Бүгін 2024 жылдың алғашқы жұмыс күнінде Ә.Ермеков атындағы мектеп-лицейінің оқушылары қысқы демалыстарының бір күнін кітапханаға арнап, «Оқуға құштар мектеп» жобасының аясында кітапханашы мамандығымен танысуға келді.
Оқушылар кітапханашылардың жұмыс барысын өз көздерімен көріп, кітапханадағы әр бөлім қызметкерлерімен жақынырақ танысып, қызметтік лауазымдарынан қысқаша мағлұмат алды. Сонымен қоса кітапхананың қысқаша тарихымен сусындады.
Кітапханашы мерейгер жазушыларға арналған, өлкетануға бағытталған кітап көрмелеріне шолу жасап, кітапханадағы клубтар мен үйірме жұмыстарымен таныстырды.

Жаңа 2024 жыл да келіп жетті. Кітапхана есігін айқара ашып, алдағы жылдың алғашқы оқырмандарын қарсы алды. Балалар кітапханаға бірінші болып келіп, кітапханашылар тарапынан сыйлықтарға, сондай-ақ «Сіз біздің бірінші оқырманымызсыз» акциясының медаліне ие болды.
Таныс болыңыз! Біздің адал достарымыз: Македонец Анастасия, Брусенко Олеся, Ивлеев Егор, Карамендинова Дильназ, Тимофеевы Георгий и Мелисса, Килибаев Адильхан, Оқас Айша, Балтабай Мирас, Марченко Наиля и Амира, Музарап Нурислам.

Балаларға жаңа жылдық керемет көңіл- күй сыйлаудың ең қызықты тәсілдерінің бірі-олармен бірге отырып жаңа жылдық кітаптар оқу.
26 желтоқсанда кітапханада «Ертегілер мен оқиғалар сағаты» циклынан жаңа жылдық дауыстап өтті.
«БЖЗҚ» АҚ Қарағанды облыстық филиалының көшпелі қызмет көрсету бөлімінің жетекші маманы Түсіпбекова Ақмарал және музыкалық – шығармашылық дуэт, әкесі мен қызы Баширов Максим мен Алиса біздің жобаның көркін келтірді.
Олар жаңа жылдық атмосферада балаларға Энглер Михаэльдің «Джозефина тәтеймен өткен Жаңа жыл» және Дедье Тьерридің «Рождество для волка» тамаша туындыларын оқыды.
Бард әндер фестивалінің «Дуэт» номинациясы бойынша бірінші дәрежелі лауреаттары Максим мен Элис Башировтардың музыкалық нөмірлері барлық қатысушыларға ұмытылмас әсер қалдырды.

“Ертегілер мен оқиғалар сағаты” жобасы аясында кезекті дауыстап оқуда балалар мен ата-аналарға Татьяна Риктің «Бал для Вьюжки и Метельки» кітабынан қызықты әңгімелер оқылды.
Балалар шығармаларды үлкен ықыласпен тыңдап, талқылау барысында өз әсерлерімен бөлісті.

Кітапханада 16 желтоқсан Қазақстан Республикасының Тәуелсіздік күніне орай «Отаным – қасиетті туған жер» атты кітап көрмесі ұйымдастырылды.
Көрменің басты мақсаты: Ата – бабамыздың тәуелсіздік жолындағы ерлігін үлгі етіп, Тәуелсіздік алғаннан кейінгі Қазақстанның дербес мемлекет ретінде қалыптасу тарихына арналған кітаптар мен мерзімді басылымдар қойылды.

Еліміздің басты мерекесі – Тәуелсіздік күнін мерекелеу қарсаңында кітапханаға Қазыбек би ауданы бойынша үйде әлеуметтік көмек көрсету бөлімінің балалары, ата-аналары және әлеуметтік қызметкерлері келді.
Балаларға «Тәуелсіз елім – кең байтақ жерім» атты еліміздің әнұранын шырқаумен басталған патриоттық сағат өткізіліп, тақырыптық кітап көрмесіне шолу жасалды, мемлекетіміздің қалыптасу жолы туралы бейнеролик көрсетіліп, Қазақстан Тәуелсіздігінің нығаюының тарихи белестері туралы әңгіме өрбіді. Балалар викториналық сұрақтарға белсене жауап беріп, шығармашылық үзілісте астананың символы – «Бәйтерек» монументін түрлі-түсті қарындаштың көмегімен бейнеледі.

Бүгін «Free Style» арт-студиясының кезекті сабағы Ботагөз Көшкімбаеваның жетекшілігімен балалардың қол саусақтарының ұсақ моторикасын және шығармашылық қабілеттерін дамытатын «Ниткография» – жіппен сурет салудың қызықты техникасын үйренуге арналды.
Үйірме мүшелері әр түрлі бояуларды қолдана отырып өздерінің қиялы мен шеберлік техникасын ұштастыру арқылы әдемі картинкаға қол жеткізді.

Бүгін Абай атындағы Қарағанды облыстық балалар кітапханасында «Қарағанды техникалық экономикалық колледжі» ЖМ 1 курс студенттерінің қатысуымен Тәкен Әлімқұловтың 105 жылдығына арналған ауызша журнал форматында «Оқырманын тәнті еткен – Тәкен» атты танымдық іс-шара өтті.
Академик Е.А.Бөкетов атындағы Қарағанды университетінің қазақ әдебиеті кафедрасының оқытушысы п.ғ.м, докторант А.Қ.Қайырбекова арнайы шақырылып, өз ойымен бөлісті.
Мұндай форматтағы іс-шараның мақсаты: ауызша журналдың тарауларына сүйене отырып оқырмандарға қаламгердің өмірі мен стильдік ерекшелігіне тоқталу арқылы қаламынан туындаған шығармаларын насихаттау.

Желтоқсан айында бүкіл әлемде Халықаралық сыбайлас жемқорлыққа қарсы күрес күні атап өтілетіні баршамызға мәлім. Ал, Қазақстандағы сыбайлас жемқорлыққа қарсы іс-қимыл саясаты сыбайлас жемқорлықтан азат мемлекет құруға бағытталған және сыбайлас жемқорлықты жою арқылы азаматтардың құқықтары мен заңды мүдделерін қорғауды қамтамасыз ету болып табылады.
Атаулы күнге орай Абай атындағы балалар кітапханасында «Сыбайлас жемқорлық – қоғамның өзекті мәселелері» атты тақырыптық көрме рәсімделіп, көрмеге Сыбайлас жемқорлықтың қазіргі таңдағы жағдайына байланысты материалдар, Қазақстанның танымал адамдарының қанатты сөздері, буклеттер мен плакаттар қойылды.