Кітапханада қазақтың ұлы ақыны Абай Құнанбаевтың туғанына 178 жыл толуына орай «Абай мұрасы мәңгілік – қазына» атты поэзиялық сағат өтті. Шара аясында балалар ақынның бірнеше өлеңдерін мәнерлеп оқыды. Сондай-ақ, белсенді өмір сүру орталығының «Сәулем – ай» әжелер вокалдық тобы «Көзімнің қарасы» әні мен Қ.Б. Бакраевтың орындауында «Желсіз түнде жарық ай» әннің қатысушылар назарына ұсынды. Іс-шараға «Океан» даму орталығының балалары қатысты.
Абай күніне арналған мерекелік шарамен «Жаз.Балалар.Кітап» атты ұзақмерзімді жоба биылғы жылға өз жұмысын аяқтайды.

«Өлді деуге бола ма, ойлаңдаршы, өлмейтұғын артына сөз қалдырған?» деген сөзімен өзіне ескерткіш қалап, ұрпағына өшпес өнеге, өлмес білімді асыл мұра етіп қалдырған ұлы Абай әлемі – шексіз әлем.
10 тамыз – ұлт руханиятының темірқазығы, Абай Құнанбайұлының туған күніне орай кітапханада «Әлем мойындаған ұлы Абай» атты кітап көрмесі ұйымдастырылды.
Көрмеге ұлы ақынның өлең жинақтары, қарасөздері, аудармалары және т.б. шығармалары қойылды. Оқырмандар ақынның жыл мезгілдері туралы әйгілі өлеңдері енген «Абай Құнанбайұлы өлеңдері» атты кітапша арқылы BIG DREAM қосымшасын іске қоса отырып өлеңдерін тыңдауға мүмкіндік алады.
Барлықтарыңызды Хакім Абайға арналған көрмені тамашалауға шақырамыз!

8 тамызда қызықты деректер күні аясында тәжірибе жүргізілді, яғни, Ньютондық емес сұйықтықтың қалай жұмыс істейтінін білдік. Тәжірибені үй жағдайында да жасауға болады, себебі оны жүзеге асыру үшін сізге қарапайым су, крахмал және кез келген бос контейнер қажет.
Кейбір сұйықтықтар су секілді тез құйылса, біз тәжірибеде көрсеткен сұйықтық тығыз және бал секілді тұтқыр, жабысқақ болып келеді. Бұл – Ньютондық емес сұйықтықтың физикалық тұтқырлық қасиетінің дәлелі.
Балалар тәжірибеге үлкен қызығушылықпен атсалысып, түрлі ғылыми-тәжірибелік кітаптармен танысты.

1 тамызда қызықты деректер күні аясында балалардың назарына құпияға толы «Сияның сыры» атты көрінбейтін сия жасаудың тәжірибесі ұсынылды.
Тәжірибе барысында көрінбейтін сия арқылы құпия хабарламаны жасап, мекен- жайға келген хабарды қалай оқуға болатынын көрсеттік. Ол үшін біз қағазды, мақта таяқшаларын, сүт пен лимон сығындысын, күріш суын, йод ерітіндісін және үтікті қолдандық.
Тәжірибе өте қызықты өтті. Соңында оқырмандарға әртүрлі тәжірибелерге толы ғылыми кітаптарды оқуды ұсындық.

Бүгін жас оқырмандар жазғы оқу залының қонағы болды. Ағаш көлеңкесінде отырып балалар әртүрлі кітап беттерін парақтап, өздеріне ұнаған кейіпкерлердің суретін салды. Балалар жазғы демалыс уақытында үйге оқуға бірнеше дана кітаптар алды.

18 шілдеде қызықты деректер күні аясында балалардың назарына «Жанартау» тәжірибесі ұсынылды. Тәжірибе кезінде табиғаттың өте қызықты және жұмбақ құбылысын өз қолдарымен жасап, жасанды жанартау ошағында лаваның атқылауын көре алды.
Табиғат құбылыстары немесе басқа да таңғажайып дүниелер қызықтырса, қазақтың ғылыми-көпшілік «OYLA» журналын оқуды ұсындық.

11 шілдеде қызықты деректер күні аясында «Сабын көпіршіктері» атты тәжірибе сабағы өткізілді.
№50 мектептің балаларымен бірге сабын көпіршіктерін өз қолдарымен жасап, оларды дүкенде сатылатын сабын көпіршіктерімен салыстырды. Сабын көпіршігін жасау үшін бізге ыдыс жууға арналған гель, су және глицерин қажет болды. Сабын көпіршіктерін үйде оңай жасауға болады, себебі барлығы үй шаруасында тұтынып жүрген заттар.

Астана күніне орай кітапханада «Астана – елдің жүрегі» атты иллюстрациялы кітаптаптармен безендірілген көрме – әңгіме ұйымдастырылды.
Көрмеде Астана қаласының тарихын, оның елорда ретінде қалыптасуын, көрікті жерлерін ашатын иллюстрациялы кітаптармен қоса мерзімді басылымдардың материалдары ұсынылған.
Астана- жас әрі қарқынды дамып келе жатқан әлемдегі ең әдемі және заманауи қалалардың біріне айналды. Біздің жас оқырмандар экспозициялық материалдардан Астана жайлы тереңірек оқып, оның шежіресімен танысты
Көрмеде ұсынылған кітаптар арқылы біз елорданың қалыптасуының негізгі кезеңдеріне байланысты бірталай тың ақпараттармен бөлістік. Оқырманмен пікір алмастық.
Жаңа астананың шежіресі әлі де жалғасын табары сөзсіз. Жасай бер, Астана!

Шілде айының 4-і күні кітапханада қызықты деректер күні аясында магниттердің күшін көрсететін тәжірибе сабақ жүргізілді. № 50 мектептің оқушылары «Магнит» ұғымымен танысып, магниттің қасиеттері туралы біліп, эксперимент жасау барысында жаңа білім алды.
Сондай-ақ балаларға біздің кітапхана қорынан түрлі тәжірибелер мен әртүрлі тәжірибе сабақтарға арналған қызықты ғылыми кітаптар ұсынылды.

30 маусым күні кітапханалық мульзалымызда балалар «Джунгли кітабы» мульфильмін тамашалады, сонымен қатар викториналық сұрақтарға жауап берді.