қай жерде уақыт өткізгенді ұнататындықтарын айтты.

Платон Нечаевтың кітаптарының тұсаукесері

Бүгін кітапханада қарағандылық Платон Нечаев авторлық кітаптарын таныстырылымы өткізді. Аталмыш шара аясында балалар 10 жасар жазушы Платон Нечаевпен танысу мүмкіндігін алды. Оның шығармалары сиқырлы және шытырман оқиғаларға толы, Қарағанды қаласы мен оның бай тарихына арналған. Жас автор тереңнен от тауып, залым рухтармен күрескен кішкентай әрі батыл шопан Аппақ туралы жазады. Оқушы Қарағанды туралы, адамдарға қала салуға көмектескен сиқырлы ағаштар туралы жазады. Осы таңғажайып оқиғалардың тағы бірінде қар барысы сияқты батыл кейіпкерлер мен протезі бар ақбөкен Олимпиадаға бару арманын орындайды. Кішкентай автор өз жұмысының иллюстрацияларын жасанды интеллект арқылы жасайды. Кітаптардың тұсаукесерінен басқа, балалармен олардың болашақтағы мамандықтарын таңдау туралы қызықты әңгімелер болды. Платонның анасы және Орталық Азияның орнықты даму қорының директоры, «Platon 5D» креативті ойлауды дамыту жөніндегі оқу бағдарламасының авторы И. В. Харитонова креативті ойлауды дамыту және болашақтағы кездесетін әр түрлі қиындықтарға төзіп, оларға дайын болудың қаншалықты маңызды екендігі туралы әңгімеледі. Шара соңынада жас автор балалармен бірге естелік суреттке түсті.