5 шілде күні кітапханада қызықты фактілер күні аясында № 64 мектепшілік жазғы лагерінің балалары тауық жұмыртқасының құпиялары туралы көптеген қызықты мәліметтер алып, «Бөтелкедегі жұмыртқа», «Резеңке жұмыртқа», «Сүңгуір жұмыртқалар» тәжірибелері көрсетілді.
Балаларға осы тәжірибелер үй жағдайында ересектердің бақылаумен жасап өткізу ұсынылды.

Кітапханада еңсесі биік, ерекше қастерлі Елордамыз – Нұр-Сұлтан қаласының төл мерекесіне қарсаңында «Жайнай бер, жасай бер, астанам!» атты интерактивті-ойын ұйымдастырылды. Шараға №91 ЖББМ «Күншуақ» жазғы сауықтыру лагерінің оқушылары қатысты.
Шара барысында оқырмандар ең алдымен Нұр-Сұлтан қаласы туралы бейне-клип тамашалап, қаланың шығу тарихы, көрікті жерлері мен қызықты деректері туралы интерактивті-ойындар ойнап, викториналық жұмбақтар шешті. Барлық ойынға белсене қатысқан балаларға журналдар сыйлыққа берілді.

Бүгін №45 мектеп-гимназиясының мектеп жанындағы лагерінің балалары «TikTok» қосымшасында бейнероликтер жасау бойынша шеберлік сағатына қатысып, кітаптарды жарнамалауды үйренді. Бүгінгі бейнероликтер Астанамыз – Нұр-Сұлтан қаласы туралы кітаптарға арналды. Баршаңызды Астана күнімен құттықтаймыз!

Құрметті оқырмандар!
Халық жазушысы, Қазақстанның Еңбек Ері, ақын Мұхтар Шахановтың туғанына 80 жасқа толуына орай ақынның еңбектеріне байланысты кітапхана қорындағы кітаптар мен мерзімдік басылымдарда жарияланған мақалаларынан «Өлеңім-өмірімнің айнасы» атты кітап көрмесі ұйымдастырылды.
Барлықтарыңызды ақынның шығармашылығымен танысуға шақырамыз!

Қазақ халқының жан серігі, рухани азығы болып келген киелі домбыра күніне орай кітапханада «Домбыра – халық даналығы» атты музыкалық панорама өткізілді.
Шараға «Ақжелең», «Арқа әуені» ансамбілінің мүшелері қатысты. Айтулы мерекеге арнап «Домбыра – дастан, домбыра – күй» атты кітап көрмесі ұйымдастырылды.
Көрмеге домбыра аспабының тарихы, жасалу технологиясы, туралы кітаптар және «Қазақтың дәстүрлі 1000 күйі», М.Рәштің «Киелі домбыра», Ө. Спановтың «Домбыра үйренейік», К. Әзірбаевтың «Жан серігім, домбыра» басылымдары қойылды.

«Азбука» баспасы – Ресейдің ең үлкен баспаларының бірі. Жыл сайын 100-ден астам кітап сериялары мен жеке баспа жобаларын, 1500-ден астам кітап атауын шығарады. «Азбука» баспасының жобалары көптеген беделді марапаттар мен дипломдарға ие. Ең басты бағыты: орыс және шетел әдебиеті, заманауи және көркем әдеби аудармалар, балалар әдебиеті, тарих пен өнерге арналған иллюстрацияланған сөздіктер және анықтамалар, фэнтези және шытырман оқиғалар, комикстар мен манга.
Келіңіздер! Оқыңыздар!

Детектив жанры – әлем әдебиетінде өзіндік орны бар жанр, сондай-ақ ол қазіргі заманда оқырмандар тарапынан өзіне қатты қызығушылық тудырып отырған жанрлардың бірі. Бала кезімізде қай-қайсымыз да детектив жанрында жазылған кітаптарды қызыға оқыдық: Кітаптағы шым-шытырық оқиғалардың қалай шешілетінін білу мақсатында бүгін кітапханада «Жұмбақ криминалистика» атты тергеу ойыны өтті. Балалар ойынға белсене қатысып, кітапханашылар ұсынған детектив жанрындағы басылымдармен танысты.

28 маусымда кітапханада қызықты фактілер күнін өткізді. № 45  мектепшілік жазғы лагердің балаларымен бірге мұздан «Мұздан жасалған қайықтар», «Мұздағы оюлар» қызықты тәжірибелер түрлерін жасады. Мұндай тәжірибелерді үй жағдайында жылдың кез – келген мезгілінде дайындауға болады. Адам өміріне қауіпсіз болғандықтан, балалар осындай тәжірбиелерді өздері жасауға болады.

Жадыраған жаз мезгілінің шуақты күндерінде біздің тақырыптық күндеріміз жалғасуда. Қала мектептерінің мектеп жанындағы лагерлерінің балалары топқа бөлініп «ТикТок» қосымшасында өсімдіктер әлемі туралы кітаптардан роликтер жасауды үйренді. Балалардың қабілеті мен шеберлігі мұғалімдер мен тәрбиешілер сараптап үздік жұмыстарды кітапхананың әлеуметтік желідегі парақшаларына орналастырылды.

26 маусым Халықаралық нашақорлыққа және есірткі құралдарының заңсыз айналымына қарсы күрес күні болып жарияланды.
Ішімдікке қарағанда, есірткіге тәуелділіктің әлдеқайда жиі және жылдам пайда болуына байланысты бұл мәселе бүкіл әлемде өзекті болып отыр.
Осы күні «Есірткіге жол жоқ!» кітапханалық акциясы өткізілді. Кітапханашылар қала көшелеріне шығып, қала тұрғындары мен қонақтарына есірткінің зияндығы туралы ақпарат айтып салауатты өмір салтын ұстануға үндейтін парақшалар таратты.